San Juan 8:12 - Páez

¹² Ki'kin nasa pkhaakhete', Jesusa' na'jĩnak we'we: —Adxa' eena'te kaafxi'ze'jsath, aça' maawa adx yakh yuusa' eena'te fxi'zewa'ja's ji'phutxna, sa' bagaçxte yuhwa çxhi'dxte fxi'zemeetxna.

San Juan 8:12 Referans Kwoze

San Juan 12:46

Adxa' nasatx eena'te kaafxi'ze'jya'th kĩh, kxah adxna ũuste jxpa'gasa' çxhi'dxte neeyũumeetxna.

San Juan 9:5

Adxa' naa kiwete nee ũsíiçxáawa, nasatx eena'te kaafxi'ze'jwa'jsath.

San Juan 12:35

Jesusa' na'jĩnak pas: —Eena'sa' i'kwe'sx yakh nee ũsuna, nawa maz ençxáa ũsuna. Txã'wẽte' eena'te fxi'zewa'ja's mpa'gawe, eena'sa nee ũsiyna, kxah çxhi'dxsa' i'kwe'sxtxi kpajkxmeena. Txã'wẽme', çxhi'dxte u'jusa' maa dxi'j ewsatewa jiyuya' ãjã'çme'.

San Mateo 5:14

I'kwe'sxa' naa kiwete eena' kweethsa i'kwe. Teeçx çxhab thã'j vxiçga ũssa' ¿nasa uynimée ũsma'k?

San Juan 3:19

Maawa ũuste jxpa'gasame', ewmeeteyã'jtx nvxiitni yu', txã'wẽ eena'sa naa kiwete kĩhtewa, ewmeeçxáa yũuna ũsçxa', çxhi'dxteçxáa wejx fxi'ze wẽepa'ga.

2 Pedro 2:4

Dxusa' txajx angeleswe'sx yuhtxwa peltunaĩme' ewmée yũusa yã'txhi's. Txãasaíik infxierno iiméh seena' wala çxhi'dxte nvxihtna ũsu' kastigãywa'j en ãhtewe'sx.

Hechos 13:47

Dxusa' kwe'sxtxi na'wẽk we'wena kaah: Nasa ksxavxysu eena' kweethwa'jsath nvxiht i'kwe'sxtxi', Sa' txã'wẽy maa kiwetewa ewsa's pta'sxwa'jsa jĩk.

Hechos 26:23

Txãawe'sxa' na'wẽtx pta'sx: Dxus tasxuh yuusa Kristo' wala pxthaa yuuçxa uuçxawa ki' txãa khuẽ'y ĩtxĩ yuuna, sa' eena'te fxi'zewa'ja's pta'sxina kwe'sx ji'jtx txã'wẽy vxite kiweju nasatxwa jĩnatx pta'sx. Txã'wẽyçxáath adxwa pta'sxi'.

San Juan 14:6

Jesusa' pta'sxku dxi'ja's: —Adx yuuçxáa Dxus tasxte kaapa'ja'jwa'jsath, sa' adx yuuçxáa kaypuba'jwa'jsameeth, sa' adx yuuçxáa ĩtxi kaafxi'ze'jwa'jsath. Aça' adxpa'ga yuuçxáa maawa adx Tata tasxte pa'jya' ãjatxna.

San Juan 7:17

Maawa Dxus jxthãasni's kxtey yuuwa'jsa ũsçxa', naa kaapiya'jni's jiyuna Dxus we'wenitewa, meeçxa' adx peekxçxáa yajkxçxa kaapiya'jnitewa.

Apocalipsis 21:24

Maa kiwetewe'sxwa Dxus nwe'wenisa' txãa çxhab eena' kweethnisu fxi'zetxna, aça' maa jxkaahsawe'sxwa txãa çxhaba's weçxana wala tuuthe'jetxna.

San Lucas 2:32

Txãaíi Israel nasa meetxwa eena' kweethwa'jsa' na' Israelwe'sx yuutxi' jweeíiçxáa weçxweçxa kaayaki'jwa'jsa' jĩ'k.

Judas 1:13

Mar weeswée seena' bu'çxisa na'wẽtx yu' txãawe'sx ewmée thaampa' yũuni yakh. Estrelxa txajx u'jwa'j dxi'ja's jxpubasáa na'wẽsata'. Bagaçxteçxáa yuhwa kasehwa'jmée ewmée seena' nxusnxus çxhi'dxte nvxiitni yuuwa'jsata'.

2 Pedro 2:17

Txãa nasa' pusu yu' ji'phmeesa na'wẽsata', sa' tãaphnawa ma'wẽga wejxa jxũna u'jwe' txã'wẽysaçxáata'. Txãawe'sxa' infxierno iiméh seena' wala ũukhũukh çxhi'dxte ũswa'jsata'.

Judas 1:6

Txã'wẽy angeleswe'sxwa jxpa'yakxpa'gamée txãawe'sx yujuni's nvxihttxi, aça' Dxusa' txãawe'sxtxi' preesu'jçxa ji'pha' çxhi'dx walate kastigãywa'j en ãhtewe'sx.

San Juan 12:36

Nee i'kwe'sx yakh ũsiyna, eena'sa's mjiyuwe, kxah eena'te fxi'zesa yuune'kwe. Txã'wẽ we'wena jxã'jçxa', Jesusa' u'jçxa vxyaame'.

1 Juan 1:6

Aça' maawa Dxus yakh fxi'zena ũsthu jĩçxawa, Dxus jxkaahni's nwẽese'jmée çxhi'dxte fxi'zeçxa', ĩsxiisa yuuna.