San Juan 18:4 - Páez

⁴ Nawa Jesusa' txã'sna ma'wẽwa pkxuuçxa ikhwa'j ãhte jiiyã'jçxa', puutx uyya' kasejk. Sa' na'jĩk: —¿Kimnakwe pakwé'? jĩte',

San Juan 18:4 Referans Kwoze

San Juan 13:1

Paskua fxiesta ãjxa' teeçx ençxáa pejiiçku yu'. Aça' Jesusa' jiik yu' naa kiwe's nvxihtçxa Ney tasxna u'jwa'j en ãani's. Sa' naa kiwete txãa yakh u'jusawe'sxtxi' nyafxiitey ma'wẽne' peeygãh na', nmeh entepkaçxku peeygãh.

San Juan 18:7

Aça' Jesusa' ki' pẽjxku: —¿Kimnakwe pakwé'? jĩte', txãawe'sxa': —Jesus Nasarethuwe'sxa'stha'w pakwé' jĩnatx pas.

Hechos 2:28

Pçuwa'jmée ĩtxi ũswa'the pa'jwa'ja's kaapiya'jg, Sa' iidx ũsnite weçxana ũswa'ja's yuuçxáa ũsune'ga jĩna fxi'jni'.

San Juan 19:28

Txãa skhẽua', Jesusa' jiik yu' jxuka kxtey yuuna u'jweçtewa. Sa' Dxus librute ma'wẽ fxi'jni kxtey yuukahnku na'jĩna we'we: —Yũ'wẽeth jĩna.

San Juan 13:11

Jxukaysa yu' ate ũsmeei'kwe jĩnak we'we, txã's ikhkahn dukhwa'jsa's we'weçxak txã'jĩ.

San Juan 6:64

Nawa maaíi yu' isane' pta'sxi' sũju'çmeei'kwe jĩk. Jesusa' dxiikhẽy jiiyã'kh yu' maa txã'wẽ açeçtewa, sa' kim ikhkahn dukhwa'jsatewa, txãa pa'gak dxiikhẽy txã'jĩna we'we. Sa' ki' we'weçxa':

San Lucas 24:44

Sa' na'jĩnak we'we: —Adxna na'wẽ yũuk txã'snath adxa' i'kwe'sx yakh nee u'juy pta'sx. Moises ley fxi'jni vxite' Dxus yuwee pta'sxsawe'sx librute fxi'jni vxite' Salmos librute fxi'jni ũsta', adxa's ma'wẽ yũuwa'ja'swa txã' jxuka kxtey yuuna jĩnath pta'sx.

San Mateo 26:31

Aça' kxtee pa'jçxa', Jesusa' na'jĩnak we'we: —Naa kuste' i'kwe'sx jxukaysa adxçxáana nvxihtçxa txuteene'kwe. Txãa pa'gatey txã'wẽ yũuwa'ja's Dxus librute na'jĩ'k: Piisxáa-thegsa's ikhte', piisxá' jxuka ũphuutxna jĩ'k.

San Mateo 26:21

Sa' ũ'na u'pçxa', na'wẽk we'we: —Isath we'we', i'kwe'sx yakh u'jusa teeçxsa' adxa's açesawe'sx kusete dukhya'wa' jĩte',

San Mateo 26:2

—I'kwe'sxa' jii i'kwe Paskua fxiesta ãjxa' e'z ençxáa yã'j peejxa', aça' txãa ente' Dxus Nçxi'k Nasa Yuusa's uweçxa dukhni yuuna kluuskhẽ a'kxçxa ikhkahn jĩk.

San Mateo 16:21

Txãa entek Jesusa' nyafxçxah pta'sx txãa yakh u'jusawe'sxtxi na'jĩna: —Jerusalenna u'jwa'j ji'pthu. Kxteea' wala pkxuuni yu'nja judiu nthẽ'jsawe'sx vxite' sacerdote npiiçthẽ'jwe'sx vxite' Dxus leya's kaapiya'jsa txãawe'sx kusete. Txãawe'sxa' ikhetxna, nawa tekh ente' ki' ĩtxi yu'nja jĩna pta'sxte',

1 Pedro 4:1

Kristowa ma'wẽga txajx kakwete akasa's jxpa'gana pxthaa yuu, txã'wẽy i'kwe'sxwa pxthaa yuuwa'jsatha'w sũhna meswe, txãa pa'gatey peekx kakwete ewmée yũuya' yaakxni pkala's nvxihtçxa, Dxus jxthãasniçxá's uu entepkaçx kxtey yuuya' yaakxpa'gak pxthaa yuuwa'j en pa'ja'.

San Juan 18:5

txãawe'sxa' na'wẽtx pas: —Jesus Nasarethuwe'sxa'stha'w pakwé' jĩte', Jesusa' na'jĩk: —Adxíi txãath. Aça' Judaswa kxtee txãawe'sx yakh ũsu'k, Jesusna kuuwe'jna.