San Lucas 14:12 - Páez

¹² Sa' fxiesta namu pi'kxsa'swa na'jĩk Jesusa': —Idxa' sã'jĩya' pi'kiççxa', iidx namikuwe'sxtxi yakhthẽ'jwe'sxtxi pukakhẽ npe'sxtxi meeçxawa utxasuwe'sx vxyu ji'phsatx pi'kxnu. Txã'wẽme' txãawe'sxwa kaasxwedu'ju'tha'w jĩna idxa's txã'wẽy sã'jĩya' pi'kitxna.

San Lucas 14:12 Referans Kwoze

San Mateo 5:46

Txã'wẽ i'kwe'sxtxi peeygãasaçxáatx ka'tuwa peeygãhçxa', ew yũusatha'w ¿jĩya' ãjama'kwe? Makwe nasa ewmeesa gobierno jĩi vxyu pkhakhsawe'sxwa txã'wẽ yũuwa'jçxáa yu'sa' ãja'tx aça'.

San Lucas 1:53

Kĩhwa ji'phmée peejiina fxi'zesatxi' txãawe'sx peejini's jxukak ũs. Sa' wala ji'phsa yuutxi'sa' kĩhwa ji'phmeek nvxiht.

San Lucas 1:58

Aça' Elisabet nwe'sx vxite' namikuwe'sxwa jiyuçxa', weçxaya' u'jtx Dxusa' Elisabetha's txã'wẽ ew yũupa'ga.

San Lucas 14:11

Maawa walasath sũhna iiwejçx iiwejçx yaakxsa' thaamewa'jçxáa ji'phuna. Nawa ãhmeekwesa na'wẽçxáa yajkxna fxi'zesa' jxtuhthe wálasa yuuna.

San Lucas 14:13

Aça' sã'jĩya' fxiesta vxituççxa', wejxwa puuple ãhmeekwesa legsa uysamée txã'wẽsaçxáatx mpi'kx sã'jĩya'.

2 Corintios 6:13

Neya' luuçxtxi's ma'wẽga peeygãhna we'we', adxwa i'kwe'sxtxi' txã'wẽythu peeygãhna we'we'. I'kwe'sx ũus yaakxni's paaçteçxáa ji'phumée ãate we'wekahnthu adx ũus yaakxni's ãate we'we'.