San Juan 5:36 - Páez

³⁶ Nawa adxna tuuthe'jna isa pta'sxsa yu' mazwa ji'pthu, Juan pta'sxnite jxthaakwesa. Adx mjĩini' adxna tuuthe'jna isa pta'sxsata'. Na'wẽ mjĩith nawa adx Tata jxkaahniçxáatxthu txã'wẽ yu', Dxus kaahnisa yuh yu'ne' sũjkahn.

San Juan 5:36 Referans Kwoze

San Juan 10:25

Jesusa' na'jĩnak pas: —Pta'sxyã'th, nawa adx we'weni's jxpa'ga'çmeei'kwe. Adx Tata jxkaathe', na'wẽ kĩhwa mjĩ'th, aça' adx mjĩini' ãate kaajiyu'ju'tx adx kimtewa.

San Juan 15:24

Txãawe'sx ksxavxysu kim yuhwa vxit-ya' ãjanimeesa's adx kaavxya'ja'jmeewaça', yuuwemeesa yuutxna. Nawa makwe txã'wẽ adx ãjani's kaavxya'ja'the uyçxawa, adxna açe'tx. Aça' adxna açesayã'j yu' adx Tatanawa açesata'.

San Juan 2:23

Judiuwe'sx fxiesta ente Jesus Jerusalente ũste', nasa wala kuh jiyutx Jesusa' Dxus tasxu yuusatewa, txã'wẽ kim yuhwa ãjãnimeesa's kaavxya'ja'pha'ga.

1 Juan 5:9

Piçthẽ'jwe'sx pta'sxniçxáa yuhnawa isa yuh we'wene' sũhnatha'w jxpa'ga'. Aça' Dxus we'weni yu' wejx jxthaakwe isasa yuhna sũhna jxpa'gawa'j ji'ptha'w, txãa pa'gatey Dxus yuuk we'weçxa': Jesukristo' Adx Nçxi'ka' jĩ' naa pa'ga.

San Juan 3:2

Txãa piçthẽ'ja' Jesus tasxte kus pa'jçxa', na'jĩk: Jiitha'w idxa's Dxusne' txã'wẽ kaah, kwe'sxtxi kaapiya'khan. Dxus pu'çxmeewaça', kim yuhwa ãjawa'jsame's kaavxya'ja'jmeena, idx na'wẽg yu' txã's jĩte',

San Juan 3:17

Dxusa' naa kiwete txajx Nçxi'ka's kaahçxawa, nasatx ewmeete nvxihtxa' kaahme', wejxwa nwe'weya'k kaah.

San Mateo 11:4

Jesusa' na'wẽk pas: —U'jçxa Juana's pta'sxine'kwe adx na'wẽ yũuna fxi'ze'th txã'sa' yafxju uyi'kwe sa' kaapiya'jni'swa wẽse'ji'kwe txã'sna:

Hechos 2:22

Ãçxha' Israelwe'sx mwẽese'jwe na'jĩya'wath: Jesus Nasarethũwe'sx Dxus kaahnisa i'kwe'sx ksxavxysu kĩjkĩhwa ewsaçxaçxáanak kaavxya'ja'j ãçã'satx nuykatxhina, uusaatx ĩtxĩ vxitna Dxus pu'çxte, Jesukristo' txã'wẽk yũu. Txã'wẽ yũuni's jiiyã'jne'kwe.

San Juan 5:32

Nawa txã'wẽ ãjawa'jsa yuja' jĩna adx ju'gu we'wesa ũsa', aça' adxa' jiith txajx we'weni' isasa yuja'.

San Juan 4:34

Aça' Jesusa' na'wẽk pta'sx: —Adx Tata jxthãasçxa mjĩiya' kaahni's kxtey yuuniçxáa, adx ũ'ni na'wẽsa'.

San Juan 17:4

Adxa' naa kiwetewe'sxtxi' ew kaajiyu'th idx ma'wẽsatewa, sa' idx mjĩi kaahni's jxã'jyã'th.

San Juan 11:37

Nawa maaíi yu' na'wẽtx we'we: —Naa piçthẽ'ja' uyya' ãjasameetxwa kaauyu'ju'k na' ¿kĩhçxáawa yũuya' ãjawa'jmée ma'k yu' Lasaro uukahmén?

San Lucas 2:49

Jesus pasçxa': —Adxa' Adx Tata jxthãasniçxá's selpiina u'pthu aça' ¿kĩjxa'kwe adxa's pakwé'? jĩte',