San Juan 19:17 - Páez

¹⁷ Jesusa' txã'sna fxuçwa'j kluusa's yakhçxa çxhabu kasehna u'kh, teeçx ahte Gólgota yaase' kxtee pa'j. Txãa Gólgota yu', Uusáa Jxkwet Dxi'th jĩni' hebreo yuwete'.

San Juan 19:17 Referans Kwoze

San Lucas 23:33

Sa' teeçx ahte Uusáa dxikthé dxi'thçxáasa jĩnisate pa'jçxa', Jesusa's kluuskhẽ ki'ptxi, txã'wẽy e'z yuuwesatxwa teeçxsa's paçu, vxite's jebu.

San Lucas 14:27

Sa' makwe thẽyte uupçxãhtewa txãatxi' yajkxmée, adx yakh yuhmeeçxa yu' adx yakh fxi'zeya' ãjãmeena.

San Lucas 23:26

Jesusa's kluuste fxuçya' jxũna u'jweççxa', teeçx piçthẽ'j Cirenejũwe'sx Simon yaasesa çxhabte pa'jaçte pu'jykhẽwçxa', kluusa's txã'sna kxaakhe'jçxatx Jesus e'stey pe'jna u'j.

Hechos 7:58

Sa' çxhabuh kutxi'jçxa Estebana's açesawe'sxa' kwet wãatatahtx, txãawe'sx atxhtxi teeçx piçtakx Saulo yaasesa's kthegu'jçxa.

San Marcos 15:32

Israelwe'sxtxi jxkaahsa Kristoth jĩ'k na' txã'wẽ dxihçxa', ãçxhíi kwe'sx uyna ũste kluusuh sa'jana aç yuuçxáa txã'wẽ dxih yu'ga sũjũ'nja'w jĩ'tx. Txã'wẽy txãa yakh kluuskhẽ fxuçni u'psawe'sxwa Jesusa's wẽesxu'tx.

San Lucas 23:38

Kluus vxiçte' griego, latin, hebreo yuweju fxi'jni na'jĩ'k: Naaíi Judiuwe'sxtxi Jxkaahsa' jĩ'k.

San Lucas 9:23

Txajũ' jxukaysatx na'jĩk: —Maawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjãne'kwe, makwe pxthaa yuuwa'j seena'sa een isa ma'k pa'jnawa txã'sa' ũukhmée.

San Marcos 15:26

Sa' kĩh yũusate txã'wẽ kluuskhẽ fxuççxawa pta'sxna fxi'jçxa ki'ptxi kluus vxiçte: Judiuwe'sxtxi Jxkaahsa' jĩna.

San Marcos 10:21

Jesusa' txãa piçtakxa's peeygãhna thegçxa' na'jĩk: —Na'wẽ yũuwa'jçxáa peejxa': Iidx ji'phuni's jxuka txweyçxa, puuple ji'phmeesatx peesya' me'j. Txã'wẽ yũuçxa', cielute ji'phsa yuune'ga. Txã'wẽ yũuçxa adx yakh myuh, makwe seena' nxussa pa'thewa txãatxi' yajkxmée jĩte',

San Marcos 8:34

Jesusa' txãa yakh yuusawe'sxtxi pa'yaçxa na'jĩk: —Maa nasawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjãne'kwe, makwe thẽysa uuwa'j ma'k pa'j nawa txã'sa' yajkxmée.

San Mateo 27:37

Sa' txajx dxikthé kakwey fxi'jçxa ki'ptxi kĩh yũusate ikhçxawa na'jĩna pta'sxna: Naaíi Jesus Judiuwe'sxtxi Jxkaahsa' jĩnak fxi'jni yu'.

San Mateo 16:24

Txajũ' Jesusa' txãa yakh u'jusawe'sxtxi ki' we'wek: —Maawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjane'kwe, makwe pxthaa yuuwa'j seena'sa ma'k yuu nawa txã'sa' ũukhmée.

San Mateo 10:38

Makwe thẽysa uuwa'jma'k pa'j nawa txãatxi' yajkxmée fxi'zesame' adx tasxte selpiiya' ãjameena.

San Juan 5:2

Txãa çxhabte' ĩikha'jni yu' ji'phu'tx piisxáa ka'ga'jni vxitx utxate. Txã' Betesda yaase' hebreo yuwete. Ãça'sa pa'jçxa ũswa'j tahç ahtek txudeni yu', yat pwa' na'wẽsa.

San Juan 19:13

Txã'jĩni's wẽse'jçxa', Pilato' Jesusa's ekate pe'jna u'jçxa', jxkaahna u'pnite kaçxku. Txãa jxkaahna u'pni' Gabata yaasek yu' hebreo yuwete. Txã' Kwet Fxuçni jĩni'.