San Lucas 16:16 - Páez

¹⁶ Moises ley vxite' Dxus yuwe pta'sxsawe'sx kaapiya'jni' Juan Bautista entepkaçxtxi ũsu'. Kxajuk yuwe u'sesa' Dxus jxkaahwa'j ena's pta'sxni yuu, aça' maawa Dxus jxkaahnitewe'sx yuuya' wala pa'pçxu'tx.

San Lucas 16:16 Referans Kwoze

San Mateo 21:32

Txãa pa'gatey Juan Bautista' kaapiya'jna pa'kh pçumée ĩtxi fxi'zewa'ja's. Txã'wẽtewa, i'kwe'sxa' jxpa'gameei'kwe. Naapkaçxha' gobierno jĩi vxyu pkhakhsawe'sx vxite' u'ywe'sx pkal yuuna fxi'zesa txã'wẽsa yu' jxpa'gatx. Nawa i'kwe'sxa' yafxju uyçxawa pkaltxi nvxihtçxa Dxus tasxte sxawedmeei'kwe.

San Juan 1:45

Aça' Fxelipe' Natanaela's pta'sxya' u'jçxa' na'jĩk: —Moisesa' teeçx piçthẽ'ja' vxyaana jĩnak fxi'j ley librute, aça' Dxus yuwe pta'sxsa txãniiteywe'sxwa txã'snaíiçxáatx tuuthe'jna fxi'j txã'stha'w kwe'sxa' puutx uy. Txãa piçthẽ'ja' Jose nçxi'k Jesusa', Nasaret çxhabtewe'sxa' jĩte',

San Lucas 16:31

Aça' Abrahan pasçxa': Moises vxite' Dxus yuwe pta'sxsa txãawe'sxtxi nwẽesẽ'jmeeyã'jçxa', makwe uusaawe'sx ksxavxyu ki' ĩtxĩ yuuçxa pta'sxtewa, kxul yuhna jĩk.

San Mateo 3:2

Sa' na'jĩ'k: —Pkaltxi nvxihtçxa Dxus tasxte misxawedwe. Txã'wẽme', Dxus jxkaahwa'j ena' ãjxã'kh jĩ'k.

Hechos 3:18

Nawa i'kwe'sx txã'wẽ yũuwa'ja's Dxusa' yaçtey pta'sxku txajx yuwee pta'sxsawe'sxtxi na'jĩna: Kristo' wala pxthaa pa'ga yuuna jĩna aça' txã' kxtey yuukahn i'kwe txã'wẽ ikh.

San Lucas 16:29

Abrahan pasçxa': Txãawe'sxa' Moises vxite' Dxus yuwe pta'sxsawe'sx fxi'jnitx ji'phta' na' txãatx wẽsẽ'jetxna jĩte',

San Lucas 10:11

I'kwe'sxa' jxpa'gameeçxawa yuuwesa yuukahn i'kwe'sx çxhabte kxtã'tuhd yuhnawa sakweekweçxa u'jweçtha'w kwe'sx çxidate uweni's. Sa' makwe jxpa'gameeçxawa, jiyuçxa neeyũuçi'kwe: i'kwe'sxtxi Dxus jxkaahna pa'jwa'j ena' utxa ũsa' jĩne'kwe.

San Lucas 10:9

Sa' kxtee ãçã'satxwa nuykatxhiçxa na'wẽ pta'sxine'kwe: Dxus jxkaahna pa'jwa'j ena' i'kwe'sx yakh utxa ũsa'.

San Mateo 4:17

Txajũ' Jesusa' Dxus yuwe's pta'sxya' takhku: —I'kwe'sxa' pkaltxi nvxihtçxa Dxus tasxte misxawedwe. Txã'wẽme', Dxus jxkaahwa'j ena' ãjxã'kh jĩ'k.

San Lucas 9:2

Txã'wẽ yuuçxak kaah Dxus jxkaahwa'j ena's pta'sxna ãçã'satxwa nuykatxhikahn.

San Marcos 1:14

Juana's karcelte kxuuphni e'su', Jesusa' Galilea kiwen u'kh Dxus jxkaahwa'ja's pta'sxya'.

San Mateo 10:7

Sa' pta'sxine'kwe Dxus jxkaahwa'j ena' ãjxã'kh jĩna.

San Juan 12:19

Txajũ' txã'wẽ nasa pu'thegya' kasehpa'gaçxáa fxariseowe'sxa' na'jĩnatx ũusçxa we'we' txãawe'sx pwe'sx: —Mthegwe wakx, kĩh yuhwa yũuya' ãjaçmeetha'w, naapkaçxçxáa nasa' jxukay Jesus yakhçxaçxáa u'jweçta' jĩ'tx.

San Juan 11:48

Txãa piçthẽ'ja's kĩhçxáawa yũumeete', nasa' jxukay txãa yakhçxaçxáa u'jwetxna. Aça' Romajũ nasa kwe'sx dxuus yata's ivxiituçxa', kwe'sxtxiwa ivxiitutxna.

San Marcos 1:45

Nawa txãa piçthẽ'ja' nasa jxukaysatx pta'sxku, Jesus ma'wẽ yũuni'swa jxuka. Txãa pa'gaçxáa Jesusa' maa çxhabte yuhwa ãate pa'jya' ãjãmeeçxa', çxhab ekaju nasa meesuçxáak u'ju'. Makwe txã'wẽ yũutewa, txajx tasxte yu' majũwe'sxwa pa'jna nestxi yu'.

San Mateo 4:23

Jesusa' Galilea kiwe jxukak pekũh, judiuwe'sx pkhaakheni yat-su Dxus jxkaahwa'j yuwe ewsa's pta'sxna, txã'wẽy nasa kĩh weete ãça'satxwa jxuka nuykatxhik.

San Mateo 15:11

Kĩh ũ'wa tutxhteçxáa khẽesa yu', nasatx ewmeesa vxitu'çme', naasáa ũusuh ewmée yaakxnisa yuuçxáak nasatx ewmeesa vxitu'.

San Juan 5:4

Txã'wẽ maa enteya' Dxus angel kĩhçxa yu'a's kẽese'je'k, naapkaçxha' maa yaçte khẽjena txã' jxuka katxhiçxak neeyũ' kĩh wee ji'phçxawa.