San Lucas 5:32 - Páez

³² Adxa' nasa ewsatx pakweya' kĩhmeeth, naasáa pkalsatx pakweya'çxáath kĩh, kxah ewmée yũuna fxi'zeni's nvxihtçxa Dxus tasxte sxaweduutxna jĩk.

San Lucas 5:32 Referans Kwoze

San Lucas 19:10

Dxus Nçxi'k Nasa Yuusa' txã'wẽ vxituna ũssatx pakweçxa ewte nvxiht-ya' íiçxáath kĩh jĩk.

San Lucas 15:10

Na'jĩ'th na': Dxus angeleswe'sxtxiwa txã'wẽy weçxa yuja' teeçx nasaçxáawa pkaltxi nvxihtçxa Dxus tasxte sxawedte'.

San Lucas 15:7

Na'jĩ'th na': Cielutewa txã'wẽy nowenta y nwewe nasa ewsate jxthaakwe wala weçxa yuja' teeçx nasaçxáawa pkaltxi nvxihtçxa Dxus tasxte sxawedte'.

Hechos 3:19

Txã'wẽ yũupa'ga Dxus tasxte sxawedçxa i'kwe'sx pkalpa'ga perdon mpẽjxwe txãa pkaltxi khũkhni yuuya'. Txã'wẽ yũuçxa' weçxana ũswa'j ena's ji'phune'kwe,

San Lucas 24:47

Aça' txã'wẽ yũuni's Jerusalenu pta'sxya' takhçxa maa maa kiwetewa jxuka pta'sxitxna, kxah nasa' pkaltxi nvxihtçxa Dxus tasxte sxawedte', Kristo' txãawe'sxtxi peltunaĩna jĩna fxi'jni ũsa'.

Hechos 17:30

Dxusa' nyafxíi ensuy yu' ma'jĩme' nasa' jiimeeçxa ma'wẽwa yũutewa. Nawa ãçxha' jxukaytxi jxkaaja'k pkaltxi nvxihtçxa Dxusa'sçxáa pakwekahn.

2 Pedro 3:9

Txãa pa'gatx maaíia' naa sũju': Kristo' sxawedu'nja jĩçxawa iiméh wala txaçx jxthẽeyuuça' jĩnatx we'we'. Nawa Kristo' txã'wẽ jxthẽeyuuçme'. Txã' teeçxçxáa yuhwa vxitumée ewmée yũuna fxi'zenijũ dud sxawedwaça' sũhna ũythasnaçxáa ũsa'.

Hechos 2:38

Pedro pasçxa': —I'kwe'sx pkaltxi nvxihtçxa, Dxus tasxte misxawedwe, sa' Jesukristo's ũuste jxpa'gaçxa yu'tewa ya'bautisãywe, kxah i'kwe'sx pkaltxi peltunãyni yuuna. Txã'wẽ yũute', i'kwe'sxtxiwa Dxusa' txajx Espiritu's ũsuna.

Hechos 20:21

Txã'wẽy judiuwe'sx vxite' judiu ji'jmée txãawe'sxtxiwa jxukaysatx pta'sxthu: Dxus tasxte sxawedxa' pkaltxi nvxihtçxa kwe'sxtxi jxpe'jsa Jesukristo'swa ũuste miipa'gawe jĩna.

Hechos 3:26

Txajíik Dxusa' txajx Nçxi'ka's nyafxte' i'kwe'sx tasxte khuẽ'yku kaah i'kwe'sxtxi nwe'wekahn, kxah i'kwe'sxa' teeçxsa na'wẽçxah ewmée yũuni's nvxiitkahnku txã'wẽ yũu jĩk.

San Mateo 18:10

Naawe'sx ãhmeekwesa maa yuhtxwa açenuwe. Na'jĩ'th na': naawe'sxtxi pi'kxna u'jusa angeleswe'sxa' cielute adx Tata tasxte nes yuusaata'.

Hechos 5:31

Dxusa' txã'wẽ yũuçxa cielute txajx pukate paçu ju'gte ki'pçxa Jxkaahwa'jsak vxit, kxah Israelwe'sxa' txãawe'sx pkaltxi nvxihtçxa Dxus tasxte sxawedte, Jesusa' nwe'wena.

San Marcos 15:10

Nawa Pilato yu' sacerdote ne'jwe'sxa' Jesusa's ahçeçxa dukhtewa jiiçxak txã'wẽ we'we.

San Marcos 15:7

Txãa ensu' kxte preesu ũsu'k Barabás yaasesa. Txãa piçthẽ'ja' vxite nasa yakh pkhaakheçxa gobierno yakh puíi kiisçxa nasatx wala kiikhe'jsa npiiçthẽ'kh yu'. Txãa pa'gak preesu ũsu'.

San Mateo 9:13

Mpiyawe Dxus librute na'wẽ fxi'jni ũsa' txã'sna: Tajkx ikhçxa Dxusa's weçxana kabni yu'sa' jxpeejxmeeth. Adxa' vxitetx peeygãaniçxá'sthu jxthãasu' jĩ'k. Adxa' nasa ewsatx pakweya' kĩhmeeth, naasáa pkalsatx pakweya'çxáath kĩh, kxah ewmée yũuna fxi'zeni's nvxihtçxa Dxus tasxte sxaweduutxna.

San Marcos 2:17

txã'wẽ pẽyiçte Jesus wẽsẽ'jçxa' na'jĩk: —Yu'çe'jsa's jxpeejxmeeta' aka ji'phmée wẽt ũssa', naasáa ãçã'sa yuuçxáa yu'çe'jsa's jxpeejxta'. Adxa' naa kiwete nasa ewsatx pakweya' kĩhmeeth, pkalsatx pakweya'çxáath kĩh jĩk.

San Lucas 5:31

Jesus pasçxa': —Yu'çe'jsa's jxpeejxmeeta' aka ji'phmée wẽt ũssa', naasáa ãçã'sa yuuçxáa yu'çe'jsa's jxpeejxta'.

San Lucas 5:33

Txajũ' txãawe'sxa' Jesusa's na'wẽtx paapẽjx: —¿Ma'wẽçxata Juan yakh u'jusa vxite' fxariseowe'sx yakh u'jusa txãawe'sxa' tahtatey yũunaana Dxus yakh puutx we'wena fxi'ze'? Naapkaçxha' idx yakh u'jusawe'sx yu' yũunameetx fxi'ze' jĩte',