San Juan 18:19 - Páez

¹⁹ Txajũ' Anasa' paapẽjxya' takhku Jesusa's: —Idx yakh u'jusawe'sxa' ¿kimtxna? aça' idxa' ¿kĩhga kaapiya'ja'? jĩte',

San Juan 18:19 Referans Kwoze

San Lucas 20:20

Nawa kĩhteçxáawa ewmeete nvxiht-ya' sũhçxa thegsa kaahtx. Aça' txãawe'sxa' Jesusa's ew paapẽysa na'wẽ yuh we'wena utxaatx, jxkaahsa's ewmée we'wetewa jiyuçxa' ne'jwe'sxa's pãatxhĩ'khya' sũhçxa.

San Mateo 26:57

Aça' Jesusa's tudçxa jxũna u'jtx sacerdote npiiçthẽ'j Kaifxas tasxte. Kxteea' ley kaapiya'jsa vxite' judiu nthẽ'jsawe'sx txãawe'sxtxi pkhaakheçxa ũs yu'.

San Marcos 14:53

Txajũ' Jesusa's sacerdote npiiçthẽ'j tasxte nuypa'jtx. Aça' kxte' sacerdotewe'sx, judiu nthẽ'jsawe'sx Dxus leya's kaapiya'jsawe'sx jxukay pkhaakhetx.