San Juan 6:14 - Páez

¹⁴ Txã'wẽ Jesus yuuçxáa maa yuhwa ãjanimeesa's vxitte uyçxa', nasa' na'wẽtx weçxana we'we: —Naa yuuçxá' isa Dxus yuwe pta'sxsa yuh yu'ga, naa kiwete pa'jana jĩ'tx txãaga yu' jĩna weçxaçxa', ãadxijimée jxkaahwa'jsa ki'pxa'watx yu'. Aça' Jesus jiyuçxa',

San Juan 6:14 Referans Kwoze

San Mateo 21:11

pta'sxtxi na'jĩna: —Naaíi Dxus yuwe pta'sxsa Jesusa', Galilea kiwesu Nasaret çxhabtewe'sx jĩ'tx.

Hechos 7:37

Txãa Moisesíiçxáak Israelwe'sxtxi na'wẽ pta'sx: I'kwe'sx ji'j teeçxsa's kutxi'jçxa Dxusa' kaajxa'wa' txajx yuwe's pta'sxkahn, na'wẽk adxnawa kaah txã'wẽy. Aça' txã'sa' nwẽese'jwa'j ji'phi'kwe jĩk Moisesa'.

San Mateo 11:3

na'jĩna pẽjxya': —Kristo naa kiwete kĩiwa'jsa ũsu'k idxa' ¿txãa dxihgá', meeçxa' vxite ũythasuwá'nja'w? jĩte',

San Juan 7:40

Nasa wala kuh pkhaakhena ũsnite maaíi yu' Jesus pta'sxni's wẽse'jçxa', na'wẽtx we'we: —Naa piçthẽ'ja' isa Dxus yuwe pta'sxsa yuhna jĩ'tx.

San Juan 1:21

Txajũ' ki'kin pẽjxtxi: —Txã'wẽçxa' ¿kimga? ¿Txãniitey Dxus yuwe pta'sxsa Elias wá'ga? jĩte', Juan pasçxa': —Txã'wẽmeeth jĩk. Aça' ki'kin pẽjxtxi: —Dxus yuwe pta'sxsa' pa'jana jĩ'tx txãa wá'ga jĩte': —Txãameeth jĩnak pas.

San Juan 4:19

Txã'wẽ wẽse'jçxa', txãa u'ya' na'jĩnak pas: —Idxa' Dxus yuwe pta'sxsaíi ne'ga sũju'th.

San Juan 4:42

Sa' txãa u'ya's na'wẽtx we'we: —I'kwe pta'sxniçxá's jiyumée, kwe'sx yuutha'w txajx we'weni's wẽse'jçxa jiyu Dxus tasxu yuusa Kristotewa, maatxwa jxuka nwe'wesa.

San Juan 4:25

txãa u'ya' na'wẽk pas: —Ũ'kwe' jiith Kristo Dxus tasxu yuhna, aça' txãa pa'jçxa jxuka ew pta'sxina jĩte',

San Lucas 24:19

Jesusa' pẽjxku: —¿Kĩhga yuu? jĩna. Aça' txãawe'sxa' pta'sxtxi jxuka: —Jesus Nasarethũwe'sxa's seena' nxusnxus vxitçxa ikhni'stha'w ji'phu. Txã' Dxus yuwe pta'sxsa kĩjkĩh yũuya'wa ãjãsak yu', sa' Dxus dxi'pte vxite' nasaa ksxavxytewa txã'wẽk ewçxáa yũuna fxi'zesa yu'.

San Lucas 7:16

Na'wẽ yũuni's nasa uyçxa', jxukaysa wala ũukhçxawa, txã'wẽytxi Dxusa's wala weçxana na'jĩ': —Dxus jxkaahni wala yuhsa kwe'sx ksxavxyte vxyaak jĩ'tx. Sa' ki' we'weçxa': —Dxusa' txajx nasatx pu'çxya' kĩjk jĩ'tx.

San Juan 2:11

Jesusa' Galilea kiwesu Kaná çxhabtek txã'wẽ kim yuhwa ãjãnimeesa's kaavxya'j. Txã'wẽ yũuçxak txajx ewuni's khiyu'j, aça' txãa yakh u'jusawe'sxa' jiyutx Jesus kimtewa.

San Juan 6:2

Txã'wẽ naa kiwete kim yuhwa vxit-ya' ãjanimeesa's kaavxya'ja'jna ãça'satxwa nuyçxhãçxhapa'ga, nasa wala kuh pkhaakhena Jesus e'stey u'jtx.

San Juan 6:26

Jesusa' na'wẽk pas: —Isath we'we', i'kwe'sxa' pana's txikpkaçx ũ'çxaçxáa i'kwe txã'wẽ adxa's pakwé'. Nawa adx txã'wẽ maa yuhwa ãjanimeesa's vxitthu txã's yu' jiyuçxa txã'wẽ yu'çmeei'kwe.

San Juan 6:30

Aça' ki'kin pẽjxtxi: —Idxa' Dxus kaahnisane'ga sũhna kwe'sx ew jiyukahn ãçxha' ¿kĩh kaavxya'ja'jya'waga?

San Juan 11:27

Marta pasçxa': —Txã'wẽ yuhna sũju'th. Idxa' Kristog, Dxus Nçxi'k naa kiwete kĩisa jĩk.