San Juan 8:46 - Páez

⁴⁶ I'kwe'sxa' ¿maaçxa' adxa's pkalsa' jĩna ukhe'jya' ãjama'kwe? adxa' isasaçxá'sthu pta'sxi' aça'. Adx isasa's kaapiya'jaçte', ¿ma'wẽtekwe adx we'weni's nwẽese'je'çmée?

San Juan 8:46 Referans Kwoze

Hebreos 4:15

Txãa pa'gatey cielute kwe'sx ju'gu yuusa' txãa yu' pkalte yu' wetemeeçxawa, pkalte kwe'sx çxhãçxhamée fxi'zeni yu'sa' jxuka jiyuk, txãasa kwe'sx ãhmeekwesatx jxuka peeygãhna pu'çxwa'jsa'.

San Juan 14:30

I'kwe'sx yakh jwee yu' we'wena ũsya' ãjame'nja, txãa pa'gatey naa kiwete jxkaahna ũssa eçxthẽ'ja' adxa's kĩhwa yũuya' ãjane'jmeeçxawa, yuja'.

San Juan 8:7

Aça' maz uswa jwee pẽjxte', Jesusa' kaphuteçxa na'jĩk: —I'kwe'sxa' maaçxáawa pkal ji'phmeesa ũsçxa', txãa khuẽ'y naa u'y kakwete kwet mwãatahwe jĩçxa',

San Marcos 11:31

Txajũ' txãawe'sx pwe'sx na'jĩnatx puutx we'we': —Dxusne' jxkaah jĩ'nja'w aça' txã'wẽte' ¿mjĩya'kwe Juan pta'sxni's jxpa'gamée? jĩna pasuna.

San Mateo 21:25

Juana's ¿kimga jxkaah yu'te bautisãykahn? ¿Dxus wá' jxkaah, meeçxa' naa kiwete piçthẽ'jwe'sx wáa ne'ta jxkaah? jĩte', txãawe'sx pwe'sx puutx ya'paapẽyi'tx: —Dxusne' jxkaah jĩna paste', txã'wẽte' ¿mjĩitekwe nwẽese'jmée? jĩna.

1 Pedro 2:22

Txã' kĩh pkal yuhwa yũume', sa' kim yuhnawa ĩsxiime'.

Hebreos 7:26

Pkalsawe'sx ju'gu Dxus tasxte we'we pu'çxsa' Jesus na'wẽsa ewsatha'w peejx yu'. Txã' kĩh pkal yuhwa ji'phmeesa, bagaçxte yuhwa ewmée yũuna fxi'zesamée, naa kiwetewe'sx na'wẽsa meek yu'. Txãasak Dxus pukate kãhpkaçx jxũna u'jnisa yuu.

2 Corintios 5:21

Kristo' kĩh pkal yuhwa ji'phu'çme', nawa kwe'sx ewmeesapa'gaçxáa txãak Dxus kastigo's jxpa'ga. Aça' kwe'sxa' Kristo's jxpa'gaçxa', ewmeesaçxawa Dxus dxi'pte yuuwemeesa yuukahnku txã'wẽ yũu.

San Juan 18:37

Txã'jĩte', Pilato' ki' pẽjxku: —Txã'wẽçxa' ¿idxa' jxkaahsa dxihgá'? jĩte', Jesusa' na'jĩk: —Idx kxsusu'g txã'wẽíith. Naa kiwete upxçxa isasaçxáana pta'sxya'th yuwé'. Maawa isasa's nwẽese'jwa'jsa' adx we'weni's jxpa'yakxtxi wẽse'je' jĩte',

San Juan 16:8

Aça' txã' naa kiwete kĩhçxa', nasatx Dxus dxi'pte yuuwe pkalsa yuhtha'w sũhwa'ja's kaaũusuthe'jena. Sa' Jesusa' kĩhte yuhwa yuuwemée ewsa maatxwa jxuka nwe'wewa'jsa yuh yu'ga sũhwa'ja'swa ew kaajiyu'juna. Txã'wẽy yuuwesatxi' Dxusa' ewmeete yuh nvxiituna sũhwa'ja'swa kaaũusuthe'jena.

San Juan 15:10

Adx jxkaahnitx nwẽese'jçxa', adx peeygãaniteçxáa fxi'zene'kwe, adxwa ma'wẽtka Tata jxkaahnitx nwẽese'jçxa' txajx peeygãaniteçxáa fxi'ze' txã'wẽy.

San Juan 8:47

Dxus luuçxa' Dxus we'weni's nwẽese'je'tx. Nawa i'kwe'sxa' nwẽese'je'çmeei'kwe na' Dxus luuçx meei'kwe jĩk.