San Juan 18:20 - Páez

²⁰ Jesusa' na'jĩnak pas: —Adxa' ãateçxaçxáa iiwe'weth nasa jxukaysa dxi'pte, judiuwe'sx pkhaakhenisu vxite' dxuus yatte judiuwe'sx jxukaysa ksxavxyte Dxus yuwe's kaapiya'jna. Adxa' paaçte yu' kĩhwa iipta'sxmeeth.

San Juan 18:20 Referans Kwoze

San Juan 7:26

Txã'wẽ pakweeçtewa, nasaa ksxavxyte yajkxyajkxmée we'wena ũsa', kim yuhwa ma'jĩnimeete. Meeçxa' ¿kwe'sx npiiçthẽ'jwe'sxa' ew yuh jiyuwá'ntakx naa piçthẽ'ja' Dxus tasxu yuusa Kristotewa?

San Mateo 4:23

Jesusa' Galilea kiwe jxukak pekũh, judiuwe'sx pkhaakheni yat-su Dxus jxkaahwa'j yuwe ewsa's pta'sxna, txã'wẽy nasa kĩh weete ãça'satxwa jxuka nuykatxhik.

San Lucas 21:37

Jesusa' en yu' dxuus yattek kaapiya'ja', nawa kus yu' Oliwos vxiçnak u'jwe'.

San Juan 7:4

Maawa ãate tuuthe'j jxthãasuççxa', paaçsu u'jumeena. Na'wẽ kimwa ãjanimeesa's kaavxya'ja'g na' txãatxi' ãate mkaavxya'j maawa uykahn jĩnatx we'we'.

San Lucas 4:15

Txajũ' Jesusa' judiuwe'sx pkhaakhenisu Dxus yuwe's kaapiya'the', jxukaysa wala weçxana tuuthe'je'tx.

San Mateo 26:55

Txã'jĩçxa' tudsatxku we'we: —Adxa' pesweethas i'kwe adxa's tudxa' kçxilx petx fxtũ atçxa pa'j. Adxa' kaapiya'jya' een isath dxuus yatte i'kwe'sx ksxavxyte nes yu'. Nawa txagaçxhíi yu' tudmeei'kwe.

San Mateo 9:35

Jesusa' çxhab walasu çxhab le'çxkwesu judiuwe'sx pkhaakheni yat iisa kaapiya'jnak pekũju'. Sa' Dxus jxkaahwa'ja'swa pta'sxna vxite' wee ma'wẽsate nasa ãça'satxwa nuykatxhina kĩh akatxwa jxuka kaykase'je'k.

San Juan 8:26

Txãasa wala pta'sxwa'j ji'pthu i'kwe'sx ma'wẽsatewa ãate pta'sxna, txãa pa'gatey adxna kaahsa' ĩsxiisame', aça' adxa' txajx we'weni's wẽse'jçxa txã'wẽ íiçxáath pta'sxi' maawa jiyukahn jĩnak we'we.

San Juan 8:2

Sa' kuskus kusíiçxáa dxuus yatte sxawedna pa'kh. Txajũ' nasa jxukaysa utxaate', Jesusa' kaapiya'jya' kaçxku.

San Juan 7:28

Aça' Jesusa' dxuus yatte kaapiya'jna ũsíi, sus we'weçxa na'jĩk: —Adxa'sa' jiiyuji'kwe majũwe'sxtewa. Nawa adxa' peekx yuu wẽeçxaçxáa yuwe'çmeeth, Dxus kaahni ayte ũsthu. Txãa yuuçxáa isa we'wesa' txãa kaahsa's yu' i'kwe'sxa' jiyu'çmeei'kwe.

San Juan 7:14

Fxiesta pçuuna u'jweçpkaçxha', Jesusa' dxuus yatte u'kaçxa kaapiya'jya' takhku.

San Mateo 26:65

sacerdote npiiçthẽ'ja' ũusaçxaçxa peekx athni ropa's sudek na'jĩna: —Naa piçthẽ'ja' txajx yuweju yuu açewe'wek Dxusa's, aça' ¿kĩjxa'çxáa testigo jwee pejiikxtha'w? Txajx açewe'weni's i'kwe'sxíiwa wẽse'ji'kwe.

Hechos 26:26

Txãa yuwe's jxkaahsa Agripa ayte u'pa' txãawa ew jiia'. Txãa pa'gath adxa' thaamemée pta'sxi' txajx dxi'pte. Naa yuwe' paaçte sũthçxa we'wenisame'. Txãa pa'ga jxkaahsawa txãa yuwe's ew jiina sũju'th.

San Mateo 24:26

Txãa pa'ga nwẽese'jmeene'kwe makwe txã'wẽ kxtee ũsa' nasa u'pnimeete jĩtewa meeçxa' ay dxiite ũsa' jĩtxna.

San Marcos 8:32

Jesusa' txã'wẽk ew ãate pta'sx. Aça' Pedro' Jesusa's fxiite pe'jna u'jçxa, yu'kxpejk.

San Juan 6:59

Jesusa' txã'wẽk pta'sx Kapernaumte judiuwe'sx pkhaakhenite.

San Juan 18:21

Aça' adxa's ¿kĩjxa'ga paapẽyi'? Adx pta'sxni's wẽse'jsatx mpaapẽjx, aça' txãawe'sxa' pta'sxitxna adx kĩh we'weni'swa. Txãawe'sxa' adx pta'sxni's jiita' na'.