San Lucas 18:43 - Páez

⁴³ txãa dudtey uyya' ãjãk, sa' Dxusna wala weçxana Jesus e'stey u'kh. Txã'wẽ uyya' ãjãte nasa uyçxa', txãawe'sxwa txã'wẽytxi Dxusa's wala weçxa.

San Lucas 18:43 Referans Kwoze

Gálatas 1:24

Txã'wẽ wẽse'jçxa', Dxusa's wala weçxatx adx txã'wẽ yũupa'ga.

Hechos 26:18

Txãawe'sx tasxsu kajaçthu, aça' idxa' txãawe'sx yafxtxi phaadene'ga, peena yu' çxhi'dxte fxi'zemée eena'sa's uykahn, sa' eçxthẽ'j kusete fxi'zemée Dxus yakh fxi'zekahn. Adxa's jxpa'gasa' txãawe'sx pkaltxi peltunãyni neeyũuçxa cielute ũswa'ja's jxpa'gatxna Dxus txhitxhnisawe'sx yakh ja'daçxah jĩk adxa's.

Hechos 11:18

Txajũ' Jerusalente ũssa yakhthẽ'jwe'sxa' wẽse'jçxa', peena yu' pasmée Dxusçxáanatx na'wẽ tuuthe'j: —Judiuwe'sxmée vxite nasatxwa Dxusa' ũsne' pkaltxi nvxihtçxa Dxus tasxte pçuwa'jmée fxi'zewa'ja's jĩnatx weçxá'.

Hechos 4:21

judiutx jxkaahsawe'sxa' ma'wẽ yuhwa kaapeçxukwe'jya' ãjameeçxa', juuna' we'weçxaçxáa kaatxhweete'jtx. Txã'wẽme', nasa' jxukay Dxusçxáanatx tuuthe'jna ũsu' txã'wẽ ãça'sa katxhipa'ga.

San Lucas 13:17

Jesusa's açeyaakxsawe'sxa' wẽsẽ'jçxa', thaametx. Nawa nasa jwee kuhsa yu' weçxa'tx, Jesus txakwe wala ew yũupa'ga.

San Lucas 5:26

Jxukaysa kxtee ũssa' wala kuh yajkxna we'wena, Dxusçxáanatx weçxana tuuthe'je' sa' txã'wẽ ũukhnawa na'jĩ'tx: —Bagaçx yuhwa txã'wẽ yũunisa yu'sa' iiuymeetha'w jĩ'tx.

San Lucas 4:39

Aça' Jesusa' ãçã'sa tasxte kũhçxa kakwesek ũçxhakahn we'wek. Naapkaçxha' kakweseka' ũçxhate', kiiteçxa selpiiya' kasejk.

San Mateo 21:14

Kxtee dxuus yatte maaíi yu' Jesus tasxte utxaatx, uyya' ãjasamée, çxida legsa, aça' txãawe'sxtxi' nuykatxhik.

San Mateo 11:5

uyya' ãjasameewa uyu'tx, legsawa katxhiçxa legmeetx neeyũ', wã'jy wee kazx ji'phsawa katxhinitx neeyũ', wẽse'jya' ãjasameewa wẽse'jya' ãja'tx, uuniisawa ki' ĩtxi yu'tx, sa' naa kiwete pxthaakuẽesa yuutxi' Dxus tasxte pa'jwa'ja's pta'sxnik yuu jĩne'kwe.

San Mateo 9:8

Txã'wẽ yũuni's nasa uyçxa', ũukhtxi. Sa' Dxusna weçxana tuuthe'jtx txã'wẽ çxhãçxhawa'ja's Dxusa' peesne' sũhçxa.

1 Pedro 2:9

Nawa i'kwe'sxa' Dxus txhitxhnisai'kwe, txajx tasxte yuuçxáa selpiina ũswa'jsa. Dxus kusetewe'sxi'kwe, kĩh pkal yuhwa ji'phmeesa. Txãa pa'ga Dxus txakwe wala i'kwe'sxtxi ewte nvxiitni's pta'sxwa'j ji'phi'kwe. Txã'wẽ yũukahnku pa'ya, jiimée jxpubana çxhi'dxte ũsnijũ kasehçxa zhiçxkwe eena'te pa'khan.

San Lucas 19:37

Sa' Oliwos vxiç e'skhẽ u'jweçpkaçxha', Jesus yakh yuusa nasa' Dxusa's wala weçxana weyya' takhtxi txã'wẽ Jesusa' kĩjkĩhwa ew yũuna u'juni's uyçxa.

San Lucas 9:43

Aça' Dxus txakwe wala ew yũute', jxukaysa wala kuh yajkxtxi. Na'wẽ yũuni's nasa wala kuh yajkxna ũspkaçxha', Jesusa' txãa yakh u'jusawe'sxtxi' na'wẽk we'we: