18 Txã'wẽk wala kuh jwed yu'kxpehna Dxus yuwe's pta'sxi' Juana'.
Txã'wẽ we'wena wala yu'kxpejk Pedro' na'jĩna: —Nasa ewmeesa ksxavxyte jxpubana fxi'zemée Dxus tasxte mutxaawe ewte neeyũuya' jĩnak pta'sx.
Aça' ãçxha' uyçxa', jiyuth Dxus Nçxi'ktewa, sa' txã'snath tuuthe'je'.
Kuskuskhẽ' Juana' Jesus yuhte uyçxa', na'wẽk we'we: —Mthegwe, naaíi Dxus kaahni piisxakuẽ', jxukaysa pkaltxi txudewa'jsa.
Txã'snak Juana' tuuthe'jna na'jĩna we'we: —Adxa' na'snath pta'sxi' i'kwe'sxtxi: Adx e'ste yuja' txã' adx naa kiwete upxmeyna we'sxku yu', txãa pa'ga adxte jxthaakwesa' jĩnak pta'sx.
Txã' yujxa' skuutxh kweejxa'jni plaatu's kusete at yã'jçxa ũsa'. Sa' kweejxa'jçxa skuutxha's jxaawuuna, nawa tama'sa' ipx bagaçxte yuhwa ũçxhawa'jmeesate kabuna jĩk.
Sa' ne'jwe'sx Herodesa'swa yu'kxpejk txã'wẽ nyakh Fxelipe nyu Herodiasa's kusa'jçxa, txãa yakh nyu na'wẽ fxi'zeçxa vxite' kĩhwa ewmeeçxáak yũuna ũsu'. Aça' txãa pa'gak txã'wẽ yũuwa'jme' jĩna yu'kxpeh Juana'.
Txãa kiwesu jxuka pekũjk yakhthẽ'jwe'sx ũukhwe'sxte kçxhãaçxha'jna. Sa' txajũ' Grecia kiwenwa u'kh.
Nxuste fxi'zesatx puutx pu'çxya' ãjasa' txã'wẽ yũuwa'ja's nvxiitwa'jme'. Peesya' yaakiççxa', kaasxwedu'juna sũhmée txã'wẽ peeswa'ja'. Dxus luuçxtxi jxpe'jsa', wala jxpa'yakx jxpe'jwa'ja'. Peejiina fxi'zesatx pu'çxsa', weçxana pu'çxwa'ja'.