San Juan 8:53 - Páez

⁵³ Kwe'sx yaçgawe'sx Abrahana' uuk sa' Dxus yuwe pta'sxsawe'sxwa uutx, aça' idxa' ¿Abrahante jxthaakwesa wá'ga? jĩte',

San Juan 8:53 Referans Kwoze

San Juan 4:12

Kwe'sx yaçgawe'sx Jakobku naa kafxa's phaade yu' pa'kxwa'j, aça' txajx nçxi'kwe'sxwa kxteetx pa'ki' tajkxtxi yuswa'j vxite' txãawe'sx tudxwa'j yã'jçxa. Aça' idxa' ¿kwe'sx yaçgawe'sx Jakobte jxthaakwe wáa walasane'ga? jĩte',

Romanos 9:5

Txãawe'sxa' nyafxte Dxus txhitxhnisa Abrahan ji'tha', aça' txãawe'sx ji'thek Kristo upxhna ũsu' nasaa kakwe yakh. Txãa Kristo' Dxusíiçxáak yu', bagaçxtewa tuuthe'jni yuuwa'jsa.

San Juan 19:7

judiuwe'sxa' na'jĩnatx we'we: —Kwe'sxa' ley ji'ptha'w txãa leya' ikhkaja'k, Dxus Nçxi'kthu jĩna u'jupa'ga.

San Juan 12:34

Txajũ' nasa' na'wẽtx we'we: —Kwe'sxa' Dxus librute leya's iiwẽse'tha'w, aça' Kristo' bagaçxte yuhwa uuwa'jmée ĩtxi u'juwa'jsa' jĩ'k. Aça' idxa' ¿ma'wẽga Dxus Nçxi'k Nasa Yuusa's ẽekhẽ ki'pni yuuna jĩna we'we'? Dxus Nçxi'k Nasa Yuusa' ¿kimna? jĩte',

San Juan 10:33

judiuwe'sx pasçxa' na'jĩtx: —Ew yũupa'ga txã'wẽ kwet wãatatajxa'wameetha'w. Nasaçxáag, naa kxahg Dxusthu jĩna Dxusa's weeçx we'we', txãa pa'ga txã'wẽ yũuya'watha'w.

San Juan 8:58

Jesus pasçxa': —Isath we'we', Abrahan meeíin, adxa' ũsyã'th yu'.

San Juan 5:18

Txã'jĩte', judiuwe'sxa' jweeíiçxáatx Jesusa's ikh wẽena kiite. Txã'wẽ ki'swa'ja' jĩna jxkaahni leyçxá's nwẽese'jmée adx Tata' Dxusa' jĩ'k na' txãawa Dxus na'wẽysath jĩ'ne' sũhçxatx txã'wẽ ikh wẽena kiite.

San Mateo 12:6

I'kwe'sxa' mjiyuwe: Ayte' dxuus yatte jxthaakwe jxtuhthesa ũsa'.

San Mateo 3:9

Txã'jĩte', i'kwe'sxa' na'wẽ iiwejçx yaakxnuwe: Kwe'sxa' Abrahan ji'tha'w na' pkalsameetha'w sũhna yaakxwa'j ji'phmée i'kwe. Na'jĩ'th na': Naa kwet yuhtxwa Abrahan ji'j vxit-ya' ãjana Dxusa'.