San Lucas 23:13 - Páez

¹³ Txajũ' Pilato' sacerdote npiiçthẽ'jwe'sx vxite' judiu nthẽ'jsawe'sx çxhabte nasa jxukaysatx kaapkhakhe'jçxa,

San Lucas 23:13 Referans Kwoze

San Juan 18:38

Pilato' na'wẽk paapẽjx: —Na'wẽ isasa' jĩna we'we'g txã' ¿kĩhna? Txã'wẽ Jesusa's paapẽjxçxa', Pilato' ki' eka kasejk judiuwe'sxtxi na'jĩna pta'sxya': —Naa piçthẽ'j ewmée yũuni's kĩhte yuhwa uyu'çmeeth.

San Marcos 15:14

Txajũ' Pilato' pẽjxku: —Txã'wẽ yũukahna' naa piçthẽ'ja' ¿kĩhga ewmée yũu? jĩtewa, txãawe'sx yu': —Kluuskhẽ mkaafxuçu'j jĩnaçxáatx sus we'we'.

San Juan 19:4

Txajũ' Pilato' ki' eka kasehçxa' na'wẽk we'we: —Mthegwe, naa piçthẽ'ja' ayte ũsa', nawa txã'sa' makwe paapẽjxçxawa txajx ewmée yũuni's uymeeth.

San Lucas 23:35

Naapkaçxha' nasa kuhsa kxtee thegna ũssa vxite' judiu npiiçthẽ'jwe'sxwa Jesusa's weeçx we'wena npeevxysxijkatx na'jĩna: —Vxitetxwa nwe'weya' ãjã'k na' ãçxha' peekíi kluusuwa iyuna, Dxus txhitxhçxa kaahnisa dxihçxa' jĩ'tx.

San Lucas 24:20

Txã'wẽtewa sacerdote npiiçthẽ'jwe'sx vxite' kwe'sx npiiçthẽ'jwe'sx yu' txã'sa' ikhwa'jçxáa vxitçxa dukhtxi, aça' kluuste fxuççxa ikhtxi.

San Juan 3:1

Teeçx fxariseo Nikodemo yaasesa u'pu'k. Txã' judiu npiiçthẽ'jsatewe'sxku yu'.

San Juan 7:26

Txã'wẽ pakweeçtewa, nasaa ksxavxyte yajkxyajkxmée we'wena ũsa', kim yuhwa ma'jĩnimeete. Meeçxa' ¿kwe'sx npiiçthẽ'jwe'sxa' ew yuh jiyuwá'ntakx naa piçthẽ'ja' Dxus tasxu yuusa Kristotewa?

San Juan 7:48

¿Kwe'sx npiiçthẽ'jwe'sx meeçxawa fxariseowe'sx maaçxá' txãa piçthẽ'j kaapiya'jni's jxpa'gaçxa ũste i'kwe'sxa' jiikwe'?

San Juan 12:42

Txã'wẽtewa, judiuwe'sx wala kuhsa Jesus kimtewa jiyutx, maaíi yu' npiiçthẽ'jwe'sx yã'jçxa. Nawa fxariseowe'sx ahçeçxa txãawe'sx pkhaakhenijũ kutxi'jçxa peena yu' pa'jwa'jmée vxitkahmen, ãate yu' pta'sxi'çmeeta' ũukhçxa.

Hechos 3:17

Yakhthẽ'jwe'sx, txã'wẽ yũui'kwe nawa jiimeeçxane'kwe txã'wẽ yũu sũju'th, txã'wẽy jxkaahsawe'sxwa jiimeene'ta yu'.

Hechos 4:5

Kuskuus enkhẽ' judiuwe'sx npiiçthẽ'jwe'sx vxite' judiu nthẽ'jsawe'sx vxite' Dxus ley kaapiya'jsa

Hechos 4:8

Pedro' txajx ũuste Dxus Espiritu's jxuka ji'phçxa', na'wẽk pas: —Judiu npiiçthẽ'jwe'sx, Israel nthẽ'jsawe'sx:

Hechos 13:27

Nawa Jerusalente ũssa vxite' txãawe'sx npiiçthẽ'jsawa jiyumeeta' Jesusa' kimtewa. Sa' Dxus yuwe pta'sxsa fxi'jni'swa jiyumeeta' pkhaakheni yat-su jxkaase een isa lẽeyçxawa. Sa' txãawe'sxíiçxáa Jesusa's ewmeete nvxihtçxa', Dxus yuwe pta'sxsa fxi'jni txãawe'sx lẽeyni's kxtey yuutx.