San Lucas 24:45 - Páez

⁴⁵ Txajũk Dxus librute fxi'jni's isa ew kaajiyu'j,

San Lucas 24:45 Referans Kwoze

Hechos 16:14

Aça' kxte pkhaakhesa teeçxsa' Lidiak yaase yu', Tiatira çxhabuwe'sx, tela zhiçxkwesatx txweysáa. Txãa u'ya' Dxusna nwẽese'jsak txã'wẽ Pablo pta'sxni's wẽse'jna u'pu'. Aça' Dxusa' txajx ũuste kaajiyu'kh Pablo pta'sxni's.

1 Juan 5:20

Jiitha'w Dxus Nçxi'k naa kiwete kĩhçxa', Dxus ĩtxisa's jiyuwa'ja's kwe'sxtxi ũsku. Txãa pa'ga Dxus ĩtxisa Nçxi'k Jesukristo yakh fxi'zena ũstha'w. Txãa Dxus ĩtxisa' bagaçxte yuhwa pçumée ĩtxi fxi'zewa'ja's kwe'sxtxi peessa'.

Hechos 26:18

Txãawe'sx tasxsu kajaçthu, aça' idxa' txãawe'sx yafxtxi phaadene'ga, peena yu' çxhi'dxte fxi'zemée eena'sa's uykahn, sa' eçxthẽ'j kusete fxi'zemée Dxus yakh fxi'zekahn. Adxa's jxpa'gasa' txãawe'sx pkaltxi peltunãyni neeyũuçxa cielute ũswa'ja's jxpa'gatxna Dxus txhitxhnisawe'sx yakh ja'daçxah jĩk adxa's.

Efesios 5:14

Txã'sna we'weçxak na'jĩ': Jxpa'yakxmeeg fxi'ze', miiyajkx. Sa' pkalte uuníi na'wẽ fxi'zenijũ mkaaseh, Aça' Kristo' eena'te kaafxi'ze'jena jĩ'k.

San Lucas 24:32

Aça' txãawe'sx pwe'sx na'jĩnatx puutx pta'sxi': —Jesusne' yu' aça' isa yuhne' kwe'sx ũuste seena' weçxweçxa ũusuthe' dxi'the yuhçxa Dxus librute fxi'jni's pta'sxiçte' jĩ'tx.

Apocalipsis 3:7

Dxus luuçx Fxiladelfxia çxhabtewe'sxtxi jxpe'jsa Dxus angela's na'jĩna mfxi'j: Jxkaahsa Davxid lxavxi's ji'phsa txãa phadeyã'the', kim yuhwa apha'çme', sa' txãa aphte', kim yuhwa phade'çme' txã'wẽ isasa's pta'sxsa' na'jĩ'k: