San Lucas 13:19 - Páez

¹⁹ Nawa na'wẽ': teeçx piçthẽ'j txajx kiwete mostasa fxiwa's uhte', ma'wẽ seena' walaakx. Aça' vxiçxakuẽ yuhwa txãa mostasa ku'tasu yaatutxki txã'wẽsa'.

San Lucas 13:19 Referans Kwoze

Hechos 4:4

Nawa Pedrowe'sx pta'sxni's wẽse'jçxa Kristo's jxpa'gasa yu' seena' wala kuh yu'tx, piçthẽ'jçxáatx isani cinko miltxi yu'.

Hechos 2:41

Aça' Pedro pta'sxni's nwẽese'jçxa yu'te ya'bautisãytxi. Txãa ente' tekh mil ãhtx Kristo's jxpa'ga.

Hechos 21:20

Aça' wẽse'jçxa', Dxusa's wala weçxaçxa na'wẽtx pta'sx Pablo's: —Yakhthẽ'j, idxa' jiiyã'jne'ga judiu ji'jwe'sx wala kuhsa Jesus kaapiya'jni's jxpa'gasa ũsta', sa' txãawe'sxa' Moises leya's nvxihtmeete ewna jĩ'tx.

San Mateo 17:20

Jesusa' pta'sxku: —Dxusa' pu'çxhina sũhwa'j yuuçxá's yaakxpa'gamée i'kwe ãjamée. Isath we'we', Dxusa' pu'çxhina sũhwa'ja's mostasa fxiw na'wẽ le'çxkuẽesaçxáawa ji'phwaça', naa vxiç wala's we'weni yakhçxáa fxiite ki'pxa' ãjane'kwe. Dxusa' pu'çxhina sũhwa'j yuuçxá's yajkxwaça', i'kwe'sx yakha' kĩh yuhwa thẽysameena.

Apocalipsis 11:15

Txajũ' Dxus angel sietetewe'sxwa txajx trompeta's tujkak, aça' seena' sus we'wenisa pthũuse'tx cielujũ na'jĩna: Naa kiwete jxkaahna ũsnisa' jxuka kwe'sx Tata vxite' txajx Txhitxhnisa Kristo txãawe'sx jĩiçxaçxáatx yuuna pa'j. Aça' ãçxha' txãaçxaçxáa jxkaajana bagaçxtewa jĩnatx we'we.

Romanos 15:19

Txã'wẽ yũunath Kristo yuwe ewte nvxiitwa'jsa's mtee mteewa pta'sxna jxã'j, Jerusalente takhçxa Ilíriko kiwete pa'phkaçx.

San Lucas 17:6

Jesus pasçxa': —Dxusa' pu'çxhina sũhwa'ja's mostasa nxinx na'wẽkuẽçxáawa ji'phwaça', naa fxtũu tasxa's khubeteçxáa ĩkh walate me'j khẽeya' jĩte', txãa fxtũu tasxa' kxtey yuuna jĩk.

San Marcos 4:30

Vxite ejemplok pta'sx Jesusa': —Dxus naa kiwete jxkaajxa' takhnisa's ¿kĩh yakh kaaja'da'ja'kxtha'w aç jiyuki'kwe?