San Juan 4:9 - Páez

⁹ Aça' txãa u'ya' na'jĩnak pas: —Idxa' judiu nasag, sa' ¿ma'wẽtega ũ'kwe's yu' thãasu'? ũ'kwe' Samariasuwe'sxthu açyuja' jĩk. (Judiuwe'sxa' Samariasuwe'sxtxi ahçeçxa we'we'ççxáa yuhwa meeta'.)

San Juan 4:9 Referans Kwoze

Hechos 10:28

Sa' Pedro' na'jĩk: —I'kwe'sxa' jiine'kwe, judiuwe'sxa' pkhaakhena puutx we'wewa'jsameeta' vxite nasa judiumeesa yakha'. Nawa Dxusa' adxa's pta'sxçxa', kim yuhnawa açekaahme'.

San Juan 8:48

Txajũ' judiuwe'sxa' Jesusa's na'wẽtx açewe'we: —Idxa' Samariajũwe'sxgu, txãasa eçxthẽ'j yakh ũsgu aça' isatha'w txã'jĩ' jĩte',

San Mateo 10:5

Txãa yakh u'jusa docesatx Jesusa' na'wẽk neewe'weçxa kaah: —Judiu ji'jmée vxite nasa kiwesu' u'jnuwe, sa' Samaria kiwesu çxhab ũstxna kxsũwa u'jnuwe,

Hechos 1:8

Nawa Dxus Espiritu kĩhte', txãa yu's jxpa'gawa'jsa yuji'kwe, kĩhtewa jxuka ãjaya'. Sa' txã'wẽ yũunijũ kasehçxa u'jwene'kwe adxa's tuuthe'jya' Jerusalente, Judea kiwesu, vxite' Samaria kiwesu mtee mtee maa kiwetewa jxuka jĩnak jxkaah.

San Juan 4:27

Naapkaçxha' txãa yakh u'jusawe'sxa' sxawedna pa'jtx. Sa' Jesusa' txã'wẽ txãa u'y yakh puutx we'wena ũste uyçxa', kuh yajkxnatx neeyũu. Nawa ¿kĩjxa'ga txãa u'y yakh puutx we'we'? jĩna maa yuhwa paapẽyi'çmeeta'.

San Lucas 10:33

Txajũ' teeçx piçthẽ'j Samariatewe'sx txãa dxi'khẽy kĩhçxa', kpã'vxitnisa's uyçxa', wala peeygãjk.

Hechos 10:32

Aça' Jope çxhabna mkaah, Simon Pedro yaasesa's pe'jya'. Txãa Pedro' kha'tx weysáa Simon yatte paadehna ũsa' ĩkh wala pukate. Aça' txã' ayte pa'jçxa puutx we'wena idx yakh jĩnak we'we.