San Juan 5:30 - Páez

³⁰ Adxçxáa yu' kĩjxa'wa ãjame'nja. Adx Tata jxkaatheçxáath yuuwesatx kastigaĩ'. Adx ũuste peekxçxáa yajkxçxa txã'wẽ yu'çmeeth, txãasa adx kastigãyni' isasata'. Adxna kaahsa ma'wẽ jxthãaste' txãaçxá'sthu kxtey yu'.

San Juan 5:30 Referans Kwoze

San Juan 6:38

Txã'wẽ cielujũ kĩhçxawa peekx adx ũus yaakxniçxá's kxtey yuuya' yuwe'çmeeth. Adx Tata ma'wẽ yũukaathe' txã'sçxáanath kxtey yuuya' yuwé'.

San Juan 5:19

Txajũ' Jesusa' na'wẽk pta'sx: —Isath we'we', adxa' Dxus Nçxi'kthu, nawa adxçxáa yu' mjĩiya' ãjame'nja. Adx Tata ma'wẽ mjĩite', txajx mjĩini's thegçxa yuuçxáath txã'wẽy mjĩiya' ãja'.

San Juan 4:34

Aça' Jesusa' na'wẽk pta'sx: —Adx Tata jxthãasçxa mjĩiya' kaahni's kxtey yuuniçxáa, adx ũ'ni na'wẽsa'.

San Juan 14:10

Jiyu'çmée wá'ga, adxa' Tata yakh bagaçxtewa nesthu yu', aça' txã'wẽy Tatawa adx yakh nesa'. Na'wẽ we'we'th na' peekx ũusuh yajkxçxa txã'wẽ we'we'çmeeth. Tata adx yakh ũssa txãa we'wekaatheçxáath we'we'.

San Mateo 26:39

Jesusa' jxu'jmée u'jçxaçxáa txkaa pkipha weteçxa Dxus yakh puutx we'wek na'jĩna: —Tata, idxa's ewuweçxte', adxa's meen nwe'we txakwe wala pxthaa yuuwa'ja's jxpa'gakahmen. Nawa adx jxthãasni yu'sa' kxtey yuumeeçxawa, iidx jxthãasniçxá's kxtey meen yũu.

San Juan 8:28

Txãa pa'gak Jesusa' na'jĩna we'we: —I'kwe'sxa' Dxus Nçxi'k Nasa Yuusa's ẽete txahçxa yuuçxáa jiyune'kwe kimtewa, sa' peekxçxáa yu' we'wemée, wejxwa Tata kwe'we'jniçxá'sne' kaapiya'j sũjune'kwe.

Romanos 15:3

Txãa pa'gatey Kristo txakwe jxtuhthesa yuhçxawa, peekxçxáa wẽt fxi'zewa'j yu'sa' pakwemée, wejxwa vxitetx wẽesxuni's txãak jxpa'ga. Txã'sna we'weçxak Dxus librute na'jĩ': Idxna wẽesxuni's adxthu jxpa'ga jĩ'k.

San Juan 8:50

Adxa's weçxana tuuthe'jni's pakwe'çmeeth. Nawa teeçx ũsa' adxa's tuuthe'jsa txã' adx ma'wẽsatewa jiia'.

San Juan 8:42

Jesusa' na'jĩnak we'we: —Isa Dxusa' i'kwe'sx tatawaça', adxa's ahçemeene'kwe, adxa' Dxus tasxu kaahnith yuwé' txãasa ayte ũsthu. Adxa' peekxçxáa yu' yuwe'çmeeth, adxa'sa' Dxusku kaah.

San Juan 17:4

Adxa' naa kiwetewe'sxtxi' ew kaajiyu'th idx ma'wẽsatewa, sa' idx mjĩi kaahni's jxã'jyã'th.

San Juan 18:11

Aça' Jesusa' Pedro's na'jĩnak jxkaah: —Kçxilxa's wainutey myu'akh. Adx nxuste pxthaa yuuwa'ja'sku Tata' jxthãasu' aça' txã'sa' jxpa'gawa'jsameena sũju'wá'ga jĩk.

Romanos 2:5

Txã'wẽ ũythasna ũstewa, iidx ewmée yũunitx nvxihtçxa Dxus tasxte sxawedwa'j yu'sa' yaaki'çmeeg. Txãa pa'ga ya'kastigãywa'ja's jweeíiçxáa nuywalana ũsgu, nmeh ente Dxus kastigãywa'j en ãhtewe'sx.

Romanos 2:2

Peekx jiitha'w txã'wẽ ewmée yũusatxi's Dxusa' isak kastigaĩ' maatxwa jxuka.