San Lucas 13:15 - Páez

¹⁵ Aça' Jesus pasçxa': —Ãateçxáa ew we'weçxa' ũuste yu' ewmeeçxáa yaakxsawe'sx mpaaswe: I'kwe'sx kla meeçxawa i'kwe'sx jiba tudni ũste', makwe jxkaase entewa jxũkhwedeçxa yu' yusya' ¿jxũna u'jmeema'kwe?

San Lucas 13:15 Referans Kwoze

San Lucas 14:5

Sa' fxariseowe'sxtxi' na'jĩk: —I'kwe'sx jiba meeçxawa i'kwe'sx kla kafxte khẽeçxa u'pte', ¿dudtey kutxi'jmeema'kwe jxkaase entewa?

San Mateo 23:28

I'kwe'sxa' txã'wẽysa i'kwe. Ãakhẽ yu' nasaa dxi'pte wala ew na'wẽ thegu'i'kwe. Nawa ũuste yu' kazx ewmée yaakxnisaçxáa uta ũsa'.

San Lucas 12:1

Txajũ' nasa iiméh seena' wala pkhaakheçxa jxuka utate', Jesusa' txãa yakh u'jusawe'sx khuẽ'ytxi na'wẽk we'we: —Fxariseowe'sx ewmée yũuna fxi'zeni's mpa'yajkxwe. Txã'wẽme' txãawe'sxa' ãajuçxáa ew we'weçxa', ũus dxiite yu', ewmeeçxáatx yaaki'.

San Lucas 6:42

¿Ma'wẽçxa iidx yakhthẽ'ja's pẽyiki'g: Iidx yafxte kxtã'a's kutxi'ji'nja jĩna? iidx yafxte yu', fxtũ pe'la walasa khẽeçxa u'ptewa txãa yu'sa' uymeeçxa'. Ãakhẽçxáa ew we'wena u'jusathẽ'j, iidx yafxte fxtũ pe'la walasa khuẽ'yna mkuutxi'j, sa' txã'wẽ yũuçxaçxáa iidx yakhthẽ'j yafxte kxtã' le'çxkuẽsa's kutxi'jya' ãjãne'ga.

San Mateo 23:13

Ley kaapiya'jsa vxite' fxariseowe'sx ãateçxáa ew we'weçxa' ũuste yu' ewmeeçxáa yaakxsa, i'kwe'sx yakha' seena' yuh ũukhũukha', txã'wẽ Dxus jxkaahnite u'kawa'ja's apha'i'kwe maawa u'kakahmén. Sa' vxitesatx ka'ga'jmeeçxa', i'kwe'sxçxáa yuhwa u'kaçmeei'kwe, txãa pa'ga ũukhũukha'.

San Mateo 15:14

Aça' ũukhnuwe. Txãawe'sxa' yafx ji'phmeesa, yafx ji'phmeesa nwe'sxtxi pe'jna u'jusaçxáata'. Txã'wẽ yafx ji'phmeesa yafx ji'phmeesa nwe'sxtxi pe'jna u'juçxa', e'zíi kafxkhẽ khẽjetxna.

San Mateo 15:7

Yuwejuçxáa ew we'weçxa', ũuste yu' ewmeeçxáa yaakxsai'kwe, aça' Dxus yuwe pta'sxsa Isaiasa' isa yuh Dxus we'weni's na'jĩna fxi'jne':

San Mateo 7:5

Ãakheçxáa ew we'wena u'jusa, iidx yafxte fxtũ pe'la walasa's khuẽ'y mkuutxi'j. Txã'wẽ yũuçxa iidx yakhthẽ'j yafxte kxtã' le'çxkuẽsa's ew uyçxa kutxi'jya' ãjane'ga.

San Lucas 7:13

Aça' Jesus uyçxa', txãa vxiuda's peeygãhçxa kvxiisxa'jna: —Ũ'nenuçx jĩnak we'we.

San Lucas 7:19

Jesus tasxna kaakh paapẽjxya': —Idxa' ¿isa Kristo naa kiwete kĩiwa'jsa ũsu'k txãa dxihgá', meeçxa' vxite ũythasuwá'nja'w? jĩnak pẽykaah.