San Lucas 24:46 - Páez

⁴⁶ sa' na'jĩk: —Kristo' uuwa'jsa', nawa tekh ente' ki' ĩtxĩ yuuna uusaawe'sx ksxavxyuh.

San Lucas 24:46 Referans Kwoze

San Lucas 24:44

Sa' na'jĩnak we'we: —Adxna na'wẽ yũuk txã'snath adxa' i'kwe'sx yakh nee u'juy pta'sx. Moises ley fxi'jni vxite' Dxus yuwee pta'sxsawe'sx librute fxi'jni vxite' Salmos librute fxi'jni ũsta', adxa's ma'wẽ yũuwa'ja'swa txã' jxuka kxtey yuuna jĩnath pta'sx.

San Lucas 24:7

Dxus Nçxi'k Nasa Yuusa's ewmeesawe'sx kusete dukhni yuuna, aça' txãawe'sxa' kluuskhẽ ki'pçxa ikhetxna. Aça' uuçxawa tekh ente' ki' ĩtxĩ kiiteena ¿jĩna pta'sxmeená'?

Hechos 17:3

Sa' ãatek pta'sx: —Dxus tasxuh yuusa' wala pxthaa yuuçxa uuçxawa ki' ĩtxi yuuwa'jsak yu', aça' adx i'kwe'sxtxi pta'sxi'th Jesus jĩna txãaíik Dxus tasxuh yuusa Kristo yu'.

1 Pedro 1:3

Ãçxha' kwe'sxtxi jxpe'jsa Jesukristo Tata's weçxana tuuthe'jega. Txã' kwe'sx ewmeesatewa peeygãhçxa ki' u'se upxsa na'wẽ yuuwa'ja's vxitku, nawa Jesukristo kwe'sx pa'gate uuçxa ki' ĩtxi yuupa'gaçxáak txã'wẽ yũu.

Hechos 4:12

Kim yuhwa txãa na'wẽy nasatx nwe'weya' ãjawa'jsa yu' meea' naa kiwete, naasáa Dxus kaahni Jesus yuuçxáa kwe'sxtxi nwe'wewa'jsa' jĩk Pedro'.

San Mateo 26:24

Dxus Nçxi'k Nasa Yuusa' ma'wẽ uuwa'jsatewa Dxus librute pta'sxi'k txã'sa' kxtey yuuya'wa'. Nawa adxa's açesawe'sx kusete dukhsa' ¡seena' yuh nxuste khẽjena! Txãa piçthẽ'ja' naa kiwete wejx yuuwa upxmeewaçne' wejx ew yu' jĩte',

San Juan 20:9

Nawa Jesusa' uuçxa ki' ĩtxi yuuna jĩna Dxus librute fxi'jni's jiyumeytxi yu'.