San Lucas 20:16 - Páez

¹⁶ Txã'wẽ yũupa'ga kiwe namu' txãa mjĩisawe'sxtxi' jxuka ikhçxa kiwe's vxitetx ũsuna jĩte', txã'wẽ pta'sxni's wẽsẽ'jçxa na'jĩtx: —Dxusa' kxtee pa'j yu' wedxmeena jĩ'tx.

San Lucas 20:16 Referans Kwoze

San Lucas 19:27

Sa' adxa's ahçeçxa jxkaahsa yuukahmén pãatxhĩ'khsawe'sxtxi' ayte pe'jna kũhçxa adx uyna ũste miikhwe jĩk.

Hechos 13:46

Txã'wẽtewa, Pablowe'sxa' ũukhmeetx na'jĩna we'we: —Dxus yuwe's nyafxte i'kwe'sx judiu ji'j khuẽ'ytxi pta'sxwa'kh yu', kxahtha'w pta'sx. Nawa jxpa'gameeyã'ji'kwe pçumée ĩtxi fxi'zewa'ja's, aça' ãçxha' u'jweçtha'w judiumée vxite nasatx pta'sxya'.

San Mateo 21:41

na'wẽtx pas: —Txãa ewmeesatxi' peeygãhmée ikhçxa txãa kiwe's vxitetx pki'jina kiwee pa'ga namu's wa'lmée dukhwa'jsatx jĩtx.

San Mateo 22:7

Txã'wẽ yũute', jxkaahsa' seena' wala ũusaçxak, sa' txajx soldauwe'sxtxi kaakh txãa nasa ikhsatx ka'tuwa ikhçxa txãawe'sx çxhaba's jxuka kabkahn.

San Mateo 21:34

Uwa thẽ'jwa'j en ãhte', txã'sna selpisaatx kaakh kiwee pki'jnipa'ga pẽjxya'.

San Marcos 12:9

Txã'wẽ pta'sxçxa Jesusa' pẽjxku: —Txã'wẽ yũute', kxtee kiwe namu' ¿kĩh yũukx? Txãa sxawedna pa'jçxa, kxtee mjĩisatxi's ikhçxa kiwe's vxitetx ũsuna sũju'th jĩk.

San Lucas 20:15

eka kutxi'jçxa ikhtxi jĩk. Txajũ' Jesusa' txã'wẽ pta'sxçxa' pẽjxku: —Txã'wẽ yũute', kiwe namu' txãa mjĩisawe'sxtxi' ¿kĩh yũukx?

Romanos 3:4

Txã'wẽ yuumeena. Makwe naa kiwete nasa' Dxus yakh fxi'zewa'ja's kxtey yuumeetewa, Dxus yu' txajx pu'çxya' puutx we'weni's kxtey yuuna. Dxus txã'wẽ kxtey yũuwa'ja's we'weçxa', Dxus librute na'jĩ'k: Txãa ente kxtey yuuni's uyçxa', Ĩsxiimée isa yuh we'wesa yu'ga jĩtxna jĩ'k.

Romanos 3:6

Weh yuhwa ewmée yũusame'. Dxusa' ¿ma'wẽ naa kiwete nasa yuuwesatx kastigãyya' ãjakx, txãaíiwa ewmée yũusaaçxá'?

Romanos 3:31

Txã'wẽ Jesusna ũuste jxpa'gawa'jçxá's pta'sxçxa', ley yu' pu'çxwa'jsame' jĩçxa txã'jĩ'çmeetha'w, wejxwa ley jxkaahni's kxtey yuuwa'ja'stha'w pta'sxi'.

Romanos 6:2

Kwe'sxa' peena yu' pkalte fxi'zewa'jsameetha'w, txãa pa'gatey pkaluh txuteeçxa peena yu' nwẽese'jwa'jsa meeyã'tha'w, sa' ¿kĩjxa'çxáa jwee pkalte fxi'zena nes yuukxtha'w?

Romanos 6:15

Txã'wẽ leya' nwe'weya' ãjãmeeyã'the', ¿ki' pkalteyçxáa fxi'zemtha'w, Dxus nwe'wenite ũsçxawa? Weh yuhwa pkalte fxi'zewa'jme'.

Romanos 7:7

Txã'wẽte', leya' ewmeesana ¿sũju'kwe'? Weh yuhwa txã'wẽme'. Txãa leya' naasáa kĩh txã'wẽ pkaltewa pta'sxsaçxá'. Ley pa'gameewaça', adxa' jiyuwa'jmée ne'tka yu' kĩh txã'wẽ pkaltewa. Ley pta'sxçxa': Vxite jĩitx kusa'j wẽena ewmée yũuwa'ja's yajkxna fxi'zewa'jme' jĩmeewaça', adxa' jiyuwa'jmée ne'tka yu' txã'wẽ yaakxnisa' pkaltewa.

Romanos 7:13

Txã'wẽ leya' ewsaçxa', ¿ma'wẽki'k adxa's Dxus kastigote uuwa'j vxit? sũju'th. Nawa ley txã'wẽ uuwa'j vxitme'. Ewmée yũu wẽenisak Dxus kastigote uuwa'j vxit. Isa ew jiyute yu', ley jxkaahni ewsa's nwẽese'jmée ewmée yũu wẽenisaçxá's nwẽese'pha'gak txã'wẽ pkal yu'. Aça' txãa pa'gak nwẽese'jnimeesa' pkalna sũhna jiyunijũ' yuuwesa uuwa'j ya'yu'.

Romanos 9:14

Dxusa' ¿ewmeesaçxa ma'k txã'wẽ ma'wẽsatxwa txhitxhi'? Ewmeesa yu'çme'.

Romanos 11:1

Txã'wẽ pa'yatewa pasmeeyã'the', Dxusa' txajx txhitxhnisa Israelwe'sxtxi' ¿ahçema'k? sũju'th. Nawa weh yuhwa txã'wẽ yuume'. Txã'wẽ ahçemeeçxaíik adxa' Israel nasa, Abrahan ji'j, Benjamin nçxi'ktewe'sxthu nawa nwe'we.

Romanos 11:11

Judiuwe'sxa' jxpubaçxa weteyã'jçxa', ¿peena yu' Dxus tasxte sxawedwa'jsameetxmanx? Weh yuhwa txã'wẽ yuuwa'jsameeta'. Txã'wẽ judiuwe'sx wa'lpa'ga, judiu ji'jmée vxite nasatxku ewte neeyũuwa'ja's pta'sxni yuu, aça' vxite nasa Dxus yakh fxi'zeçte uyçxa', judiuwe'sxwa ki' sxawedxa' yaakxkahn.

1 Corintios 6:15

I'kwe'sx kakwe' teeçxsa na'wẽçxah Kristo kakweíiçxá', aça' txã'sa' jiimeewá'kwe. Txã'wẽte', Kristo kakwe's uweçxa u'y ewmeesa yakh utxaate ¿ewmanx? Weh yuhwa txã'wẽ yũuwa'jme'.

Gálatas 2:17

Txãasa ew yajkxte yu', makwe judiuçxawa yuuwemeesa yuuya' Kristo's ũuste jxpa'gameeçxa yu', pkalsaíiçxáa ne'tka'w. Txã'jĩte', leya's nvxihtçxa Kristoçxá's jxpa'gaçxa ne'tka'w yuuwe pkalsa yuu sũjuwá'kwe. Weh yuhwa txã'wẽme'.

Gálatas 3:21

Txã'jĩte', Moises ley yakh Dxus puutx we'wenisa yakha' utxaaya' ãjawa'jsamée iipuiisatxna sũjuwá'kwe. Txã'wẽsameeta'. Aça' ley txã'wẽ ewte neeyũuwa'ja's ũsya' ãjawa'jsawaça', leya's nwẽese'jsa yu' jxuka ewte yã'j ũs yu'nja'w.

Gálatas 6:14

Nawa adxa' kĩh yuhnawa weeçx weeçx yaakx wẽemeeth, naasáa kwe'sxtxi jxpe'jsa Jesukristo kluuste uuni yuuçxáak adx ũuste wẽtwẽt kaaũusuthe'je'. Kristo kluuste uupa'ga adx yakha' naa kakwetewe'sxa' seelpisame'. Txãasa adxa' naa kakwetewe'sxa's nwẽese'j wẽemeeth, uusáa na'wẽ.