San Juan 18:33 - Páez

³³ Txajũ' Pilato' txajx u'pnite ki' kũhçxa', Jesusa's pa'yaçxa na'wẽk paapẽjx: —¿Idxa' judiuwe'sxtxi jxkaahsawá'ga? jĩte',

San Juan 18:33 Referans Kwoze

San Juan 19:12

Txã'jĩna we'wenijũ' Pilato' wala pa'pçxuk Jesusa's txhweetewẽeçxa. Nawa judiuwe'sxa' na'jĩnatx sus we'we: —Naa piçthẽ'ja's txhweteçxa', jxkaahsa Cesar namikumée yuune'ga. Maawa fxiy jxkaahsa' txã' Cesar ju'gusame'.

San Juan 19:3

—¡Vxiwa, judiuwe'sxtxi jxkaahsa! Txã'jĩçxatx dxi'pga petxaatxa.

San Juan 18:37

Txã'jĩte', Pilato' ki' pẽjxku: —Txã'wẽçxa' ¿idxa' jxkaahsa dxihgá'? jĩte', Jesusa' na'jĩk: —Idx kxsusu'g txã'wẽíith. Naa kiwete upxçxa isasaçxáana pta'sxya'th yuwé'. Maawa isasa's nwẽese'jwa'jsa' adx we'weni's jxpa'yakxtxi wẽse'je' jĩte',

San Juan 12:13

lamus eç spẽ'thçxa Jesusa's pu'thegya' kasehtx. Sa' na'jĩnatx sus we'we': —¡Dxus txakwe ewte, teeçx yuja' Dxus kaahni, Israelwe'sxtxi Jxkaahsa wala ewsa'! jĩnatx weçxá'.

San Marcos 15:2

Aça' Pilato' Jesusa's na'jĩnak pẽjx: —¿Idx wáa judiuwe'sxtxi jxkaahsane'ga? jĩte', Jesusa' pasku: —Txã'wẽ íith. Isa yuh we'weg jĩk.

San Mateo 27:11

Jesusa' ne'jwe'sx tasxte jxũna u'jnik yuu, aça' txã' na'jĩnak pẽjx: —Idx wáa txã'wẽ judiuwe'sxtxi jxkaahsane'ga jĩte', Jesus pasçxa': —Idxa' isag we'we'. Adxa' txã'wẽsaíith jĩk.

1 Timoteo 6:13

Dxusa' na'wẽ ĩtxi fxi'zewa'ja's peesu'k kĩjkĩhçxah ũsna txãatx jxuka vxite' Jesukristowa Dxus Nçxi'kthu jĩna ãate pta'sxku Poncio Pilato tasxte txã'wẽ yuusaawe'sx dxi'pte ãçxha' idxa's jxkaajaçthu:

San Juan 19:9

Sa' txajx u'pnite u'kaçxa', na'jĩnak Jesusa's paapẽjx: —Idxa' ¿majũwe'sxga? jĩtewa, Jesusa' pasme'.

San Juan 12:15

Ũukhnuwe, Sion çxhabtewe'sx. Mthegwe, i'kwe'sxtxi Jxkaahsa yuja', teeçx buçxute a'jçxa jĩnak fxi'jni yu'.

San Juan 1:49

Natanaela' na'wẽk pas: —Idxa' Dxus Nçxi'kgu, Israelwe'sxtxi jxkaahsa jĩte',

San Mateo 27:27

Txã'wẽ yũute', soldauwe'sxa' ne'jwe'sx u'pnite ka'ga'jçxa, soldauwe'sx jxukaysatx pa'yaçxa Jesusa's jxuka kxtadçxatx yuju.

San Lucas 23:2

Kxtee pa'jçxa' na'jĩnatx pãatxhĩ'kh: —Naa piçthẽ'ja' nasatx kaypuba'jna ũstetha'w uy, sa' Romate gobierno's dukhwa'jme'. Sa' Dxus txhitxhçxa kaahnisa adxthu jxkaahwa'jsa jĩ'k jĩte',

San Juan 18:34

Jesusa' na'jĩk: —¿Iidx ũusuh yajkxçxaga txã'jĩ'á'? meeçxa' ¿vxitesa txã'jĩna adxa's kxsuusni's wẽse'jçxawá'ga txã'jĩ'? jĩte',

San Juan 18:38

Pilato' na'wẽk paapẽjx: —Na'wẽ isasa' jĩna we'we'g txã' ¿kĩhna? Txã'wẽ Jesusa's paapẽjxçxa', Pilato' ki' eka kasejk judiuwe'sxtxi na'jĩna pta'sxya': —Naa piçthẽ'j ewmée yũuni's kĩhte yuhwa uyu'çmeeth.

San Juan 19:4

Txajũ' Pilato' ki' eka kasehçxa' na'wẽk we'we: —Mthegwe, naa piçthẽ'ja' ayte ũsa', nawa txã'sa' makwe paapẽjxçxawa txajx ewmée yũuni's uymeeth.