San Juan 21:15 - Páez

¹⁵ Txajũ' ũ'na jxã'jçxa', Jesusa' Simon Pedro's pẽjxku: —Jonas nçxi'k Simon, ¿ayte ũsta' txãawe'sxte jxthaakwega' adxa's wedxi'á'? jĩte', Pedro pasçxa': —Idxa' peekx jiig adx idxa's wedxiçtewa jĩte', Jesusa' na'wẽk neewe'we: —Txã'wẽçxa', adx piisxakuẽtx wedxna miipe'j jĩk.

San Juan 21:15 Referans Kwoze

Romanos 15:1

Dxus yakh çxhãçxhayã'j fxi'zesa' peekxçxáa wẽt fxi'zewa'ja's pakwemée, pu'çxwa'j ji'ptha'w Dxus yakh fxi'zewa'ja's açxamée ew jiisatx.

1 Juan 4:19

Dxus khuẽ'yku kwe'sxtxi peeygãh, txãa pa'gatha'w ãçxha' kwe'sxwa Dxusa's peeygãja'.

1 Pedro 1:8

I'kwe'sx yafxju yu' Jesukristo's uymeeçxawa, peeygãhçxa nwẽese'je'i'kwe, sa' uymeeçxawa txã'sna yajkxçxa iiméh seena' wala ũuste weçxweçxa yaaki'i'kwe. Txã'wẽ ũuste iiméh seena' wala zhiçxkwe wẽtwẽt yaakxni's pta'sxya' ya'ãja'çme'.

Efesios 6:24

Sa' maawa kwe'sxtxi nwe'wesa Jesukristo's yaakxsa yuutxi's Dxusa' pu'çxhina jxukaysatx.

Hechos 20:28

Aça' ãçxha' peekíi ya'mpa'yajkxwe, txã'wẽy Jesukristo ee pkawçxa weynisa Dxus luuçxtxiwa ew jxpe'jna, Dxus Espiritu' i'kwe'sxtxik thegwa'jsa nvxiht naa pa'ga.

1 Juan 5:1

Maawa Jesusa' Dxus tasxu yuusa Kristona sũhnaçxáa ũuste yaakxsa', Dxus luuçxçxa txã'wẽ yaakina. Dxusnawa peeygãjaççxa', Dxus luuçxtxiwa peeygãhna fxi'zewa'ja'.

San Juan 16:27

I'kwe'sxa' adxa's wedxçxa jxpa'gai'kwe, Dxus tasxu yuusana sũhna. Txãa pa'gak adx Tata' i'kwe'sxtxi peeygãja'.

1 Pedro 2:25

I'kwe'sxa' nyafxiia' piisxáa vxitusa na'wẽ i'kwe ũsu', nawa ãçxha' Kristo tasxte sxawedi'kwe, txã' piisxáa thegsa na'wẽk jxpe'je' i'kwe'sx ũustxi.

Hebreos 4:13

Dxus vxitnisa' kĩh yuhwa txajx dxi'pte paaçte uynimeete yu' neeyũumeetxna. Kĩjkĩhwa jxuka ãateçxaçxáa ũsta' kwe'sxtxi kastigãywa'jsa ũsa' txajx dxi'pte.

San Lucas 22:32

Nawa adxa' iidx pa'gate Dxusa's neewe'weth, Dxusçxáana yajkxna fxi'zekahn. Aça' idxa' Dxus tasxte ki' sxawedçxa', yakhthẽ'jwe'sxtxi kçxhãaçxha'jane'ga Dxus yakh txutemée fxi'zewa'ja's jĩte',

Hebreos 13:20

Jesukristo' iiméh ew txajx nasatx jxpe'jsa yu'k, txajx eek txã'wẽ u'se puutx we'weni bagaçxte yuhwa yu'pthehwa'jme's vxitçxa nvxiitni's kxtey kxũ'ju'jwa'jsa yuu.

Romanos 14:1

Kristo kaapiya'jni's açxamée ew jiisa yakhthẽ'ja's wa'lmée mpa'gawe, txajx jxpubanisu açewe'wemée.

San Mateo 16:17

Jesusa' pasku na'jĩna: —Jonas nçxi'k Simon, idx yakha' wala weçxa yuja'. Idxa's naa kiwete piçthẽ'j kaajiyu'jmeeta'. Adx Tata cielute ũssa yuuk kaajiyu'j adxa' Dxus ĩtxisa Nçxi'ktewa.

Apocalipsis 2:23

Sa' txãa u'y luuçxtxi's ikhe'nja. Txã'wẽ yũute Dxus luuçxa' jxukaysa jiyutxna adxa' txãawe'sx ũus dxiiju yaakxni's jxuka jiyusatewa. Sa' i'kwe'sx teeçxsa na'wẽçxah kĩh yũusatewa, ka'tuwa txã'wẽy yu'nja.

1 Pedro 2:2

luuçx u'se kasehsawa ma'wẽga leçxi ewsaçxá's jxpa'ga', txã'wẽy i'kwe'sx ũuste ew kçxhãaçxha'jwa'jsaçxá's mpaakwewe. Txã'wẽ yũuçxa Dxus yakh çxhãçxha fxi'zene'kwe ewte neeyũuya'.

Gálatas 5:6

Txãa pa'gatey Kristo Jesus yakh fxi'zesa yakha' cirkuncidãyni ma'k yuu cirkuncidãynimée ma'k yuu nawa txã'wẽsa' peejxme', naasáa Kristo's ũuste jxpa'ganiçxáa txã'wẽ', txãa pa'gatey Kristo's ũuste jxpa'ganijũ' peeygãawa'ja's ya'ji'phu'k naa pa'ga.

San Juan 21:12

Txajũ' Jesus pa'yaçxa': —Ũ'ya' myuhwe jĩk. Txã'wẽ pa'yate', txãa yakh u'jusawe'sxa' jxpe'jsatewa jiyuçxa', maa yuhwa: Idxa' ¿kimga? jĩna pẽyi'çmeeta'.

San Juan 21:7

Txã'wẽ yũuni's uyçxa', Jesus yakh u'jusa wedxnisa' Pedro's na'jĩnak pta'sx: —¡Naate ũsa' txã' kwe'sxtxi jxpe'jsa'! Txã'jĩna we'weçpkaçxha', Pedro' txã'wẽ wẽse'jna' ropa's jathna'wa yu'khẽ khẽek Jesus tasxna u'jya'. (Ropa's pahdeçxak ũs yu', txãasak txã'wẽ yũu.)

San Mateo 18:10

Naawe'sx ãhmeekwesa maa yuhtxwa açenuwe. Na'jĩ'th na': naawe'sxtxi pi'kxna u'jusa angeleswe'sxa' cielute adx Tata tasxte nes yuusaata'.

Efesios 4:14

Txajũ yũuçxa' luuçx na'wẽ yuume'nja'w. Txã'wẽme' nasa ewmée yajkxçxa ĩsxiina pta'sxnite thẽyméek wetena pa'jçxa kxte jxpubana ya'fxi'ze'.

1 Corintios 8:11

Aça' iidxpa'gaçxáa Dxusa's açxamée ew jiisa iidx yakhthẽ'j ũusa' vxituna, txajx pa'gate makwe Kristo uutewa.

San Juan 8:42

Jesusa' na'jĩnak we'we: —Isa Dxusa' i'kwe'sx tatawaça', adxa's ahçemeene'kwe, adxa' Dxus tasxu kaahnith yuwé' txãasa ayte ũsthu. Adxa' peekxçxáa yu' yuwe'çmeeth, adxa'sa' Dxusku kaah.

San Marcos 14:29

Pedro pasçxa': —Vxite yu' makwe ũukhçxa ũphtewa, adx yu' txã'wẽ yũume'nja jĩk.

San Lucas 12:32

I'kwe'sxa' kuhmeekwe i'kwe nawa ũukhnuwe, txãa pa'gatey i'kwe'sx Tata cielutewe'sxa' i'kwe'sxtxi peeygãhçxa txajx jxkaahna ũsni's i'kwe'sxtxi ũsya'wa'.

San Mateo 10:37

Maawa adx yu's yajkxmée naasáa ney vxite' njĩ'j txãawe'sxçxáatx jxthaakwe yaakxsa', adxa's selpiiya' ãjameetxna. Txã'wẽy maawa adx yu's yajkxmée naasáa nçxi'k vxite' niisa txãawe'sxçxáatx jxthaakwe yaakxsa' adxa's selpiiya' ãjameetxna.

San Juan 13:37

Pedro' ki'kin paapẽjxku: —Jxpe'jsa ¿kĩh yuuçxa ãçxhíi yu' yujxa' ãjamée yuuki'th? Adx uuwa'ja's yuhwa ũukhya'mée ũsthu, idxa's peeygãaweete jĩte',

San Juan 1:42

Txajũ' Adresa' txajx nyakh Simona's pe'jna kũjk Jesus ũsnite. Aça' Jesus uyçxa' na'jĩk: —Idxa' Jonas nçxi'k Simon yaaseg, nawa ãçxha' Cefxas yaseni neeyũune'ga. Cefxas yu', Pedro jĩni'.

San Mateo 26:35

Pedro' na'wẽk we'we: —Makwe idx yakh ja'datey uuwa'jma'k kaseh, nawa idxa's jiimeeth jĩna yu' ĩsxiime'nja. Aça' txãa yakh u'jusawe'sx jxukaysa txã'wẽçxaçxáatx we'we.

San Mateo 26:33

Pedro' na'wẽk pas: —Makwe vxite yu' idxçxáana nvxihtçxa txuteetewa, adx yu' txã'wẽ yũume'nja jĩte',

Hechos 20:29

Jiith adx u'the', vxite pa'jatxna Dxus yakh fxi'zesawe'sxtxi ivxiitu wẽena, sxĩ'j weesweewa ma'wẽta piisxaatx ivxiitu' txã'wẽy yũuya'.