San Juan 3:2 - Páez

² Txãa piçthẽ'ja' Jesus tasxte kus pa'jçxa', na'jĩk: Jiitha'w idxa's Dxusne' txã'wẽ kaah, kwe'sxtxi kaapiya'khan. Dxus pu'çxmeewaça', kim yuhwa ãjawa'jsame's kaavxya'ja'jmeena, idx na'wẽg yu' txã's jĩte',

San Juan 3:2 Referans Kwoze

San Juan 5:36

Nawa adxna tuuthe'jna isa pta'sxsa yu' mazwa ji'pthu, Juan pta'sxnite jxthaakwesa. Adx mjĩini' adxna tuuthe'jna isa pta'sxsata'. Na'wẽ mjĩith nawa adx Tata jxkaahniçxáatxthu txã'wẽ yu', Dxus kaahnisa yuh yu'ne' sũjkahn.

Hechos 10:38

Dxusa' Nasarethuwe'sx Jesusa's txajx Espiritu's ũste', Jesusa' kĩhtewa nuykatxhinak fxi'ze eçxthẽ'j kusete ũssatx. Dxusa' txãa yakhku ũsu' naa pa'gak txã'wẽ yũu.

Hechos 2:22

Ãçxha' Israelwe'sx mwẽese'jwe na'jĩya'wath: Jesus Nasarethũwe'sx Dxus kaahnisa i'kwe'sx ksxavxysu kĩjkĩhwa ewsaçxaçxáanak kaavxya'ja'j ãçã'satx nuykatxhina, uusaatx ĩtxĩ vxitna Dxus pu'çxte, Jesukristo' txã'wẽk yũu. Txã'wẽ yũuni's jiiyã'jne'kwe.

San Juan 9:16

Txajũ' fxariseowe'sx maaíi yu' na'wẽtx we'we: —Txã'wẽ yũusa' Dxus luuçx meena, ki'swa'j ena's ki'su'çme' na' jĩte', vxite' na'wẽtx we'we: —Pkalsaçxa', ¿ma'wẽ txã'wẽ kim yuhwa ãjãnimeesa's kaavxya'ja'jya' ãjãkx? Txajũ' txãawe'sxíiçxáa txã'wẽ we'weçxa', puutx puiidxi'tx neeyũu.

San Juan 12:37

Kim yuhwa ãjanimeesa's txakwe wala kaavxya'ja'thewa, nasa' jiyuya' ãja'çmeeta' Jesus kimtewa.

San Juan 1:38

Aça' Jesusa' yu'thegçxa', txajx e'ste yuusatx uyku, sa' na'wẽk pẽjx: —¿Kĩjkwe pakwé'? jĩte', txãawe'sx pasçxa': —Kaapiya'jsa, ¿mteega u'pu'? jĩte',

San Mateo 22:16

Txã'wẽ yũuçxa' txãawe'sx ju'gu ũssa vxite' Herodes nasa txãawe'sxtxi' kaahtx Jesusa's na'jĩna pẽykahn: —Kaapiya'jsa, idxa's jiitha'w, kĩhtewa isasaçxáanag we'we'. Sa' Dxus tasxte pa'jwa'j dxi'ja'swa ew yuuçxáag kaapiya'ja'. Nasaa jxkaahna yu'kxpehnitx nwẽese'je'çmeeg, txãa pa'gatey idxa' nasa ewsa na'wẽ thegsatx jiyumey ju'gu yu'çmeeg.

San Juan 7:31

Txã'wẽtewa, wala kuh jiyutx Jesusa' kimtewa sa' na'jĩ'tx: —Dxus tasxu yuusa Kristo kĩhçxa', ¿naa piçthẽ'the jxthaakwe kĩjkĩhwa kaavxya'ja'jya' ãjãma'k? jĩnatx we'we'.

San Juan 20:16

Txã'jĩte' Jesusa': —¡Maria! jĩnak kxsus. Aça' Maria tuphiçxa na'wẽk we'we hebreo yuweju: —¡Raboni! jĩk, txã' Kaapiya'jsa jĩni'.

San Juan 15:24

Txãawe'sx ksxavxysu kim yuhwa vxit-ya' ãjanimeesa's adx kaavxya'ja'jmeewaça', yuuwemeesa yuutxna. Nawa makwe txã'wẽ adx ãjani's kaavxya'ja'the uyçxawa, adxna açe'tx. Aça' adxna açesayã'j yu' adx Tatanawa açesata'.

San Juan 3:26

Aça' txãawe'sxa' Juana's pta'sxtxi na'jĩna: —Kaapiya'jsa, mwẽese'j. Sek kãani ju'gu Jordan yu'wala kutete ũste pta'sxgu txãa piçthẽ'jwa ãçxha' bautisãyna ũsa', aça' nasa jxukay txãa yakhçxaçxáa u'jweçta' jĩte',

San Marcos 12:14

Aça' txãawe'sxa' na'wẽtx paapẽjx Jesusa's: —Idxa's kwe'sxa' jiitha'w. Idxa' isasaçxá'sgu we'we', Dxus tasxte pa'jwa'j dxi'ja's kaapiya'jna. Sa' nasaa jxkaahna yu'kxpehnitx nwẽese'je'çmeeg, txãa pa'gatey idxa' nasa ewsa na'wẽ thegsatx jiyumey ju'gu yu'çmeeg. Idx ¿ma'jĩki'g? Jxkaahsa Cesara's vxyu dukhte ¿ewmanx? Meeçxa' dukhmeete wáa ¿ewna? jĩna pẽjxte',

Filipenses 1:14

Aça' adxa' txã'wẽ preesu ũsçxawa Dxus yuwe's ũukhmée pta'sxiçte jiyuçxa', maa yakhthẽ'jwe'sxwa txã'wẽy ũukhmeetx Dxusa's jweeíiçxáa çxhãçxha yajkxna pta'sxi'.

San Mateo 23:7

Klxiikhunsu msuuwa nasatx wala ewçxáa we'wena weçxaa jxthãasnatx pekũju', kaapiya'jsa jĩna kxsus jxthãasna.

San Mateo 23:8

Nawa i'kwe'sxa' txã'wẽ kaapiya'jsa jĩna kxsus jxthãasna fxi'zenuwe. Txãa pa'gatey i'kwe'sxa' kaapiya'jsamée maa yakhwa jxuka pxakhsaçxáai'kwe, naasáa kaapiya'jsa' teeçx yuuçxáa ji'phi'kwe txã' Dxus kaahni Kristo'.

San Juan 2:11

Jesusa' Galilea kiwesu Kaná çxhabtek txã'wẽ kim yuhwa ãjãnimeesa's kaavxya'j. Txã'wẽ yũuçxak txajx ewuni's khiyu'j, aça' txãa yakh u'jusawe'sxa' jiyutx Jesus kimtewa.

San Juan 4:31

Naapkaçxha' txãa yakh u'jusawe'sxa' Jesusa's na'jĩnatx we'we: —Idxa', ¿wẽemeegá'? Pan mẽ' jĩna.

San Juan 6:2

Txã'wẽ naa kiwete kim yuhwa vxit-ya' ãjanimeesa's kaavxya'ja'jna ãça'satxwa nuyçxhãçxhapa'ga, nasa wala kuh pkhaakhena Jesus e'stey u'jtx.

San Juan 10:38

Nawa adx Tata mjĩi kaahnisatx yuh mjĩite', adx yu's jxpa'gameeçxawa, adx we'weniçxáatxwa miipa'gawe. Txã'wẽ yũuçxaçxáa jiyune'kwe, adx Tata' adx yakh ũsa', aça' adxa' Tata yakh ũstewa.

San Juan 14:10

Jiyu'çmée wá'ga, adxa' Tata yakh bagaçxtewa nesthu yu', aça' txã'wẽy Tatawa adx yakh nesa'. Na'wẽ we'we'th na' peekx ũusuh yajkxçxa txã'wẽ we'we'çmeeth. Tata adx yakh ũssa txãa we'wekaatheçxáath we'we'.