San Lucas 17:21 - Páez

²¹ Dxusa' jxkaajxa' pa'jçxa: Ãçxha' ayte ũsa' meeçxawa kxtee ũsa' jĩna ya'we'wemeena. Txãa pa'gatey i'kwe'sxa' Dxus jxkaahni enteyã'j ũsi'kwe.

San Lucas 17:21 Referans Kwoze

San Mateo 12:28

Adxa' eçxtxi kutxi'ji'th Dxus Espiritu pu'çxte'. Nawa i'kwe'sxtxi Dxusçxaçxáa jxkaahwa'j en ãhne' txãa pa'ga ne'tka txã'wẽ yũ'.

Romanos 14:17

Txãa pa'gatey Dxus yakh fxi'zewa'ja' ũ'nisatx jxpa'yakxçxa txã'wẽ Dxus yakh ya'fxi'ze'çme', naasáa Dxus Espiritu pu'çxte yuuçxáak Dxus yakh wẽt weçxana jxpubamée fxi'zewa'ja's ya'ji'phu'.

San Marcos 13:21

Txajũ' maaíi yu' i'kwe'sxtxi na'jĩtxna: Myuhwe thegya', Kristo' ayte ũsa' jĩtxna. Meeçxawa: Me'jwe thegya', Kristo' kxtee ũsa' jĩtewa, i'kwe'sxa' kxtey yuunuwe.

Colosenses 1:27

Dxusa' txajx yuwe kaajiyu'jnimeesa iiméh wala selpiwa'jsa yu'k judiu ji'jmée vxite nasatxwa txã'snak kaajiyu'j txajx nasatx. Txã' naak yu': Kristo' i'kwe'sx ũuste u'kak, txãa pa'ga i'kwe'sxa' Dxus tasxte pa'jwa'ja's ji'phi'kwe jĩna pta'sxni's i'kwe jiimée yu'.

San Lucas 21:8

na'wẽk pta'sx: —I'kwe'sxtxi kaypuba'jwe'sxte mpa'yajkxwe. Txã'wẽme' wala kasejetxna Dxus kaahnisatha'w jĩna na'jĩna: Adxa' Kristoth, aça' ãçxha' nmeh en ãjk jĩtxna. Nawa txãawe'sxtxi' nwẽesẽ'jnuwe.

San Lucas 17:23

I'kwe'sxtxi' nasa yu' na'jĩwáatxna: Ayte ũsa' meeçxa' kxtee ũsa' jĩtewa, u'jmeene'kwe sa' nwẽesẽ'jwameene'kwe.

San Juan 1:26

Juan pasçxa': —Adxa' yu'teçxáath bautisaĩ'. Nawa i'kwe'sx ksxavxyte teeçx ũsa' txã'sa' jiimeene'kwe.

San Juan 18:36

Jesusa' pta'sxku: —Adx jxkaahwa'ja' naa kiweteme'. Txã'wẽ naa kiwete jxkaahwa'jsawaça', adx ju'gusawe'sxa' puiiwa'jne'ta yu', judiuwe'sx kusete adxa's dukhkahmen. Aça' naa kiwete jxkaahsameeth.