San Juan 2:19 - Páez

¹⁹ Jesus pasçxa': —Naa dxuus yata's pẽtxtewa, adxa' tekh ente' ki' kiisya' ãjãwa'jsath.

San Juan 2:19 Referans Kwoze

San Marcos 14:58

—Jesus we'weçxa': Naa dxuus yat nasaa txaahni's pẽtxçxa, tekh ente' ki' vxite txaja'nja nasa vxitnimeesa jĩna we'weni's kwe'sxa' iiwẽsẽ'tha'w jĩnatx pãatxhĩ'khe'.

San Marcos 15:29

Txajũ' kluus tasxuy uykhẽwsa' dxikthetx kaawũhnatx weeçx we'we': —Dxuus yata's idxa' pẽtxçxa tekh ente' ki' kiisu'nja ¿jĩ'çmeegá'?

San Mateo 27:40

—Dxuus yata's pẽtxçxa tekh ente' ki' kiissathẽ'j, idxa' ya'menwe'we. Dxus Nçxi'k dxihçxa', kluusuh msa'j jĩ'tx.

San Mateo 12:40

Jonaswa ma'wẽga wedx tutxhte tekh en tekh kus u'pu', txã'wẽy Dxus Nçxi'k Nasa Yuusaawa tekh en tekh kus kiwe dxiiga ũsuna.

Romanos 8:11

Txã'wẽ Kristo Jesus uuniijũwa ki' ĩtxi vxit-sa Dxus Espiritu' i'kwe'sx ũuste fxi'zena ũsçxa', i'kwe'sx uutewa ki' ĩtxi vxituna petx kakwe yã'jçxa.

Hechos 3:15

Txã'wẽ yũuçxa i'kwe'sxa' Jesus ĩtxi kaafxi'ze'jwa'jsa yu'sa' kiikhe'ji'kwe. Nawa Dxusa' txã'sa' ki' ĩtxi vxitni's kwe'sxa' uysaatha'w, txãasa jiitha'w.

Hechos 2:32

Davxid we'we'k Jesus txã'snak Dxusa' uuniijũwa ki' ĩtxi vxit, aça' kwe'sxa' jxukaysa uysaatha'w, txãasa ew jiitha'w.

Hechos 2:24

Nawa Dxusa' ki' ĩtxi vxitçxa uuníi seena' ũukhũukhsaju kutxi'kh, txãa pa'gatey ikhsa' bagaçxtewa uuniiçxáa ji'phuya' yu' ãjawa'jsameek yu' naa pa'ga.

1 Pedro 3:18

Kristowa txã'wẽyku pxthaa yuuçxa uu, tee dxi'jçxáa jxukaysa pa'gate. Txã' ewsak yu', nawa kwe'sx ewmeesa pa'gate pxthaa yuuk Dxus tasxte nuypa'jya'. Txã' isa uuyujk kakwe yu', nawa ũus yu' uume'.

Romanos 6:4

Txãa pa'ga kwe'sxa' uuçxa pedani na'wẽsatha'w yuu, aça' Kristowa ma'wẽga Dxus pu'çxte uuniijũwa ki' ĩtxi yuu aça' kwe'sxwa txã'wẽy yuusaatha'w. Txãasa wala ew fxi'zewa'j ji'ptha'w.

San Juan 11:25

Nawa Jesusa' na'jĩk: —Adxíi uuniitewa ĩtxi vxit-sath, sa' pçumée ĩtxi fxi'zewa'ja'swa adxíi peessath. Maawa adxa's ũuste jxpa'gasa' makwe uuçxawa ki' ĩtxi yuutxna.

San Marcos 8:31

Txajũ' Jesusa' pta'sxku: —Dxus Nçxi'k Nasa Yuusa' wala pkxuuni pa'ga yuuna, sa' judiu nthẽ'jsawe'sx vxite' sacerdote npiiçthẽ'jwe'sx vxite' Dxus leya's kaapiya'jsawe'sx ahçeçxa kiikhe'jetxna. Aça' uuçxawa tekh ente' ki' ĩtxĩ yuuna jĩk.

Colosenses 2:12

Txã'wẽ yũunijũ' i'kwe'sxa' yu'te ya'bautisãyçxa' Kristo yakh ja'da pedani na'wẽsa i'kwe yuu, sa' Kristo yakh ja'da ki' ĩtxi yuusáa na'wẽ i'kwe yuu, txã'wẽ Kristo uutewa Dxusa' ki' ĩtxi vxitku sũhwa'ja's ji'phui'kwe naa pa'ga.

1 Corintios 15:12

Kwe'sx pta'sxni' Kristo ĩtxi yuuni'sku kaajiyu'jni yuu aça' i'kwe'sx yakh ũssa maaíi yu' ¿ma'wẽta uusaawe'sxa' ĩtxi yuuwa'jsameeta' jĩna we'we'?

Romanos 4:24

Kwe'sxtxiwa ja'da we'weçxak txã'jĩ', txãa pa'gatey kwe'sxwa Jesusa's ĩtxi vxit-sa Dxusa's ũusuh jxuka yaakxpa'gaçxáa yuuwemeesatha'w.

Hechos 3:26

Txajíik Dxusa' txajx Nçxi'ka's nyafxte' i'kwe'sx tasxte khuẽ'yku kaah i'kwe'sxtxi nwe'wekahn, kxah i'kwe'sxa' teeçxsa na'wẽçxah ewmée yũuni's nvxiitkahnku txã'wẽ yũu jĩk.

San Juan 5:19

Txajũ' Jesusa' na'wẽk pta'sx: —Isath we'we', adxa' Dxus Nçxi'kthu, nawa adxçxáa yu' mjĩiya' ãjame'nja. Adx Tata ma'wẽ mjĩite', txajx mjĩini's thegçxa yuuçxáath txã'wẽy mjĩiya' ãja'.

San Mateo 27:63

—¿Wẽse'gá', ne'jwe'sx? Txãa ĩisxihthẽ'ja' nee ĩtxi u'juçxa', uuçxawa tekh ente' ki' ĩtxi yu'nja jĩni'stha'w yajkx.

San Mateo 16:21

Txãa entek Jesusa' nyafxçxah pta'sx txãa yakh u'jusawe'sxtxi na'jĩna: —Jerusalenna u'jwa'j ji'pthu. Kxteea' wala pkxuuni yu'nja judiu nthẽ'jsawe'sx vxite' sacerdote npiiçthẽ'jwe'sx vxite' Dxus leya's kaapiya'jsa txãawe'sx kusete. Txãawe'sxa' ikhetxna, nawa tekh ente' ki' ĩtxi yu'nja jĩna pta'sxte',

Hechos 6:14

Jesus Nasarethũwe'sxa' naa dxuus yata's ivxiituçxa, Moises kaapiya'jni'swa ivxiituwa'jsa' jĩna kaapiya'jni's kwe'sxa' wẽse'tha'w.