San Lucas 12:17 - Páez

¹⁷ Aça' txãa ji'phsa' yajkxya' kaçxku: ¿Ma'wẽ yũuki'th? Mtee yuhwa adx ũ'a's jxuka jxaawya' ãjãnimeeth sũjũ'k.

San Lucas 12:17 Referans Kwoze

San Mateo 5:42

Maawa kĩhçxáawa idxa's thãaste', mes. Sa' pki'the', wa'lwa'jme' ji'phçxa'.

1 Juan 3:16

Jesukristo' kwe'sxtxi peeygãhçxa nwe'weya' txajx ĩtxi fxi'zeni's ivxiituk. Txãa txã'wẽ peeygãani yaase'. Aça' kwe'sxwa txã'wẽy kwe'sx yakhthẽ'jtx peeygãhçxa kwe'sx ĩtxi fxi'zeni's ivxiituwa'j ji'ptha'w.

Romanos 12:13

Yakhthẽ'jwe'sx peejiina fxi'zesawe'sxtxi' mpu'çxwe. I'kwe'sx yatte pa'jsatxwa wa'lmée mpa'gawe.

Hechos 16:30

Txajũ' Pablowe'sxtxi kutxi'jçxa na'wẽk pẽjx: —I'kwe'sxa' mpeeta'sxwe, ¿ma'wẽ yũuçxa Dxusa's uyuuki'th? jĩte',

San Lucas 19:17

jxkaahsa pasçxa': Wala ew selpiig. Txã'wẽ walameekuẽsa'swa ew jxpe'pha'ga, diez çxhabte jxkaahwa'jsa ne'jwe'sx ki'pu'nja jĩk.

San Lucas 18:22

Aça' Jesus wẽsẽ'jçxa' na'wẽk jxkaah: —Txã'wẽtewa, nee peeji'. Iidx ji'phuni's jxuka txweyçxa, puuplesatx peesune'ga. Txã'wẽ yũuçxa', cielute ji'phsa yuune'ga. Txã'wẽ yũuçxa adx yakh myuh jĩte',

San Lucas 16:9

Aça' adxa' i'kwe'sxtxi' yu'kxpeje'th txã'wẽy yũukahn, naa kiwete ji'phuni's psuwmée jxpa'yakx mkseelpi'jwe namiku vxitna. Kxah naa kiwete ji'phunisa pçuutewa, vxite kiwe pçuwa'jmeete i'kwe'sxtxi jxpa'gawa'jsa ji'phune'kwe.

1 Timoteo 6:17

Naa kiwete ji'phsatxi' mwe'we, ji'phuwa'jçxá's pa'pçxuna iiwejçx yajkxna fxi'zekahmén. Txã'wẽme' ji'phuniçxá's yaakxni' wala kxulsata', wejxwa Dxusa'sçxáa yaakitxna, txãa pa'gatey txã' ĩtxisa', kwe'sx kĩhçxah peejini'swa peejxmée jxuka ũssa.

Hechos 2:37

Txã'jĩna pta'sxte wẽse'jçxa', ũuste wala nxus yajkxtxi. Sa' Pedrowe'sxtxi pẽjxtxi: —Yakhthẽ'jwe'sx, ãçxha' ¿ma'wẽ yũukxtha'w? jĩte',

San Lucas 16:3

yultumu' ũus yajkxya' kaçxku: Ãçxha' ¿kĩh yũuki'th adx mjĩia's patron kusa'the'? Adxa' uuthasxte mjĩiya' yu' jiimeeth sa' lmusxnu thãasna u'jute yu' thaameyuhna.

San Lucas 12:33

Ji'phunisa's txweyçxa jxpeejxsatx mpeeswe. Vxyu jxaawni suwewa'jmeesa mvxitwe. I'kwe'sx ji'phuni cielutewe'sxa' pçumeena, kxteea' kĩh peswée yuhwa u'kameena, sa' çxikaçxáa yuhwa suwmeena.

San Lucas 12:29

Txã'wẽ yã'the', ũ'wa'j ¿kĩhte uyuukxtha'w? sũhna pa'pçxuna fxi'zenuwe.

San Lucas 12:22

Jesusa' txãa yakh u'jusawe'sxtxi' na'wẽk yu'kxpeh: —I'kwe'sxa' ¿kĩhte ũ'wa'j uyuukxtha'w? Sa' ropawa ¿kĩhte uyuukxtha'w? sũhna pa'pçxunuwe.

San Lucas 11:41

Txã'wẽ kĩhwa ji'phmeesatx ũusuh jxuka peeygãhna lmusxnu peeswaça', ãakhẽçxáa yaatesa yuumeene'kwe.

San Lucas 10:25

Txajũ' ley kaapiya'jsa teeçxsa Jesus tasxte utxaaçxa', ewmée vxit wẽeçxa na'wẽk paapẽjx: —Adxa' ¿ma'wẽ yũuçxa pçumée ĩtxĩ fxi'zewa'ja's ji'phuki'th? jĩte',

San Lucas 3:11

Juan pasçxa': —E'z atxh ji'phçxa', ji'phmeesa'sa' teeçx ũswa'ja'. Aça' ũ'niwa jxthaakwe ji'phçxa', vxite ji'phmeesa's puuçwa'ja' jĩk.

San Mateo 16:7

txãawe'sxa' na'wẽtx puutx paapẽyi': —Pan jxũmeetha'w aça' kxahne' txã'wẽ we'we' jĩ'tx.

San Lucas 12:16

Txajũ' Jesusa' na'wẽk ejemplo pta'sx: —Teeçx piçthẽ'j wala ji'phsa u'pu'k. Txajx kiwete uuthasx wala yũnku.

San Lucas 12:18

Sa' yajkxku: Jiiyã'th ma'wẽ yũuwa'ja'swa. Ũ' jxaaw yattxi pẽtxya'wath, vxite wejx walasa txajxa'. Sa' kĩjkĩh ũ'wa thẽ'the' vxite' kĩh ji'phunitxwa kxtee jxaawu'nja.