San Lucas 7:16 - Páez

¹⁶ Na'wẽ yũuni's nasa uyçxa', jxukaysa wala ũukhçxawa, txã'wẽytxi Dxusa's wala weçxana na'jĩ': —Dxus jxkaahni wala yuhsa kwe'sx ksxavxyte vxyaak jĩ'tx. Sa' ki' we'weçxa': —Dxusa' txajx nasatx pu'çxya' kĩjk jĩ'tx.

San Lucas 7:16 Referans Kwoze

San Lucas 7:39

Txã'wẽ yũuni's fxariseo Jesusa's pi'kxsathẽ'j uyçxa', na'wẽk yajkx: Naa piçthẽ'j isa Dxus yuwe's pta'sxsa dxihwaça', jiyuna naa u'ya' pkalsa ewmeesaçxa txã'wẽ çxidatx pkhi'kxna aceite awna u'ptewa sũjũ'k.

San Mateo 9:8

Txã'wẽ yũuni's nasa uyçxa', ũukhtxi. Sa' Dxusna weçxana tuuthe'jtx txã'wẽ çxhãçxhawa'ja's Dxusa' peesne' sũhçxa.

San Lucas 1:68

Israelwe'sxtxi jxpe'jsa Dxusa' kĩhtewa jxuka ewsa'. Kwe'sxa' txajx nasatha'w, aça' nwe'weya' kĩhçxa', ewte nvxihtku.

San Lucas 5:26

Jxukaysa kxtee ũssa' wala kuh yajkxna we'wena, Dxusçxáanatx weçxana tuuthe'je' sa' txã'wẽ ũukhnawa na'jĩ'tx: —Bagaçx yuhwa txã'wẽ yũunisa yu'sa' iiuymeetha'w jĩ'tx.

San Lucas 2:20

Txajũ' piisxáa-thegsawe'sxa' Dxus angel ma'wẽ pta'sxtewa txã' kxtey yuutewa uyçxa', Dxusa's wala weçxana sxawedna u'jtx.

San Lucas 1:65

Txã'wẽ yũute', kxsũ utxasũ u'psa' wala ũukh we'wena neeyũutx. Aça' Judea thã'jsuwe'sxwa txã'wẽ yũuni's jxuka jiyutx puutx ya'pta'sxna.

San Mateo 21:11

pta'sxtxi na'jĩna: —Naaíi Dxus yuwe pta'sxsa Jesusa', Galilea kiwesu Nasaret çxhabtewe'sx jĩ'tx.

San Mateo 15:31

Txã'wẽ we'weya' ãjasameewa we'weya' ãjatx, aça' ẽseya' ãjasameewa katxhitx, aça' legsawa ew u'jya' ãjatx, naapkaçxha' uyya' ãjasameewa uyya' ãjatx. Aça' nasa' wala kuh yajkxna Israelwe'sx Dxusa's wala weçxatx.

Gálatas 1:24

Txã'wẽ wẽse'jçxa', Dxusa's wala weçxatx adx txã'wẽ yũupa'ga.

Hechos 5:5

Txã'jĩni's wẽse'jna'wa, Ananiasa' uuniik wete. Aça' txã'wẽ yũuni's nasa maawa jxuka jiyusa' seena' wala ũukhwa'ja's ji'phutx.

San Juan 9:17

Sa' txãa piçthẽ'ja's ki' paapẽjxtxi: —Iidx yafxa's yu'çe'jsa' ¿kimna sũju'ga? jĩte': —Txã' Dxus yuwe pta'sxsana sũju'th jĩnak pas.

San Juan 6:14

Txã'wẽ Jesus yuuçxáa maa yuhwa ãjanimeesa's vxitte uyçxa', nasa' na'wẽtx weçxana we'we: —Naa yuuçxá' isa Dxus yuwe pta'sxsa yuh yu'ga, naa kiwete pa'jana jĩ'tx txãaga yu' jĩna weçxaçxa', ãadxijimée jxkaahwa'jsa ki'pxa'watx yu'. Aça' Jesus jiyuçxa',

San Juan 4:19

Txã'wẽ wẽse'jçxa', txãa u'ya' na'jĩnak pas: —Idxa' Dxus yuwe pta'sxsaíi ne'ga sũju'th.

San Juan 1:25

sa' ki'kin paapẽjxtxi: —Txã'wẽ Kristomeeth, sa' Eliaswa meeth, sa' Dxus yuwe pta'sxsa pa'jana jĩ'tx txãameeth jĩ'g sa' ¿kĩjxa'çxáaga nasatx yu'te bautisaĩ'? jĩte',

San Juan 1:21

Txajũ' ki'kin pẽjxtxi: —Txã'wẽçxa' ¿kimga? ¿Txãniitey Dxus yuwe pta'sxsa Elias wá'ga? jĩte', Juan pasçxa': —Txã'wẽmeeth jĩk. Aça' ki'kin pẽjxtxi: —Dxus yuwe pta'sxsa' pa'jana jĩ'tx txãa wá'ga jĩte': —Txãameeth jĩnak pas.

San Lucas 24:19

Jesusa' pẽjxku: —¿Kĩhga yuu? jĩna. Aça' txãawe'sxa' pta'sxtxi jxuka: —Jesus Nasarethũwe'sxa's seena' nxusnxus vxitçxa ikhni'stha'w ji'phu. Txã' Dxus yuwe pta'sxsa kĩjkĩh yũuya'wa ãjãsak yu', sa' Dxus dxi'pte vxite' nasaa ksxavxytewa txã'wẽk ewçxáa yũuna fxi'zesa yu'.

San Lucas 9:19

txãawe'sx pasçxa': —Maaí': Juan Bautistana jĩ'tx. Vxite': Eliasna jĩ'tx. Aça' vxite yu': Dxus yuwe pta'sxsa txãniiteywe'sx uuniiçxawa ĩtxĩ yuusaana jĩ'tx jĩte',

San Lucas 8:37

Txãa pa'gaçxáa Gadara kiwesuwe'sx jxukaysa ũukhçxa Jesusa's txãa kiweju kasehna u'khaahtx. Txã'jĩyã'the', Jesusa' barkote khẽeçxa ki' sxawedku.

San Lucas 5:8

Txã'wẽ yuute', Simon Pedro' Jesus tasxte peejxũkweçxa na'jĩk: —Adxa' pkalsath aça' adx tasxu mtxutée jĩk.

San Mateo 28:8

Txajũ' u'ywe'sxa' wala dud wuwuuna u'jtx Jesus yakh u'jusawe'sxtxi pta'sxya' ũukhnawa ũuste wẽt wẽt yajkxna.

Hechos 7:37

Txãa Moisesíiçxáak Israelwe'sxtxi na'wẽ pta'sx: I'kwe'sx ji'j teeçxsa's kutxi'jçxa Dxusa' kaajxa'wa' txajx yuwe's pta'sxkahn, na'wẽk adxnawa kaah txã'wẽy. Aça' txã'sa' nwẽese'jwa'j ji'phi'kwe jĩk Moisesa'.

San Lucas 19:44

çxhaba's kĩh yuhwa nvxihtmée jxuka suwuutxna kxtee ũssatx ikhna. Sa' teeçx kwetçxáa yuhwa kẽese'jnimée yu' neeyũumeena, i'kwe'sx ksxavxyte Dxus kĩhtewa, jxpa'gameei'kwe naa pa'ga jĩk.

San Lucas 7:15

uusá' kaçxçxa we'wek. Aça' Jesusa' njĩ'ja's dukhku.