San Juan 21:12 - Páez

¹² Txajũ' Jesus pa'yaçxa': —Ũ'ya' myuhwe jĩk. Txã'wẽ pa'yate', txãa yakh u'jusawe'sxa' jxpe'jsatewa jiyuçxa', maa yuhwa: Idxa' ¿kimga? jĩna pẽyi'çmeeta'.

San Juan 21:12 Referans Kwoze

Hechos 10:41

Dxusa' maaçxahtxne' kwe'sxtxi txhitxh txãaçxáatxku vxyaa. Aça' kwe'sxa' txãa yakh pkhaakhena ũ'na fxi'zesatha'w uuçxa ki' ĩtxi yuunijũ.

San Juan 16:19

Txã'wẽ jiyuwẽena ũsni's Jesusa' jiyuçxa' pta'sxku: —Adx Tata tasxna u'jwa'j ãjaça', aça' adxa's uymeene'kwe. Nawa vxite enkhẽ' ki' uyuune'kwe jĩnath we'we aça' ¿txã'sna wá'kwe i'kwe'sx pwe'sx jiyu wẽena puutx paapẽyi'?

San Juan 21:15

Txajũ' ũ'na jxã'jçxa', Jesusa' Simon Pedro's pẽjxku: —Jonas nçxi'k Simon, ¿ayte ũsta' txãawe'sxte jxthaakwega' adxa's wedxi'á'? jĩte', Pedro pasçxa': —Idxa' peekx jiig adx idxa's wedxiçtewa jĩte', Jesusa' na'wẽk neewe'we: —Txã'wẽçxa', adx piisxakuẽtx wedxna miipe'j jĩk.

San Marcos 9:32

txãa yakh u'jusawe'sxa' jiyumeeta', nawa pẽjxya' yu' ũukhtxi.

San Juan 4:27

Naapkaçxha' txãa yakh u'jusawe'sxa' sxawedna pa'jtx. Sa' Jesusa' txã'wẽ txãa u'y yakh puutx we'wena ũste uyçxa', kuh yajkxnatx neeyũu. Nawa ¿kĩjxa'ga txãa u'y yakh puutx we'we'? jĩna maa yuhwa paapẽyi'çmeeta'.

San Lucas 9:45

txãa yakh u'jusawe'sx yu' jiyuya' ãjãmeeta', txãawe'sx jiyuwa'jmeene' yu' naa pa'ga. Sa' txã'wẽçxawa pẽjx yu' meeta' ũukhçxa.

San Mateo 22:46

kim yuhwa teeçx yuweçxáawa pasya' ãjameeta', sa' txajũyã'ja' peena yu' pẽjxmeeta' kim yuhwa.

San Juan 21:11

Simon Pedro' barkote khẽena'wa wedx ukhe's wedx walasaçxaçxáa ji'phsa's wezxna kũjk ũhdxte pa'j. Ciento cinkwenta y tres wedxku ji'phu'. Kxaazkuẽe wedx ji'phçxawa, ukhe' suteme'.