San Juan 18:11 - Páez

¹¹ Aça' Jesusa' Pedro's na'jĩnak jxkaah: —Kçxilxa's wainutey myu'akh. Adx nxuste pxthaa yuuwa'ja'sku Tata' jxthãasu' aça' txã'sa' jxpa'gawa'jsameena sũju'wá'ga jĩk.

San Juan 18:11 Referans Kwoze

San Mateo 26:39

Jesusa' jxu'jmée u'jçxaçxáa txkaa pkipha weteçxa Dxus yakh puutx we'wek na'jĩna: —Tata, idxa's ewuweçxte', adxa's meen nwe'we txakwe wala pxthaa yuuwa'ja's jxpa'gakahmen. Nawa adx jxthãasni yu'sa' kxtey yuumeeçxawa, iidx jxthãasniçxá's kxtey meen yũu.

San Mateo 20:22

—I'kwe'sxa' jiimeeçxai'kwe txã'wẽ pẽyi'. Adx na'wẽy pxthaa yuuçxa uuwa'ja's ũukhmée jxpa'gaya' ¿ãjama'kwe i'kwe'sxa'? jĩte': —Ãja'nja'w jĩnatx pas.

San Juan 20:17

Txajũ' Jesusa' na'jĩk: —Adxa's jxa'dxnuwe, Tata tasxna u'jmeythu naa pa'ga. Wejxwa adx yakhthẽ'jwe'sxtxi pta'sxya' me'jwe na'jĩna: Adx Tata' i'kwe'sx Tataíiçxá', sa' adx Dxusa' i'kwe'sx Dxusíiçxá' txajx tasxna u'jweçthu jĩnak pta'sxkaah jĩne'kwe.

San Juan 15:10

Adx jxkaahnitx nwẽese'jçxa', adx peeygãaniteçxáa fxi'zene'kwe, adxwa ma'wẽtka Tata jxkaahnitx nwẽese'jçxa' txajx peeygãaniteçxáa fxi'ze' txã'wẽy.

Hebreos 12:2

Jesukristo yuuçxá's pu'vxitumée yajkxna fxi'zega, txãa pa'gatey txãa yuuçxáak Dxusa' pu'çxhina sũhwa'ja's ũsu', sa' txãa yuuçxáak Dxusna yaakxni jxuka kxtey yuuna pa'phkaçx pu'çxhi'. Txã'wẽ yũuya'k Jesusa' thaamewa'j yu'sa' yajkxmée kluuste uu, txakwe wala nxusnxustewa. Txãa pa'gatey pxthaa yuuni en skhẽwniijũ' wẽt weçxana ũswa'ja's jiik yu', txãasak cielute Dxus ũsni pukate kaçx.

2 Corintios 10:4

Kwe'sxa' naa kiwete puiinisa yakh pui'çmeetha'w. Dxus kaaũusuthe'jnisa yakhtha'w pui'. Txãasa ewmeesa yu'sa' makwe seena' walasatewa knaywa'jsatha'w.

San Lucas 22:42

—Tata, idxa's ewuweçxte', seena' nxuste uuwa'ju meen nwe'we. Nawa adx jxthãasni's kxtey yuumeeçxawa, iidx jxthãasniçxá's kxtey meen yũu jĩte',

San Mateo 26:42

Txajũ' Jesusa' ki'kin u'jçxa', na'jĩnak Dxus yakh puutx we'we: —Tata, txakwe wala pxthaa yuuwa'ja's yu'pthejxa' ewuweçxmeete', iidx jxthãasni kxtey yuuwaççxáa ewna jĩçxa',

2 Corintios 6:7

isasaçxá's pta'sxna, Dxus pu'çxni's kaavxya'ja'jna. Sa' açewe'wesatx paswa'j ma'k yuu meeçxa' pkxuuçte paswa'j ma'k yuu nawa kĩhtewa ewçxáa paswa'ja'sçxáath yajkxna fxi'ze'.

San Juan 18:36

Jesusa' pta'sxku: —Adx jxkaahwa'ja' naa kiweteme'. Txã'wẽ naa kiwete jxkaahwa'jsawaça', adx ju'gusawe'sxa' puiiwa'jne'ta yu', judiuwe'sx kusete adxa's dukhkahmen. Aça' naa kiwete jxkaahsameeth.

San Juan 17:24

Tata, adxa's jxpe'khan ũsgu aça' txãawe'sxtxi' adx ũsnitey ihth ũs jxthãasu', naa kiwe meetey adxa's peeygãhçxa weçxana jxpe'jna ũsu'g txã'sa' uykahn.

San Lucas 12:30

Naa kiwete nasaçxáatx kakwete peejiniçxáana yajkxna fxi'ze'. Nawa i'kwe'sxa' cielute Tata ji'phi'kwe txã' jxuka jiiyã'ja' i'kwe'sx kĩh peejini'swa.