San Juan 7:12 - Páez

¹² Txãa fxiestate' Jesusa's nuywe'wesa yuuçxáatx susna ũsu'. Vxiteíi yu': Jesusa' ewsa yuja' jĩçpkaçxha', vxite yu': Ewmeesa', nasatx ĩsxiina u'jusaçxá' jĩnatx nuywe'we'.

San Juan 7:12 Referans Kwoze

San Juan 9:16

Txajũ' fxariseowe'sx maaíi yu' na'wẽtx we'we: —Txã'wẽ yũusa' Dxus luuçx meena, ki'swa'j ena's ki'su'çme' na' jĩte', vxite' na'wẽtx we'we: —Pkalsaçxa', ¿ma'wẽ txã'wẽ kim yuhwa ãjãnimeesa's kaavxya'ja'jya' ãjãkx? Txajũ' txãawe'sxíiçxáa txã'wẽ we'weçxa', puutx puiidxi'tx neeyũu.

San Juan 7:47

Txajũ' fxariseowe'sxa' wẽesxũ we'weçxa', na'jĩtx: —¿I'kwe'sxwa vxitesa na'wẽy ya'ĩsxiijaçwá'kwe?

San Juan 7:32

Nasa txã'wẽ Jesusa's tuuthe'jna ũste fxariseowe'sxa' wẽse'jçxa', sacerdote npiiçthẽ'jwe'sx yakh puutx we'weçxa', dxuus yat thegsawe'sxtxi kaahtx Jesusa's tudçxa jxũna yuukahn.

Filipenses 2:14

Kĩhtewa jxuka ewçxáa myũuwe nuywe'wena puiimée.

Romanos 5:7

Kim yuhwa nasa ewmeesatx peeygãhçxa nwe'weya' uumeena. Meeçxa' maaíi yu' txã'wẽ yuuwáatxna, nawa nasa ewsateçxáa txã'wẽ yuutxna.

Hechos 11:24

Txãa pa'gatey Bernabea' Dxus Espiritu's txajx ũuste jxuka jxpa'gaçxa Dxus yakh yuuçxáa fxi'zesak yu'. Txajũ' nasatx wala ya'knayku Dxus jĩi.

San Juan 7:52

txãawe'sx pasçxa': —¿Idxwa Galileajũwe'sxwá'ga? Dxus libru's mtheg wakx, sa' jiyune'ga: Galileajũ yu', bagaçxte yuhwa Dxus yuwe pta'sxsa iikasehmeeta' jĩnatx açewe'we.

San Juan 6:14

Txã'wẽ Jesus yuuçxáa maa yuhwa ãjanimeesa's vxitte uyçxa', nasa' na'wẽtx weçxana we'we: —Naa yuuçxá' isa Dxus yuwe pta'sxsa yuh yu'ga, naa kiwete pa'jana jĩ'tx txãaga yu' jĩna weçxaçxa', ãadxijimée jxkaahwa'jsa ki'pxa'watx yu'. Aça' Jesus jiyuçxa',

San Lucas 23:50

Kxte' teeçx piçthẽ'j José yaasesa ũsu'k. Txãa yu' Judea kiwete Arimatea çxhabtewe'sx judiu npiiçthẽ'j walasatewe'sxku yu'.

San Lucas 23:47

Txã'wẽ yũute', soldau kpiitan uyçxa', na'jĩnak Dxusna weçxa: —Isa, naa piçthẽ'ja' yuuwemeesa yuh yu'ga jĩk.

San Lucas 18:19

Jesusa' na'jĩk: —¿Kĩh yuupa'gaga adxa's ewsa jĩ'? Naa kiwete' teeçxçxáa yuhwa ewsa yu' meeta'? naasáa Dxus yuuçxáa ewsa ũsa'.

San Lucas 7:16

Na'wẽ yũuni's nasa uyçxa', jxukaysa wala ũukhçxawa, txã'wẽytxi Dxusa's wala weçxana na'jĩ': —Dxus jxkaahni wala yuhsa kwe'sx ksxavxyte vxyaak jĩ'tx. Sa' ki' we'weçxa': —Dxusa' txajx nasatx pu'çxya' kĩjk jĩ'tx.

San Lucas 6:45

Nasa ewsa' ewçxáatx we'we', ewsa's ũuste ji'phna txãa pa'ga. Nawa nasa ewmeesa', kazxçxáatx we'we', txãa pa'gatey ũuste yuu, kazxsa u'pna aça' we'wenisa' ũusuhne' kaseje' naa pa'ga.

San Mateo 27:63

—¿Wẽse'gá', ne'jwe'sx? Txãa ĩisxihthẽ'ja' nee ĩtxi u'juçxa', uuçxawa tekh ente' ki' ĩtxi yu'nja jĩni'stha'w yajkx.

San Mateo 21:46

Sa' tud wẽeçxawa ũukhtxi, txã'wẽ nasa' Jesus ju'guçxaçxáatx ũs yu', Dxus yuwe pta'sxsa' jĩna txãa pa'ga.

San Mateo 10:25

Kaapiya'jsa ma'wẽ pkxuuni yuute', piyasaawa txã'wẽy nxuswa'ja's jxpa'gawa'jsata'. Aça' selpisaawa patron ma'wẽ pkxuuni yuute', txãawa txã'wẽy nxuswa'ja's jxpa'gawa'jsa'. Yat namu's Eçxthẽ'j jĩna kxsusçxa', txajx jxpe'jnisa yuutxi' wejx txã'jĩna we'wetxna.