San Juan 19:6 - Páez

⁶ Txã'jĩte', sacerdote npiiçthẽ'jwe'sx vxite' dxuus yat thegsawe'sx Jesusa's thegçxa' na'jĩnatx sus weyya' kiite: —Kluuste mkaafxuçu'j, kluuste mkaafxuçu'j jĩte', Pilato' na'jĩk: —I'kwe'sx jxpa'gaçxa kluuste mfxuçwe. Adxa' kĩh yuhwa ewmée yũuni's jiyuya' ãjameeth jĩte',

San Juan 19:6 Referans Kwoze

San Juan 18:31

Pilato' na'jĩnak jxkaah: —Jxũna me'jwe, sa' i'kwe'sx ley ma'wẽ jxkaathe', kxtey yuune'kwe jĩte', judiuwe'sxa' na'jĩnatx we'we: —Kwe'sxa' judiuwe'sxtha'w na' ¿ma'wẽ ikh kaajxa' ãjakxtha'w?

San Juan 19:4

Txajũ' Pilato' ki' eka kasehçxa' na'wẽk we'we: —Mthegwe, naa piçthẽ'ja' ayte ũsa', nawa txã'sa' makwe paapẽjxçxawa txajx ewmée yũuni's uymeeth.

Hechos 7:52

I'kwe'sx yaçgawe'sx ¿maaçxa' Dxus yuwe pta'sxsawe'sxtxi pkxuusamée ũstxmanx? Teeçx yuja' kĩh pkal yuhwa ji'phmeesa jĩna pta'sxsawe'sxtxi ikhtxi. Ãçxha' i'kwe'sxa' txãa pkal ji'phmeesa's ahçeçxa ikhi'kwe.

Hechos 2:23

Nawa txã'sa' kluuste fxuççxa ikhkahn i'kwe'sxa' dukhi'kwe nasa ewmeesa kusete. Txã'wẽ uuwa'ja's Dxusne' txhitxhçxa nvxiht txãniitey, txãa pa'ga i'kwe txã'wẽ yũu.

San Juan 19:15

txãawe'sxa' na'wẽtx sus we'we: —¡Peekx uuna, kluuste mfxuç! jĩte', Pilato' na'wẽk we'we: —I'kwe'sxtxi jxkaahsa yuja's, ¿ma'wẽ kluuste fxuç kajaki'th? jĩte', sacerdote npiiçthẽ'jwe'sxa' na'wẽtx we'we: —Kwe'sxtxi jxkaahsa' Cesar yuuçxá'. Vxite jxkaahsa yu' ji'phmeetha'w.

San Lucas 23:4

Aça' Pilato' sacerdote npiiçthẽ'jwe'sx nasa jxukaysatx na'wẽk we'we: —Naa piçthẽ'j yuuwe yuuni's uyu'çmeeth jĩtewa,

San Mateo 27:24

Txajũ' Pilato' kĩhwa yũuya' ãjanimeeteçxáa nasa' jweeíiçxáa seena' wala suste', yu' jxũukaahçxa nasaa dxi'pte txajx kusetx kweeçxak na'jĩna: —Naa piçthẽ'j kĩhtewa yuuwemeesa's ikhni's adxa' yuuwemeesath. Txã'sa' i'kwe'sx pasune'kwe jĩte',

San Mateo 27:22

Pilato we'weçxa': —Barabasa's txhweeteçxa', naa Jesusa's Kristo jĩ'i'kwe txã'sa' ¿kĩh yũutka? jĩte', jxukaysa pasçxa': —Kluuste mkaafxuçu'j jĩ'tx.

San Mateo 26:58

Aça' Pedro' e'ste jxu'j neeyũuçxak yuhna ũsu', sacerdote npiiçthẽ'j yat patxute u'kapkaçx, sa' kxtee policiawe'sx yakh kaçxçxa neeyũuk kĩh yũutewa uyya'.

San Juan 18:3

Txãasak Judasa' jiiyã'jçxa', soldauwe'sxtxi pe'jçxa kxtee pa'j u'j dxuus yat thegsawe'sx yã'jçxa. Txãa dxuus yat thegsawe'sx yu', sacerdote npiiçthẽ'j vxite' fxariseowe'sx jxkaahnitx yu'. Vxite' fxtũ, vxite' kçxilx, vxite' lampara atçxatx pa'j.

San Juan 18:38

Pilato' na'wẽk paapẽjx: —Na'wẽ isasa' jĩna we'we'g txã' ¿kĩhna? Txã'wẽ Jesusa's paapẽjxçxa', Pilato' ki' eka kasejk judiuwe'sxtxi na'jĩna pta'sxya': —Naa piçthẽ'j ewmée yũuni's kĩhte yuhwa uyu'çmeeth.