San Juan 21:22 - Páez

²² Jesusa' na'wẽk pas: —Adx jxthãaste' naa piçthẽ'ja' uumée u'juma'k adx sxawedna kĩhpkaçx, nawa txã'sa' idxa' yaakxwa'j ji'phmeeg. Idxa' adx yakh fxi'zewa'jçxá's miiyajkx.

San Juan 21:22 Referans Kwoze

San Marcos 9:1

Txajũ' ki'kin we'weçxa' na'jĩk Jesusa': —Isath we'we', ayte ũssa maaíi yu' uumey uyuune'kwe Dxus naa kiwete jxkaajxa' kĩini's jĩk.

Apocalipsis 2:25

Nawa ew fxi'zewa'ja's peçxkananuwe adx sxawedpkaçx.

1 Corintios 4:5

Txãa pa'ga mjĩini's we'wewa'j en ãhmeyna yu', i'kwe'sxa' nuywe'wenuwe. Mũythaswe Jesukristo kĩhpkaçx. Txãa yuuçxáa ew ma'k yuu ewmée ma'k yuu nawa kaajiyu'juna makwe jiyunimeesa ũusteçxáa yaakxnisa sũthni yuu ma'k nawa jxuka. Txã'wẽ yũunijũ ya'jiyuna nasaa iisa ma'wẽ yũusaaçxawa.

Apocalipsis 3:11

Txaçxmey sxawedu'nja. Ew fxi'zeni's mpa'yajkxwe, kxah txã'wẽ fxi'zepa'ga i'kwe'sxtxi ũswa'j ũsa' txã'sna kim yuhwa kusa'jmeena.

Santiago 5:7

Txã'wẽ pkxuuçtewa, yakhthẽ'jwe'sx nxusmée çxhãçxha miiyajkxwe, kwe'sxtxi jxpe'jsa Jesukristo naa kiwete kĩhpkaçx. Ma'wẽga mjĩisawa uhçxa' kuçxwa'jmée ũythasu', nus en skhẽwte', ũ'a's wala pkhakhe'nja sũhna.

1 Corintios 11:26

Txã'wẽ yã'the', bagaçxtewa naa pana's ũ' iisa, naa wasotewe'sxnawa tudx iisa i'kwe Jesukristo uuni's yajkxna nes yu', txãa sxawedna kĩhpkaçx.

San Juan 21:19

Jesusa' txã'wẽ we'weçxa', Pedro ma'wẽ yũuni uuçxa Dxusa's ãate kaavxya'ja'jwa'ja's pta'sxnak txã'jĩ. Txajũ' Jesus we'weçxa': —Adx yakh myuhçxáa jĩnak pi'kx.

San Mateo 24:44

Txãa pa'ga i'kwe'sxwa jxuka pheu'jçxa meswe. Txã'wẽme', yajkxmée ũsiyna Dxus Nçxi'k Nasa Yuusa' kĩhçxáa yuuna.

Apocalipsis 22:20

Txã'wẽ yũuwa'jsa' na'jĩ'k: —Txaçxmey yuuyuju'nja jĩte', passa': —Txã'jĩwaççxáawa, wẽt yuuna. Nawa dud myuh, Jesus.

Apocalipsis 22:7

Txajũ' Jesus we'weçxa': —Txaçxmey yuwe'nja, aça' naa librute Dxus yuwe's fxi'jni ũsta' txãatx kxtey yũusa' seena' weçxana neeyũutxna jĩ'k.

Apocalipsis 1:7

Txã'sa' mthegwe, tãaphte yuja'. Txã'sa' jxukaysa uyuutxna, txã'sna kpã'vxit-sawa. Sa' uyçxa' naa kiwete nasa jxukaysa ũ'netxna. Isath we'we', txã'wẽ yuh yuutxna.

San Mateo 25:31

Dxus Nçxi'k Nasa Yuusa' jxkaahsa yuuçxa angeleswe'sx ksxavxyte kĩhçxa txajx jxkaahwa'the kaçxhiina.

San Mateo 24:27

Txãa pa'gatey Dxus Nçxi'k Nasa Yuusáa kĩi ente', kpi'sxwa ma'wẽga sek kãanijũ kwehneçxa' sek khẽenijũwa vxya' txã'wẽyçxáa yuuna naa dudte jxukaysa dxi'pte.

San Mateo 24:3

Txajũ' Oliwos vxiçnatx u'j. Kxtee pa'jçxa Jesus kaçxçxa u'pte', txãa yakh u'jusawe'sx maaíi yu' na'jĩnatx we'we paaçte: —Meen peeta'sx, ¿bagaçx txã'wẽ jxuka pçuukx? Sa' iidx kĩiwa'j en vxite' naa kiwe pçuwa'j en ãjaçte', ¿kĩh seena'sa vxyaakx? jĩte',

San Mateo 8:22

Jesus pasçxa': —Uusaawe'sxa' peekx uusáa pwe'sx ya'pedaatxna. Aça' idxa' adx yakh txutemée myuh jĩk.

San Mateo 16:24

Txajũ' Jesusa' txãa yakh u'jusawe'sxtxi ki' we'wek: —Maawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjane'kwe, makwe pxthaa yuuwa'j seena'sa ma'k yuu nawa txã'sa' ũukhmée.

San Juan 21:21

Txã'sna Pedro uyçxa', na'jĩnak Jesusa's pẽjx: —Jxpe'jsa, naa piçthẽ'ja's ¿kĩh yuukx? jĩte',

1 Tesalonicenses 2:19

Txã'wẽtewa kwe'sxtxi jxpe'jsa Jesukristo kĩi ente' i'kwe'sx txã'wẽ kwe'sxtxi wẽtwẽt ¿kaaũusuthe'jwa'jsa meema'kwe?

Santiago 5:8

I'kwe'sxwa txã'wẽy kuçx yajkxmée çxhãçxha yajkxna mũythaswe. Txã'wẽme', kwe'sxtxi jxpe'jsa Jesukristo kĩiwa'ja' utxaaça'.