San Lucas 19:47 - Páez

⁴⁷ Jesusa' een isak dxuus yatte u'kaçxa kaapiya'ja'. Naapkaçxha' sacerdote npiiçthẽ'jwe'sx vxite' Dxus leya's kaapiya'jsawe'sx vxite' çxhabte ne'jwe'sx txãawe'sx yu': ¿Ma'wẽ yũuçxa ikhekxtha'w? jĩnatx puutx we'wena ũsu'.

San Lucas 19:47 Referans Kwoze

San Marcos 11:18

Dxus leya's kaapiya'jsawe'sx vxite' sacerdote npiiçthẽ'jwe'sx wẽsẽ'jçxa', ma'wẽçxáawa yũuçxa ikhya' ãjãwa'ja's pakwetx. Nawa isa ikhya' yu' ũukhtxi, nasa thaakwe kuhsa yu' Jesus kaapiya'jni's nwẽesẽ'jsaçxaçxáa ũspa'ga.

San Mateo 26:55

Txã'jĩçxa' tudsatxku we'we: —Adxa' pesweethas i'kwe adxa's tudxa' kçxilx petx fxtũ atçxa pa'j. Adxa' kaapiya'jya' een isath dxuus yatte i'kwe'sx ksxavxyte nes yu'. Nawa txagaçxhíi yu' tudmeei'kwe.

San Juan 18:20

Jesusa' na'jĩnak pas: —Adxa' ãateçxaçxáa iiwe'weth nasa jxukaysa dxi'pte, judiuwe'sx pkhaakhenisu vxite' dxuus yatte judiuwe'sx jxukaysa ksxavxyte Dxus yuwe's kaapiya'jna. Adxa' paaçte yu' kĩhwa iipta'sxmeeth.

San Juan 10:39

Txã'jĩte', Jesusa's preesu'jçxa jxũna u'j wẽetx. Nawa preesu'jmeyna, kasehna u'kh.

San Juan 7:44

Aça' maaíi yu' preesu'jçxa jxũna u'j wẽeçxawa, maa yuhwa txã'wẽ yu' yũumeeta'.

San Juan 7:19

Moisesa' leya's fxi'jçxa ¿i'kwe'sxtxi ũsyuhmeena' wakx? Txã'wẽtewa i'kwe'sxa' maa yuhwa ley jxkaahni's kxtey yu'çmeei'kwe. Txãasa i'kwe adxa's ikhya'çxáa yaaki' jĩte',

San Marcos 14:1

Paskua's ũ'ni vxite' pan lewadura ji'phmée ũ'ni fxiesta txãa e'z fxiesta ãjxa' e'z ençxáak peejx yu'. Txãa ente Dxus leya's kaapiya'jsawe'sx vxite' sacerdote npiiçthẽ'jwe'sxa' puutx we'wetx ma'wẽ yũuçxa kimwa jiyunimeete Jesusa's kiikhe'jya' ãjãwa'ja's.

San Marcos 12:12

Txajũ' Dxus leya's kaapiya'jsawe'sx vxite' sacerdote npiiçthẽ'jwe'sxa' txãa ejemplo' txãawe'sxtxi we'wenitewa jiyuçxa', Jesusa's uweçxa tud wẽetx. Nawa nasatx ũukhçxa tudmée u'jtx.

San Mateo 21:23

Txajũ' Jesusa' dxuus yatte u'kaçxa kaapiya'jaçpkaçxha', sacerdote npiiçthẽ'jwe'sx vxite' judiu nthẽ'jsawe'sx kũhçxa' na'wẽtx pẽjx: —¿Kĩh yũupa'gaga txã'wẽ dxuus yatte jxuka suw? ¿Kimga jxkaah txã'wẽ yũuwa'ja's? jĩte',

San Lucas 19:48

Nawa ikhya' yu' ãjã'çmeeta', nasa jxukaysa Jesus ju'guçxaçxáatx ũsu' naa pa'ga.

San Lucas 20:19

Txajũ' sacerdote npiiçthẽ'j vxite' ley kaapiya'jsawe'sxa' jiyutx txãa ejemplo' txãawe'sxtxi we'wenitewa. Sa' ũusaçxaçxa txãa dudtey Jesusa's tud wẽetx. Nawa Jesus ju'gusa nasa wala kuh ũste', ũukhçxa kĩhwa yũumeeta'.