San Lucas 18:22 - Páez

²² Aça' Jesus wẽsẽ'jçxa' na'wẽk jxkaah: —Txã'wẽtewa, nee peeji'. Iidx ji'phuni's jxuka txweyçxa, puuplesatx peesune'ga. Txã'wẽ yũuçxa', cielute ji'phsa yuune'ga. Txã'wẽ yũuçxa adx yakh myuh jĩte',

San Lucas 18:22 Referans Kwoze

San Lucas 12:33

Ji'phunisa's txweyçxa jxpeejxsatx mpeeswe. Vxyu jxaawni suwewa'jmeesa mvxitwe. I'kwe'sx ji'phuni cielutewe'sxa' pçumeena, kxteea' kĩh peswée yuhwa u'kameena, sa' çxikaçxáa yuhwa suwmeena.

San Mateo 19:21

Jesus pasçxa': —Dxus jxkaahnitxi' jxuka kxtey nwẽese'jsa yuu wẽeçxa', u'jçxa iidx ji'phunitxi' jxuka txweyçxa ji'phmeekuẽsatx mes. Sa' txã'wẽ yũuçxa' cielute ji'phsa yuune'ga. Txã'wẽ yũuçxa adx yakh myuh jĩte',

San Lucas 16:9

Aça' adxa' i'kwe'sxtxi' yu'kxpeje'th txã'wẽy yũukahn, naa kiwete ji'phuni's psuwmée jxpa'yakx mkseelpi'jwe namiku vxitna. Kxah naa kiwete ji'phunisa pçuutewa, vxite kiwe pçuwa'jmeete i'kwe'sxtxi jxpa'gawa'jsa ji'phune'kwe.

San Lucas 10:42

Nawa jxthaakwe peejxsa yu' teeçx jwed yuuçxá'. Aça' Maria' wejx jxthaakwe peejxsa's wẽsẽ'je'ça' txã'sa' kim yuhwa kusa'jmeetxna jĩnak we'w e.

2 Pedro 3:8

Yakhthẽ'jwe'sx, vxite na'wẽsa'swa mjiyuwe: Kristo yakha' teeçx ensaçxáa ma'k yuu meeçxa' mil anxusa ma'k yuu nawa txaçxsa yu' meea', txãa na'wẽçxaçxáata'.

Filipenses 3:13

Yakhthẽ'jwe'sxtxi na'jĩ'th na': Kristo's jiyuwa'j peejíiçxáath sa' Dxus dxi'pte ew fxi'zena pa'jwa'j peejíiçxá' sũjũ'th. Aça' txãatx kxtey yuu wẽeçxa na'wẽth yũ': nyafxíi fxi'zeni's peçxkanaçxa, na'wẽ jiyuna jxã'jwa'j ũsta' txãaçxáatxthu wejx pa'pçxu'.

San Lucas 9:23

Txajũ' jxukaysatx na'jĩk: —Maawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjãne'kwe, makwe pxthaa yuuwa'j seena'sa een isa ma'k pa'jnawa txã'sa' ũukhmée.

San Lucas 18:21

txãa piçtakx pasçxa': —Txãatxi' le'çxkuẽjũjx jxuka kxtey yuunath waláa jĩk.

San Lucas 18:23

txãa piçtakxa' wala nxusna neeyũuk, wala ji'phsa yu'k txãapa'ga.