San Lucas 22:35 - Páez

³⁵ Txã'wẽ pta'sxçxa' Jesusa' na'wẽk pẽjx: —Adxa' teeçx ente' i'kwe'sxtxi' Dxus yuwe pta'sxya' kaahçxa' kĩh yuhwa ji'phmeeth kaah, ya'ja, vxyu, pelgatxi txã'wẽsatx. Aça' i'kwe'sxtxi' dxi'the ¿kĩhçxá' peejiigá'? jĩte', txãawe'sx pasçxa': —Kwe'sxtxi' kĩh yuhwa peejime' jĩtx.

San Lucas 22:35 Referans Kwoze

San Lucas 10:4

Ya'ja, vxyu, pelgatxi txã'wẽsa jxũmée me'jwe. Sa' dxi'the nasa pu'jykhẽw yuhçxawa weçxana jxthẽeyuumeene'kwe.

San Lucas 9:3

Sa' na'wẽk yu'kxpeh: —Dxi'the kĩh yuhwa jxũmée me'jwe khãabu, ya'ja, vxyu, kaame txã'wẽsatx. Kmiisa yuhwa e'z yu' jxũçxa u'jnuwe.

San Lucas 22:34

Jesus ki' we'weçxa na'jĩk: —Pedro, idxa's na'jĩ'th na': ãçxhíi atalx we'wemeyna, idxa' tekh us ĩsxĩijaçyã'j yuune'ga adxa's jiimeeth jĩna.

San Lucas 22:36

Aça' Jesus we'weçxa' na'jĩk: —Ãçxha' ya'ja ma'k yuu, vxyu ma'k yuu, kçxilx ma'k yuu nawa ji'phsa' jxũçxa me'jwe. Aça' kçxilx ji'phmeesa' atxha's txweyçxa kçxilx mweywe.

2 Corintios 8:15

Txã'wẽ puutx pu'çxwa'ja's pta'sxçxak Dxus librute na'jĩ': Wala pkhakhtewa kijxaame', sa' le'çxkuẽe pkhakhsanawa peejime' jĩ'k.