San Juan 20:27 - Páez

²⁷ Txã'wẽ we'weçxa', Tomasa'swa na'jĩk: —Adx kusete kpã'yuunitx thegçxa, txkaa iidx kuse's mkuupath, sa' adx tabxte we'thu yãjanigawa mkuupath. Txã'wẽ yũuçxa', kuh jwed yajkxmée, ĩtxi yuu yuhga sũhwa'jçxá's ji'phune'ga jĩte',

San Juan 20:27 Referans Kwoze

San Juan 20:25

Aça' Tomas yu' uymeetewa, Jesus yakh u'jusa vxite yu' pta'sxtxi: —Kwe'sxtxi jxpe'jsa's uytha'w jĩna. Txã'wẽ pta'sxtewa, Tomasa' na'jĩk: —Kusete klaus kpã'vxitni's uyçxa txajx tabxte we'thu yãjani'swa uyçxa txkaa adx kuse's kaahmeeçxa yu', txã'wẽ ĩtxi yuune' sũhme'nja jĩk.

San Juan 20:20

Txã'jĩçxa', txajx kuse kpã'tx pta'sxku, tabxte we'thu yãjani'swa txã'wẽy. Aça' txãawe'sxa' Jesusa's uyçxa' wala weçxweçxa yajkxtxi.

Romanos 5:20

Kĩhçxah yũunisa txã'wẽ pkaltewa jxuka ãate jiyukahn íiçxáak leya' kaseh. Aça' pkala's txã'wẽ ew jiyuçpkaçxha', Dxus peeygãanisa yu' jwee íiçxáak thaakwe wala vxyaa.

San Lucas 24:40

Txã'jĩçxa', kuse petx çxida yã'jçxa ktheegu'kh.

San Lucas 9:41

Jesus pasçxa': —Dxusa' pu'çxhina sũhwa'j yu'sa' ji'phmeesata' naa nasa'. ¿Bagaçxpkaçx i'kwe'sx yakh pu'çxna ũs ya'watka? ¿Bagaçxpkaçx ãjãmée fxi'ze ya'wakwe? Mneejxũh iidx nçxi'ka's jĩte',

San Marcos 9:19

Jesus pasçxa': —Dxusa' pu'çxhina sũhwa'j yu'sa' ji'phmeesata' naa nasa'. ¿Bagaçxpkaçx i'kwe'sx yakh pu'çxna ũs ya'watka? ¿Bagaçxpkaçx ãjãmée fxi'ze ya'wakwe? Txãa luuçxa's mneejxũhwe ayte jĩte', nuykũhtx Jesus tasxte.

San Mateo 17:17

Jesusa' na'jĩnak pas: —Dxusa' pu'çxhina sũhwa'j yu'sa' ji'phmeesata' naa nasa'. ¿Bagaçxpkaçx i'kwe'sx yakh pu'çxna ũs ya'watka? ¿Bagaçxpkaçx ãjamée fxi'ze ya'wakwe? Luuçxa's ayte mneejxũhwe jĩte',

San Lucas 24:39

Mthegwe adx kuse petx adx çxida yã'jçxa. Vxitemée, adxthu. Aça' adxa's ew jiyuya' mjxa'dxwe. Adxa' anximusmeeçxa', dxi'th ji'phsath, sa' kakwe'swa ji'phsath. I'kwe'sx yafxte ma'wẽtka vxya' txãa yu'sa' jxuka ji'pthu.

San Juan 20:28

Tomasa' na'jĩk: —¡Adxna jxpe'jsa yuhg, sa' adx Dxus yuhg!