San Juan 21:17 - Páez

¹⁷ Tekh uswa ki' pẽjxku Jesusa': —Jonas nçxi'k Simon, ¿adxa's wedxi'gá'? Aça' Pedro' wala nxusku txã'wẽ tekh us ¿adxa's wedxi'gá'? jĩna pẽjxte'. Sa' na'jĩk: —Idxa' jxuka jiig adx idxa's wedxiçtewa jĩte', Jesusa' na'jĩnak neewe'we: —Txã'wẽçxa' adx piisxaatx jxpa'yakx miipe'j.

San Juan 21:17 Referans Kwoze

San Juan 13:38

Jesus we'weçxa': —¿Isaga txã'jĩ'á'? Nawa adxa' na'jĩ'th na': atalx we'wemeyna, adxa's jiimeeth jĩna tekh us ĩsxiijaçyã'j yuune'ga jĩk.

San Marcos 14:72

atalxa' e'z us we'wek. Txajũ' Pedro' Jesus we'weni's yajkxku: Atalx e'z us we'wemeyna, idxa' tekh us ĩsxĩijaç yã'j yuune'ga adxa's jiimeeth jĩni's. Aça' Jesus we'weni kxtey yuute', Pedro' wala ũ'nek.

San Juan 16:30

Ãçxha' jiyutha'w, idxa' kĩhnawa jxuka jiig. Txãa pa'gatha'w ew jiyu Dxus tasxu yuusatewa. Txãasa kim yuhwa idxa's paapẽywa'j ji'phmeeta' jĩte',

Apocalipsis 2:23

Sa' txãa u'y luuçxtxi's ikhe'nja. Txã'wẽ yũute Dxus luuçxa' jxukaysa jiyutxna adxa' txãawe'sx ũus dxiiju yaakxni's jxuka jiyusatewa. Sa' i'kwe'sx teeçxsa na'wẽçxah kĩh yũusatewa, ka'tuwa txã'wẽy yu'nja.

Efesios 4:30

Sa' Dxus Espiritu'swa kxũusu'jnuwe, txãa pa'gatey Dxus Espiritu íiçxáak i'kwe'sxtxi's Dxus jĩi vxitna pa'jçxa nvxiht, Dxus tasxna u'jwa'j en ãhtewe'sx.

Hechos 15:8

Dxusa' jiia' maaçxah nwẽese'jwa'jsatewa, txãasa íik vxite nasawa txã'sna nwẽese'jwa'jsa yuutxi's txajx Espiritu's ũs, kwe'sxtxiwa ma'wẽga txajx Espiritu's ũs txã'wẽy.

San Juan 15:10

Adx jxkaahnitx nwẽese'jçxa', adx peeygãaniteçxáa fxi'zene'kwe, adxwa ma'wẽtka Tata jxkaahnitx nwẽese'jçxa' txajx peeygãaniteçxáa fxi'ze' txã'wẽy.

San Juan 14:15

I'kwe'sxa' adxa's peeygãjaççxa', adx jxkaahnitxi' nwẽese'jna kxtey myuuwe.

2 Pedro 3:1

Yakhthẽ'jwe'sx, naa karta' e'su fxi'jnisa yã'ja'. Nawa e'z kartatey i'kwe'sxtxi yu'kxpehna fxi'jaçthu, ew jxpa'yakx ũskahn.

1 Pedro 1:6

Txãa pa'ga i'kwe'sxa' iiméh wala weçxana meswe, makwe maa enteya' nxuswa'j en ma'wẽsawa pa'thewa.

2 Corintios 1:12

Isath we'we', Dxusa's açesawe'sx yakhwa ew yuuçxáath yũuna fxi'ze, sa' i'kwe'sx yakh yu' wejxthu txã'wẽ ewçxáa fxi'ze sũhna yuuçxáak ũusuthe', txãa pa'gath weçxá'. Txa'wẽ ew yũuna fxi'zewa'ja's Dxusku pu'çx, aça' peekx ũusuhçxáa çxhãçxha yajkxçxa txã'wẽ ew fxi'zemeeth.

Hechos 1:24

Sa' na'wẽtx Dxus yakh puutx we'we: —Idxa' maa maa nasa ũus yaakxni'swa jiig. Kwe'sxtxi meen mkhiyu'j naa e'zsatx maaçxahtxga txhitxh,

San Juan 18:27

Txã'jĩna ki' pẽjxte', Pedro' ki'kin ĩsxiijaçpkaçxha', atalxa' we'wek.

San Juan 18:4

Nawa Jesusa' txã'sna ma'wẽwa pkxuuçxa ikhwa'j ãhte jiiyã'jçxa', puutx uyya' kasejk. Sa' na'jĩk: —¿Kimnakwe pakwé'? jĩte',

San Juan 12:8

Puuplesa' bagaçxtewa i'kwe'sx yakh nes yuutxna. Nawa adxa' jwee yu' i'kwe'sx yakh nes yuuwa'jsameeth jĩnak pta'sx.

San Mateo 25:40

Aça' jxkaahsa' na'wẽ pasuna: Isath we'we', adx yakhthẽ'jwe'sx makwe wala pxthaa ãhmeekwesaçxawa ayte ũsta' txãatx txã'wẽ yũusa' adxna pu'çxsaçxa i'kwe txã'wẽ yũu jĩna.

Apocalipsis 3:19

Adx peeygãanisatxi's juuna'th we'wena yu'kxpeje' jxukaysatx. Txã'wẽ Dxus yakh çxhãçxha fxi'zeya', pkala's nvxihtçxa Dxus tasxte misxawedwe.

San Juan 21:18

Isath we'we', nyafxíi piçtakxteya' ropa's peekíi jathe'g, sa' mtee u'j wẽeçxawa u'jwe'g. Nawa ĩisx yã'the', vxitesa' idxa's tudçxa jxũna u'jwetxna idx u'j wẽemeetewa.

San Juan 4:16

Aça' Jesus we'weçxa': —I'kwe nmi'a's me'jwe pa'yaya', sa' txãa yakh yuweene'kwe ayte' jĩte',

Hechos 11:10

Txã'wẽ tekh uswa vxyaaçxak ẽe walate ki' pu'kisni yuu.