Biblia Todo Logo
Bib sou entènèt

- Piblisite -




San Lucas 10:22 - Páez

22 Adx Tata' kĩjkĩhtewa jiyuwa'ja's adxçxaçxá'sku dukh. Txãa pa'ga kim yuhwa jiyu'çmeeta' Dxus Nçxi'ka's, naasáa Ney yuuçxáa jiia'. Txã'wẽy Tata'swa kim yuhwa jiyu'çmeeta', naasáa Nçxi'k yuuçxáa jiia', sa' maatxwa Nçxi'k íi khiyu'theçxáa jiyuya' ãjãtxna adx Tata's.

Gade chapit la Kopi




San Lucas 10:22
20 Referans Kwoze  

Adx Tata' kĩhnawa jxuka adxçxaçxáanak dukh. Nawa Dxus Nçxi'k ma'wẽsatewa kim yuhwa ew yu' jiimeeta', naasáa adx Tata yuuçxáa jiia'. Txã'wẽy kim yuhwa ew yu' jiimeeta' adx Tata's, naasáa Nçxi'k yuuçxáa ew jiia' Neya's. Txãasak maawa jiyu wẽesa yuutxi' Nçxi'ka' kaajiyu'ju' Ney kimtewa.


Nawa maa yuhwa Dxusa's iiuymeeta'. Txã'wẽtewa Dxus Nçxi'k teeçxçxáasa Ney yakh ih ũssa' kwe'sxtxi' kaajiyu'kh Dxus ma'wẽsatewa.


Kristo ma'wẽ kaapiya'the' maawa txã'wẽy kaapiya'jsame' Dxus yakh fxi'zesameeçxa txã'wẽ yuuna. Nawa Kristo kaapiya'jniçxá's nwẽese'jna fxi'zesa', Dxus yakh fxi'zesaçxa txã'wẽ yuuna, sa' Dxus Nçxi'k yakhwa txã'wẽy fxi'zesa yuuna.


Dxusa' nyafxiitey kĩh yuhwa meetey çxhi'dx walate eena'sa's kaakh kweethkahn txãa Dxusíiçxáak kwe'sx ũustewa eena' kaakweethe'j, Jesukristo' Dxusíiçxáatewa jiyukahn.


Jiitha'w Dxus Nçxi'k naa kiwete kĩhçxa', Dxus ĩtxisa's jiyuwa'ja's kwe'sxtxi ũsku. Txãa pa'ga Dxus ĩtxisa Nçxi'k Jesukristo yakh fxi'zena ũstha'w. Txãa Dxus ĩtxisa' bagaçxte yuhwa pçumée ĩtxi fxi'zewa'ja's kwe'sxtxi peessa'.


Adx jxpe'jnisatxi' kaajiyu'th idx kimtewa, sa' kaajiyu'jna nes yu'nja, kxah idx adxa's peeygãani' txãawe'sx ũuste nes yuute', adxwa txãawe'sx ũuste nes yu'nja.


Nasa jxukaysatx jxkaahwa'ja's adxna ũsgu, iidx ũsni yuutxi' jxukaysatx pçuwa'jmée ĩtxi fxi'zewa'ja's ũskahn.


Txajũ' Jesusa' txãawe'sx tasxte utxaaçxa na'wẽk we'we: —Cielute vxite' naa kiwetewa adxnaçxaçxáak neewe'weni yuu jxkaahwa'ja's.


Aça' Jesusa' jiik yu' Dxus tasxune' yuusa yu' sa' ki' Dxus tasxnay u'jwa'ja's. Sa' txã'wẽy jiik yu' Dxus ma'wẽçxah jxkaahwa'ja'swa txãaçxaçxá's dukhni'swa.


Neya' Nçxi'ka's wedxçxa kĩhnawa jxuka txajx kusete nvxihtku.


Kĩhwa jxuka txãaçxaçxá's nwẽese'jwa'ja's vxitgu jĩ'k. Dxusa' txã'wẽ jxuka txãaçxaçxá's nwẽese'jwa'ja's vxit yã'jçxa', kĩh yuhwa nwẽese'jwa'jsamée yu' nvxihtme'. Txã'wẽtewa ãçxpkaçx txãaçxaçxá's kĩhwa jxuka nwẽese'jni yu's iiuymeetha'w.


Sa' Kristo's cielute txajx pukate kaykaçxi'jçxak naa kiwete vxite' cielute maa maatewa jxthaakwe walasa vxitçxa jxkaahwa'ja's ũs, naa ente ma'k yuu meeçxa' vxite ente ma'k yuu nawa maatewa Kristoçxaçxáa jxthaakwe walasa yuukahn.


Txãa e'su nmehsa pa'jana, txajũ Kristo' naa kiwetewe'sx vxite' cielutewe'sx ma'tx yuu nawa kĩh yuhwa nvxihtmée jxuka kaapçu'ju'jçxa txajx jxkaahni's jxuka dukhena Neya's, txãa yuuçxáa jxkaakhan.


Jxuka adx jĩ' iidx jĩiçxaçxáata'. Aça' jxuka iidx jĩ' adx jĩiçxaçxáata'. Txãawe'sxpa'ga yuuçxáath txakwe wala weçxaawa'ja's ji'phu.


Tata, naa kiwe meetey ma'wẽtka'w cielute ih weçxana ũsu', ãçxha' txã'sa' ki' mah kxtey ih weçxana ũswa'ja's.


Txãa ensu' Jesusa' na'jĩnak Dxus yakh puutx we'we: —Tata, cielute vxite' naa kiwete jxkaahsa idxa' txakwe wala kĩhtewa jxuka jiisawe'sx yuutxi' kaajiyu'jmeeçxawa, pxthaa ãhmeekwesa yuutxi' kaajiyu'jg, txãa pa'gath txakwe wala weçxá' idxa's.


Swiv nou:

Piblisite


Piblisite