San Lucas 24:39 - Páez

³⁹ Mthegwe adx kuse petx adx çxida yã'jçxa. Vxitemée, adxthu. Aça' adxa's ew jiyuya' mjxa'dxwe. Adxa' anximusmeeçxa', dxi'th ji'phsath, sa' kakwe'swa ji'phsath. I'kwe'sx yafxte ma'wẽtka vxya' txãa yu'sa' jxuka ji'pthu.

San Lucas 24:39 Referans Kwoze

San Juan 20:27

Txã'wẽ we'weçxa', Tomasa'swa na'jĩk: —Adx kusete kpã'yuunitx thegçxa, txkaa iidx kuse's mkuupath, sa' adx tabxte we'thu yãjanigawa mkuupath. Txã'wẽ yũuçxa', kuh jwed yajkxmée, ĩtxi yuu yuhga sũhwa'jçxá's ji'phune'ga jĩte',

1 Juan 1:1

Nyafxiitey ũsyã'kh yu' txã'sna kaajiyu'jna fxi'jaçthu i'kwe'sxtxi. Kwe'sxa' iiwẽse'tha'w sa' kwe'sx yafxju yuu iiuytha'w. Ĩ'neeçxáa uymée, kwe'sx kusejuwa iijxa'dxtha'w Dxus Nçxi'k ĩtxi kaafxi'ze'jwa'jsa's.

San Juan 20:20

Txã'jĩçxa', txajx kuse kpã'tx pta'sxku, tabxte we'thu yãjani'swa txã'wẽy. Aça' txãawe'sxa' Jesusa's uyçxa' wala weçxweçxa yajkxtxi.

1 Tesalonicenses 5:23

Dxus ewte kaafxi'ze'jsa kĩh pkal yuhwa ji'phmée vxitna pa'jana i'kwe'sx kakwe ma'k yuu, i'kwe'sx ũus ma'k yuu, i'kwe'sx yaakxni ma'k yuu nawa jxuka, kxah Jesukristo kĩi ente yuuwemeesa yuune'kwe.

Hebreos 12:9

Kwe'sx le'çxkuẽyte', naa kiwete kwe'sx tata yu'kxpehte', kxtey nwẽese'je'tha'w na' ãçxha' wejx thaakwe ew nwẽese'jwa'j ji'ptha'w kwe'sx Tata cielutewe'sxa's. Txã'wẽ nwẽese'jçxa', pçumée ĩtxi fxi'zewa'ja's ji'phu'nja'w.

San Juan 20:25

Aça' Tomas yu' uymeetewa, Jesus yakh u'jusa vxite yu' pta'sxtxi: —Kwe'sxtxi jxpe'jsa's uytha'w jĩna. Txã'wẽ pta'sxtewa, Tomasa' na'jĩk: —Kusete klaus kpã'vxitni's uyçxa txajx tabxte we'thu yãjani'swa uyçxa txkaa adx kuse's kaahmeeçxa yu', txã'wẽ ĩtxi yuune' sũhme'nja jĩk.

Hechos 1:3

Sa' uuniijũ ki' ĩtxi kiiteçxa', nyafxíi na'wẽyçxáak petx kakwe yã'jçxa txãawe'sxtxi vxyaana ũsu' kuarenta entepkaçx. Txã'wẽ ĩtxi yuuyuhga sũhna ew jiyukahnku txã'wẽ vxyaana ũsu', sa' Dxus ma'wẽ jxkaahwa'ja'swa pta'sxnak ũsu'.

San Lucas 23:46

Naapkaçxha' Jesusa' na'jĩnak sus we'we: —Tata, iidx kusete adx ũusa's nvxiituçthu jĩna'wa uuk.

San Lucas 24:38

Aça' Jesus we'weçxa': —¿Kĩh yuutekwe ũukhú'? Sa' pta'sxte', ¿kĩh yuuçxakwe isa yuhna sũjũ'çmée?

San Lucas 24:40

Txã'jĩçxa', kuse petx çxida yã'jçxa ktheegu'kh.