San Lucas 23:34 - Páez

³⁴ Txã'wẽ kluuste fxuçuçte', Jesusa' na'jĩnak we'we: —Tata, meen peltunaĩ adxa's açesawe'sxtxi. Txãawe'sxa' jiimeeçxatx txã'wẽ yũ' jĩk. Txajũ' soldauwe'sxa' swerte kaahtx, Jesus athni ropa's maa soldau knaytewa jiyuya'.

San Lucas 23:34 Referans Kwoze

San Mateo 5:44

Nawa adxa' na'wẽth jxkaaja': I'kwe'sxtxi açesatxi' mpeeygãhwe, sa' kxsewna ewmée we'wesatxi' ka'tu' ewçxáa mwe'wewe. Açesatxi' ew yũuna mfxi'zewe. Wẽesxuna pkxuusatxi' txãawe'sx pa'gate Dxusa's mneewe'wewe nwe'wekahn.

Hechos 7:60

peejxũkweçxa susku we'we na'jĩna: —Meen peltunaĩ na'wẽ yũuçta' txãawe'sxtxi'. Txã'wẽ we'wena'wa uuk Estebana'.

1 Pedro 3:9

Ewmée yũusa's ka'tuwa txã'wẽy ewmée yũuwa'jme', sa' wẽesxute', txã'wẽy ka'tuwa wẽesxuwa'jme', wejxwa txã'wẽ yũusatxi' ka'tu yu' ewçxáa myũuwe. Txã'wẽ ewçxáa yũukahn íiçxáak Dxusa' i'kwe'sxtxi pa'yaçxa txakwe wala ew yũu.

Romanos 12:14

I'kwe'sxtxi ahçena pkxuusatx ka'tu yu' ewçxáa myũuwe, wejx yuuwa txãawe'sx pa'gate Dxusa's mneewe'wewe nwe'wekahn.

1 Corintios 2:8

Txã'sa' naa kiwete ne'jwe'sx kim yuhwa jiyumeeta'. Jiyuwaça', kluuskhẽ ki'pçxa ikhwa'jmée ne'ta yu' kwe'sxtxi jxpe'jsa cielujũwe'sxa's.

1 Timoteo 1:13

Adxa' nyafxíi yu' ahçeçxa wẽesxuuna pkxuuya' pakwesaath yu'. Nawa Dxusa' adxa's peeygãhçxa jxpa'gak, jiimeeçxane'tka txã'wẽ yũuna ũsu' naa pa'ga.

Hechos 3:17

Yakhthẽ'jwe'sx, txã'wẽ yũui'kwe nawa jiimeeçxane'kwe txã'wẽ yũu sũju'th, txã'wẽy jxkaahsawe'sxwa jiimeene'ta yu'.

1 Corintios 4:12

sa' kuseju mjĩina wahtxnatha'w fxi'ze'. Nasa' kwe'sxtxi wẽesxutewa, ewçxáatha'w pasu'. Kwe'sxtxi pkxuuna pãpaçtewa, wantãyçxa iideewe'çmeetha'w.

San Mateo 11:25

Txãa ensu' Jesusa' na'jĩnak Dxus yakh puutx we'we: —Tata, cielute vxite' naa kiwete jxkaahsa idxa' txakwe wala kĩhtewa jxuka jiisawe'sx yuutxi' kaajiyu'jmeeçxawa, pxthaa ãhmeekwesa yuutxi' kaajiyu'jg, txãa pa'gath txakwe wala weçxá' idxa's.

San Juan 19:11

Jesusa' pasku: —Dxuspa'gameewaça', idxa' kĩjxa'yuhwa ãjawa'jsameeg adxa's. Nawa iidx kusete adxa's dukhsa' idxte jxthaakwe yuuwesa'.

San Marcos 15:24

Txajũ' kluuskhẽ fxuççxa', soldauwe'sxa' Jesus ropatxi's txudeedeçxa swerte kaahtx txajx kaaçni atxha's maa soldau knaytewa jiyuya'.

San Mateo 11:26

Idxa' txã'wẽg yũu, iidx jxthãasni' txã'wẽne' yu' naa pa'ga.

San Lucas 22:42

—Tata, idxa's ewuweçxte', seena' nxuste uuwa'ju meen nwe'we. Nawa adx jxthãasni's kxtey yuumeeçxawa, iidx jxthãasniçxá's kxtey meen yũu jĩte',

San Juan 17:9

Adxa' txãawe'sxtxi' iidx kuseteth nvxihtna neewe'we'. Naa kiwete idxa's jiimeesa ũsta' txãawe'sx pa'gate neewe'we'çmeeth. Adx jxpe'khan ũsgu txãawe'sx pa'gateçxáath neewe'we', txãawe'sxa' iidx jĩita' naa pa'ga.

Hechos 16:28

Aça' Pablo' na'wẽk we'we: —Txã'wẽ yũunu. Jxuka ũstha'w ayte jĩte',