San Juan 16:5 - Páez

⁵ Nawa ãçxha' adxna kaahsa tasxte u'jweçthu. Nawa i'kwe'sxa' maa yuhwa pẽyi'çmeei'kwe ¿mtee u'jweçga? jĩna.

San Juan 16:5 Referans Kwoze

San Juan 13:36

Txajũ' Simon Pedro' na'jĩnak Jesusa's paapẽjx: —Jxpe'jsa, ¿mtee u'jweçga? jĩte', Jesusa' na'jĩnak pta'sx: —Adx u'jweçthu kxte' yujxa' ãjameene'ga ãçxhíi yu'. Nawa e's yu' yuweene'ga jĩtewa,

San Juan 7:33

Aça' preesu'jya' kaahni's jiyuçxa', Jesusa' na'jĩnak we'we: —Adxna kaahsa tasxna sxawedna u'jya'wath na' i'kwe'sx yakh txaçxmeeçxáa pi'kxna ũsya'wath.

San Juan 16:28

Adxa' Tata tasxu kasehçxa, naa kiwete yuwe'th, sa' ãçxha' naa kiwe's nvxihtçxa ki' u'jweçthu adx Tata tasxna jĩte',

San Juan 17:4

Adxa' naa kiwetewe'sxtxi' ew kaajiyu'th idx ma'wẽsatewa, sa' idx mjĩi kaahni's jxã'jyã'th.

San Juan 16:10

Adxa' maatxwa jxuka nwe'wewa'jsaçxaíi nwe'wewa'ja's vxitna uuçxa adx Tata tasxna u'the', peena yu' uymeene'kwe.

Hebreos 12:2

Jesukristo yuuçxá's pu'vxitumée yajkxna fxi'zega, txãa pa'gatey txãa yuuçxáak Dxusa' pu'çxhina sũhwa'ja's ũsu', sa' txãa yuuçxáak Dxusna yaakxni jxuka kxtey yuuna pa'phkaçx pu'çxhi'. Txã'wẽ yũuya'k Jesusa' thaamewa'j yu'sa' yajkxmée kluuste uu, txakwe wala nxusnxustewa. Txãa pa'gatey pxthaa yuuni en skhẽwniijũ' wẽt weçxana ũswa'ja's jiik yu', txãasak cielute Dxus ũsni pukate kaçx.

Hebreos 1:3

Txãa Nçxi'k íik Ney zhiçxkwe zmeena' kweethnisa yu', sa' Dxus ma'wẽsate' le'çxkweçxáa yuhwa fxiysamée txãa íiçxáak yu'. Sa' txãa íiçxáa naa kiwe ma'k yuu nawa kĩjkĩhnawa jxuka ewçxáa kaafxi'ze'jna ũsa' txajx we'weni yakhçxáa. Sa' txãa íiçxáa kwe'sx pkaltxi yaateçxa Dxus pukate kaçxku cielute.

San Juan 13:3

Aça' Jesusa' jiik yu' Dxus tasxune' yuusa yu' sa' ki' Dxus tasxnay u'jwa'ja's. Sa' txã'wẽy jiik yu' Dxus ma'wẽçxah jxkaahwa'ja'swa txãaçxaçxá's dukhni'swa.

San Juan 16:16

Ãçxha' adx Tata tasxna u'jwa'j ãjãça', aça' adxa's uymeene'kwe. Nawa vxite enkhẽ' adxa's ki' uyuune'kwe.

San Juan 14:28

U'jçxa ki' sxawedu'nja i'kwe'sx yakh ũsya' jĩni's wẽse'jyã'ji'kwe na', adxna isa wedxdxihçxa', weçxweçxa yaakine'kwe, txãa pa'gatey adxte jxthaakwesa adx Tata tasxna u'jweçthu naa pa'ga.

San Juan 6:62

Txã'wẽ jiyumée ũsçxawa, Dxus Nçxi'k Nasa Yuusa' cielun teekaçte uyçxa', ¿maa sũjuki'kwe?

San Juan 17:13

Ãçxha' yuhth idx ũsgu kxteey. Nawa naa kiwete nee ũsíi txã'wẽth idxa's neewe'we', kxah txãawe'sxa' ũukhmée weçxana fxi'zetxna, adxwa na'wẽth weçxana fxi'ze' txã'wẽy.

San Juan 16:17

Txã'jĩte', txãa yakh u'jusawe'sxa' na'wẽtx puutx ya'paapẽyi': —¿Ma'jĩçxaki'k txã'wẽ we'we'? Ãçxha' adx Tata tasxna u'jwa'j ãjaça', aça' adxa's uymeene'kwe. Nawa vxite enkhẽ' ki' uyuune'kwe jĩ'k sa',