San Juan 17:2 - Páez

² Nasa jxukaysatx jxkaahwa'ja's adxna ũsgu, iidx ũsni yuutxi' jxukaysatx pçuwa'jmée ĩtxi fxi'zewa'ja's ũskahn.

San Juan 17:2 Referans Kwoze

San Juan 6:39

Adx Tata' adx jxpe'khan dukhnisatxi' teeçxçxáa yuhwa ivxiitu jxthãasu'çme', kxajíi adxa' nmeh ente' ki' ĩtxi vxitu'nja.

San Juan 6:37

Makwe i'kwe'sx yu' adxa's jxpa'gameetewa, adx jxpe'khan Adx Tata dukhnisawe'sx yu' jxukaysa adx tasxteçxaçxáa pa'jatxna. Aça' maawa adx tasxte pa'jsatxi' ahçemée weçxana jxpa'ga'nja.

San Juan 17:24

Tata, adxa's jxpe'khan ũsgu aça' txãawe'sxtxi' adx ũsnitey ihth ũs jxthãasu', naa kiwe meetey adxa's peeygãhçxa weçxana jxpe'jna ũsu'g txã'sa' uykahn.

San Mateo 28:18

Txajũ' Jesusa' txãawe'sx tasxte utxaaçxa na'wẽk we'we: —Cielute vxite' naa kiwetewa adxnaçxaçxáak neewe'weni yuu jxkaahwa'ja's.

1 Juan 5:20

Jiitha'w Dxus Nçxi'k naa kiwete kĩhçxa', Dxus ĩtxisa's jiyuwa'ja's kwe'sxtxi ũsku. Txãa pa'ga Dxus ĩtxisa Nçxi'k Jesukristo yakh fxi'zena ũstha'w. Txãa Dxus ĩtxisa' bagaçxte yuhwa pçumée ĩtxi fxi'zewa'ja's kwe'sxtxi peessa'.

San Juan 17:9

Adxa' txãawe'sxtxi' iidx kuseteth nvxihtna neewe'we'. Naa kiwete idxa's jiimeesa ũsta' txãawe'sx pa'gate neewe'we'çmeeth. Adx jxpe'khan ũsgu txãawe'sx pa'gateçxáath neewe'we', txãawe'sxa' iidx jĩita' naa pa'ga.

San Juan 17:6

Naa kiwejũ maaíitxi' txhitxgu, aça' txãawe'sxtxi' kaajiyu'th idx ma'wẽsatewa. Txãawe'sxa' iidx jĩitx yu', nawa adx jxpe'khangu ũs, aça' txãawe'sxa' nwẽese'jtx iidx jxkaahni's.

San Juan 4:14

Nawa adx peesni yu'a's tudxçxa', bagaçxte yuhwa yũ'wẽemeetxna. Txãa pa'gatey adx peesni yu'a' txãawe'sx ũuste yu'ĩçh na'wẽ nes yuuna, pçuwa'jmée ĩtxi fxi'zewa'ja's ji'phukahn.

San Juan 3:35

Neya' Nçxi'ka's wedxçxa kĩhnawa jxuka txajx kusete nvxihtku.

1 Juan 2:25

Aça' txã'wẽ yũusatxi' Jesukristo' peesya' neeyũuk bagaçxte yuhwa pçumée ĩtxi fxi'zewa'ja's.

1 Pedro 3:22

Ãçxha' txã' cielun u'jçxa Dxus pukate jxkaahna ũsa', aça' txã'sa' angeleswe'sx ma'wẽsawa txã'sçxaçxáanatx nwẽese'je'.

Hebreos 1:2

Sa' ãçxh naa nmeh ensu' Dxusa' kwe'sxtxik we'we txajx Nçxi'ka's kaahçxa. Dxusa' txajx Nçxi'ka's jxkaahçxak naa kiwe kĩjkĩhnawa jxuka vxit. Txã'wẽ yũuçxak Dxusa' txãatxi's jxuka Nçxi'k kuseteçxaçxáa nvxiht.

San Mateo 11:27

Adx Tata' kĩhnawa jxuka adxçxaçxáanak dukh. Nawa Dxus Nçxi'k ma'wẽsatewa kim yuhwa ew yu' jiimeeta', naasáa adx Tata yuuçxáa jiia'. Txã'wẽy kim yuhwa ew yu' jiimeeta' adx Tata's, naasáa Nçxi'k yuuçxáa ew jiia' Neya's. Txãasak maawa jiyu wẽesa yuutxi' Nçxi'ka' kaajiyu'ju' Ney kimtewa.

Judas 1:21

Dxus peeygãanijũ txutemée ũythasna meswe, kwe'sx ãhmeekwetewa Jesukristo peeygãhçxa bagaçxte yuhwa pçumée ĩtxi fxi'zewa'ja's ũswa'j en ãhpkaçx.

1 Juan 1:2

Itxi kaafxi'ze'jwa'jsa' vxyaak, aça' uyçxa' txãa vxyaani's kwe'sxa' pta'sxi'tha'w. Txãasatha'w ãçxha' i'kwe'sxtxiwa kaajiyu'ju', bagaçxte yuhwa pçumée ĩtxi kaafxi'ze'jwa'jsa Ney yakh ũssa kwe'sxtxi vxyaapa'ga.

1 Timoteo 1:16

Makwe txã'wẽtewa, Dxusa' adxa's peeygãjk, adx txakwe ewmeesatewa Jesukristo' txã'wẽsa's khuẽ'yku wejx peeygãhna jxpa'ga sũjkahnku txã'wẽ yũu. Aça' maawa adx na'wẽy ewmeesa ũsçxawa kwe'sxwa pçumée ĩtxi fxi'zewa'ja's pejka jxpa'gayuju'nja'w sũjkahnku txã'wẽ yũu.

Filipenses 2:10

Aça' cielute ũssa vxite' naa kiwete ũssa vxite' mtee mteewe'sxwa jxuka Jesus tasxteçxaçxáa peejxũkweçxa

Efesios 1:20

Dxusa' txãa ãjanisa yakh íiçxáak Kristo's uuniijũwa ki' ĩtxi vxitçxa cielute txajx pukate kaykaçxi'j.

1 Corintios 15:25

Nawa txã'wẽ yuumey yu' Kristo khuẽ'y jxkaahwa'jsa', txã'wẽ Dxusa' açesa jxukaysatx Kristoçxaçxá's nwẽese'jwa'ja's vxitpkaçx.

Romanos 6:23

Txã'wẽme', pkala' naasáa uuwa'ja's yuuçxáak ũsu'. Nawa Dxusa' bagaçxte yuhwa pçumée ĩtxi fxi'zewa'ja'sku peesu', Kristo Jesus nwe'wepa'ga.

San Juan 6:27

Txik ũ'çxa fxi'zewa'jçxá's pakwewa'jme', wejxwa ũ' bagaçxte yuhwa pçumée ĩtxi kaafxi'ze'jwa'jsa's pakweewa'ja'. Aça' Dxus Nçxi'k Nasa Yuusa' txã'wẽ pçumée ĩtxi fxi'zewa'ja's ũsu'nja, txã'wẽ yũuwa'ja's adx Tata' ũsku naa pa'ga jĩk.

San Mateo 25:46

Txãa pa'ga ew yũusame' infxierno ipx pçuwa'jmeete khẽeya' u'jwetxna, naapkaçxha' ew yũusawe'sxa' bagaçxtewa pçuwa'jmée ĩtxi fxi'zewa'ja's ji'phutxna.