San Lucas 4:18 - Páez

¹⁸ Dxus Espiritu' adx yakh ũsa', Txãasak adxa's txhitxh yuwe ewsa's puupletx pta'sxkahn. Ũuste nxusna u'psatxku kvxiisxa'jya' adxa's kaah, Yuuwesa preesutx nwe'wewa'ja'sku pta'sxya' kaah, Sa' uysameetxi' kaauyu'jna, Pkxuunisatxi' nwe'weçxa,

San Lucas 4:18 Referans Kwoze

San Mateo 11:5

uyya' ãjasameewa uyu'tx, legsawa katxhiçxa legmeetx neeyũ', wã'jy wee kazx ji'phsawa katxhinitx neeyũ', wẽse'jya' ãjasameewa wẽse'jya' ãja'tx, uuniisawa ki' ĩtxi yu'tx, sa' naa kiwete pxthaakuẽesa yuutxi' Dxus tasxte pa'jwa'ja's pta'sxnik yuu jĩne'kwe.

Hechos 10:38

Dxusa' Nasarethuwe'sx Jesusa's txajx Espiritu's ũste', Jesusa' kĩhtewa nuykatxhinak fxi'ze eçxthẽ'j kusete ũssatx. Dxusa' txãa yakhku ũsu' naa pa'gak txã'wẽ yũu.

San Lucas 7:22

Sa' Jesusa' paapẽysawe'sxtxi' na'wẽk pas: —I'kwe'sx ma'wẽne'kwe wẽsẽ'jna uy txã'wẽy pta'sxine'kwe Juana's na'jĩna: Uyya' ãjãsameewa uyu'tx. Aça' legsawa katxhiçxa legmeetx neeyũ'. Wã'jy wee kazx ji'phsawa katxhinitx neeyũ'. Aça' wẽsẽ'jya' ãjãsameewa wẽsẽ'jya' ãjã'tx. Uuniisawa ki' ĩtxĩ yu'tx. Sa' naa kiwete pxthaakuẽsa yuutxi' Dxus tasxte pa'jwa'ja's pta'sxnik yuu.

Hechos 26:18

Txãawe'sx tasxsu kajaçthu, aça' idxa' txãawe'sx yafxtxi phaadene'ga, peena yu' çxhi'dxte fxi'zemée eena'sa's uykahn, sa' eçxthẽ'j kusete fxi'zemée Dxus yakh fxi'zekahn. Adxa's jxpa'gasa' txãawe'sx pkaltxi peltunãyni neeyũuçxa cielute ũswa'ja's jxpa'gatxna Dxus txhitxhnisawe'sx yakh ja'daçxah jĩk adxa's.

San Juan 12:46

Adxa' nasatx eena'te kaafxi'ze'jya'th kĩh, kxah adxna ũuste jxpa'gasa' çxhi'dxte neeyũumeetxna.

1 Pedro 2:9

Nawa i'kwe'sxa' Dxus txhitxhnisai'kwe, txajx tasxte yuuçxáa selpiina ũswa'jsa. Dxus kusetewe'sxi'kwe, kĩh pkal yuhwa ji'phmeesa. Txãa pa'ga Dxus txakwe wala i'kwe'sxtxi ewte nvxiitni's pta'sxwa'j ji'phi'kwe. Txã'wẽ yũukahnku pa'ya, jiimée jxpubana çxhi'dxte ũsnijũ kasehçxa zhiçxkwe eena'te pa'khan.

Colosenses 1:13

Txãak çxhi'dxte fxi'zena ũstewa, txajũ kutxi'jçxa txajx Nçxi'k wedxnisa tasxte nvxiht,

San Mateo 4:16

Txãa nasa' çxhi'dxte ũssa na'wẽ ũsçxawa, Eena'sa's uytxi. Sa' uuníi na'wẽçxáa yã'j ũstewa, Eena'sa' kweethku jĩ'k.

San Mateo 5:3

Wala yuh weçxa yuja' Dxusa's peejxçxa pakwesáa yakha', txãa pa'gatey txã'wẽ yũusa' Dxus jxkaahna ũsnite u'kaya' ãjawa'jsata' naa pa'ga.

San Lucas 6:20

Txajũ' Jesusa' txãa yakh u'jusawe'sxtxi thegçxa', na'jĩk: —I'kwe'sxa' kĩhwa ji'phmeeçxawa kuh yajkxmée weçxana mfxi'zewe, txãa pa'gatey Dxus jxkaahna ũsni' i'kwe'sx jĩ' naa pa'ga.

Santiago 2:5

Adx yakhthẽ'jwe'sx ew mwẽese'jwe: Naa kiwete makwe kĩhwa ji'phmée pxthaakuẽesaçxawa txãawe'sxa' Dxusa's yu' ma'wẽçxáa yuhwa peçxkanamée ũuste yajkxna fxi'zeçxa Dxus jxkaahna ũsnitewe'sxa's Dxusíi ũsya' neeyũuk Dxusna yaakxsatxi' txã'sna jxpa'gawa'jsata'.

San Juan 3:34

Txã'wẽ Dxus jxkaahnisa' Dxus kwe'we'jni'sku we'we', txã'sa' Dxusa' txajx Espiritu's makwewa ũsu'k txãa pa'ga.

San Juan 1:41

Aça' Adresa' txajx nyakh Simon khuẽ'yna nyafxte pta'sxya' u'kh: —Dxus tasxu yuusa Kristo jĩni's yuutha'w uy jĩna.

San Mateo 12:20

Makwe pxthaa ãhmeekwesatewa txã' ahçemeena, Sa' çxhãçxha fxi'zewa'ja's ji'phmeeyã'thewa, txã' ivxiitumeena, Naa kiwete zhiçxkwe txajx jxkaahwa'j en ãhpkaçx.

Hechos 4:27

Txã'jĩni kxtey yuuk. Txãa pa'gatx Herodes vxite' Poncio Pilato kxtee Israelwe'sx petx vxite nasa yã'jçxa iidx Nçxi'k Jesus kĩh pkal yuhwa ji'phmeesa's kaag txã'sna ahçeçxa naa çxhabte pkhaakhe,

San Mateo 12:18

Adxna selpiwa'jsa naa piçthẽ'ja'sthu txhitxh. Txãasa peeygãhna weçxana ũsthu, Sa' adx Espiritu's ũsu'nja, Aça' adx ew yũuwa'ja's pta'sxina maa nasatxwa jxuka.

San Lucas 4:17

Aça' Dxus yuwe pta'sxsa Isaias libru'stxi ũs. Aça' na'wẽ fxi'jnikhẽk libru's phaade:

Hechos 4:26

Naa kiwete jxkaahsa' weeçxi'tx, Aça' çxhabte npiiçthẽ'j pkhaakheçxa, Dxusa's ahçeçxa txã'wẽy Nçxi'knawa açe'tx jĩ'k.