San Lucas 16:15 - Páez

¹⁵ Aça' Jesusa' na'jĩk fxariseowe'sxtxi': —I'kwe'sxa' naa kiwete nasaa dxi'pte yu' wala ewsa na'wẽ fxi'ze'i'kwe. Nawa Dxusa' i'kwe'sx ũus yaakxnitxi' jxuka jiia'. Naa kiwete nasaçxáa i'kwe'sxtxi' ewsata' jĩte', Dxus yu' txã'jĩmeena.

San Lucas 16:15 Referans Kwoze

1 Corintios 4:5

Txãa pa'ga mjĩini's we'wewa'j en ãhmeyna yu', i'kwe'sxa' nuywe'wenuwe. Mũythaswe Jesukristo kĩhpkaçx. Txãa yuuçxáa ew ma'k yuu ewmée ma'k yuu nawa kaajiyu'juna makwe jiyunimeesa ũusteçxáa yaakxnisa sũthni yuu ma'k nawa jxuka. Txã'wẽ yũunijũ ya'jiyuna nasaa iisa ma'wẽ yũusaaçxawa.

Hechos 15:8

Dxusa' jiia' maaçxah nwẽese'jwa'jsatewa, txãasa íik vxite nasawa txã'sna nwẽese'jwa'jsa yuutxi's txajx Espiritu's ũs, kwe'sxtxiwa ma'wẽga txajx Espiritu's ũs txã'wẽy.

1 Pedro 3:4

wejxwa ũuste txã'wẽ zhiçxkwe mpheu'jwe, ew yũuwa'jçxá's yajkxna, vxitesa yakh puiimée fxi'zewa'ja'sçxáa pakwena. Txãaçxáa thaakwe ewsa' Dxus dxi'pte.

San Lucas 11:39

Aça' Jesusa' na'jĩk: —Fxariseowe'sx i'kwe'sxa' plaatu waso ma'k yuu nawa txãa yuutxi' ekakhẽ yu' pkhi'khi'i'kwe. Nawa i'kwe'sx ũus dxiite yu', pesweena kĩjkĩhwa ewmeeçxáa yũunisaçxáa jxuka uta ũsa'.

San Lucas 10:29

Nawa ley kaapiya'jsa yu', txajx yuweteyçxáa ewmeete neeyũuyã'jçxa', na'wẽk pẽjx: —Txãa vxite nasa jĩ'k txãa yu' ¿kimtxna? jĩte',

Apocalipsis 2:23

Sa' txãa u'y luuçxtxi's ikhe'nja. Txã'wẽ yũute Dxus luuçxa' jxukaysa jiyutxna adxa' txãawe'sx ũus dxiiju yaakxni's jxuka jiyusatewa. Sa' i'kwe'sx teeçxsa na'wẽçxah kĩh yũusatewa, ka'tuwa txã'wẽy yu'nja.

1 Pedro 5:5

Piçtakxwe'sxwa txã'wẽy ancianowe'sx we'weni's kxtey myuuwe. Jxukaysa puutx ya'nwẽese'jna fxi'zewa'ja' iiwejçx yajkxmée. Txã'wẽme', Dxusa' pu'çxhi'çme' iiwejçx yaakxsatxi's, nawa iiwejçx yaakxsameetxi's peeygãhnak pu'çxhi'.

Romanos 3:20

Txãa pa'gatey leya'sçxáa yajkxte', maa yuhwa yuuwemée ewsa ya'yu'çme', leya' naasáa kĩh txã'wẽ ewmeetewa txã'sna pta'sxsaçxá' naa pa'ga.

San Juan 2:25

Txãa nasa' txã'wẽsata' jĩna pta'sxi peejx yu'çme', txãa pa'gatey nasaa ũus yaakxnitx jxuka jiiyã'kh yu' naa pa'ga.

San Mateo 23:5

Maawa uykahn sũhçxa iiwejçx iiwejçx yajkxna ãate yu' kĩhwa yu'tx Dxusna yaakiçtha'w jĩna. Txãasatx Dxus jxkaahni's eçte fxi'jçxa kajate akhçxa dxiktheuy vxite' kusesu tudçxa fxi'ze'. Sa' nasa jiyuni fxi'zeya' sũhçxa athni ropawa thaakwe jxu'jsa iijxũçxatx fxi'ze'.

San Lucas 18:21

txãa piçtakx pasçxa': —Txãatxi' le'çxkuẽjũjx jxuka kxtey yuunath waláa jĩk.

San Lucas 18:11

Fxariseo yu' yujuçxa na'jĩnak Dxus yakh puutx we'we': Dxus, idxa's wala weçxa'th, adxa' vxite nasa na'wẽmeeth. Txãawe'sxa' pesweeta', ewmée kazxsata'. Sa' nyu ji'phçxawa vxite yakh pkal yuusata'. Aça' adxa' txã'wẽsameeth. Naa piçthẽ'j ayte ũsa' gobierno jĩi vxyu pkhakhsa txã'wẽsaçxáa yuhwa meeth.

Hechos 1:18

Nawa Jesusa's txweyni vxyuju kiwek wey, sa' kxteek tẽekhẽe dxiktheju sutenus wete, aça' meetu'ja' jxuka ubuk.

San Lucas 20:47

Sa' vxiudawe'sx yattxiwa kusa'ja'tx, kĩjkĩh ji'phuni'swa jxuka. Nawa ewsata' sũjkahn wala jxu'j lisa'tx. Txã'wẽ yũupa'ga txãawe'sxa' wejx jxthaakwe Dxus kastigãyni yuutxna jĩnak pta'sx.

San Lucas 20:20

Nawa kĩhteçxáawa ewmeete nvxiht-ya' sũhçxa thegsa kaahtx. Aça' txãawe'sxa' Jesusa's ew paapẽysa na'wẽ yuh we'wena utxaatx, jxkaahsa's ewmée we'wetewa jiyuçxa' ne'jwe'sxa's pãatxhĩ'khya' sũhçxa.

San Mateo 6:16

I'kwe'sxa' yũunaççxa', maa nasawa uykahn sũhçxa ãate kaavxya'ja'jwa'jme'. Ãateçxáa ewtha'w jĩsaçxáatx txã'wẽ yũ' nasa jiyukahn. Isath we'we': Txã'wẽ yũuçxa' nasaa tuuthe'jniçxáatx fxi'ze'.

San Mateo 6:5

I'kwe'sxa' Dxus yakh puutx we'weççxa', ãateçxáa ew we'wesawe'sx na'wẽ yũunuwe. Txãawe'sxa' judiuwe'sx pkhaakheni yat-su vxite' klxiikhunsu yujuçxatx Dxus yakh puutx we'wena pekũju' nasa uykahn sũhçxa. Isath we'we', txã'wẽ yũuçxa' nasaa tuuthe'jniçxáatx fxi'ze'.

San Mateo 6:2

Txãa pa'ga peejxsatx kĩhçxáawa peesu'ççxa', nasa uykahn sũhçxa nasa ksxavxyte txã'wẽ yũunu. Ãateçxáa ew we'wesawe'sxçxáatx txã'wẽ yũ' judiuwe'sx pkhaakheni yat-su vxite' klxiikhunsu, nasa' uyçxa' ew yuh yũ'k jĩna tuuthe'j jxthãasçxatx txãawe'sxa' txã'wẽ yũ'. Nawa adxa' isath we'we': Txã'wẽ yũuçxa', nasaa pwe'sx tuuthe'jniçxáatx fxi'ze'.

San Juan 21:17

Tekh uswa ki' pẽjxku Jesusa': —Jonas nçxi'k Simon, ¿adxa's wedxi'gá'? Aça' Pedro' wala nxusku txã'wẽ tekh us ¿adxa's wedxi'gá'? jĩna pẽjxte'. Sa' na'jĩk: —Idxa' jxuka jiig adx idxa's wedxiçtewa jĩte', Jesusa' na'jĩnak neewe'we: —Txã'wẽçxa' adx piisxaatx jxpa'yakx miipe'j.

San Lucas 18:9

Jesusa' na'wẽk vxite ejemplo pta'sx txã'wẽ maaíi yu' wala ewsatha'w sũhna vxite yuutxi' ahçena fxi'zesawe'sxtxi:

San Lucas 18:14

Na'jĩ'th na': Gobierno jĩi vxyu pkhakhsa we'weni's Dxusa' pasne'. Nawa fxariseo yu' pasnimeene' yatna sxawedna u'j. Maawa iiwejçx iiwejçx yajkxçxa we'wesa', jxthaakwe ãhmeekwesa yuuna. Nawa maawa ãhmeekwesa na'wẽ yajkxna we'wesa' iiwejçx yaakxsate jxthaakwe ewsa yuuna jĩk.

Hechos 1:24

Sa' na'wẽtx Dxus yakh puutx we'we: —Idxa' maa maa nasa ũus yaakxni'swa jiig. Kwe'sxtxi meen mkhiyu'j naa e'zsatx maaçxahtxga txhitxh,

Romanos 8:27

Aça' Dxusa' ũus yaakxni's jiisa', txãasak Dxusa' jiyu txajx Espiritu yaakxni's, Dxus Espiritu' naasáa Dxus kxtey yuuwa'ja'sçxáak jxthãasu' kwe'sx jxukaysa pa'gate.