San Juan 15:22 - Páez

²² Dxus jxkaahni's adx pta'sxya' kĩhmeewaça', txãawe'sxa' yuuwemeesa yuutxna. Nawa ãçxha' adx pta'sxni's jiyutx na' yuuwemeetha'w jĩya' ãjameetxna.

San Juan 15:22 Referans Kwoze

San Juan 9:41

Jesusa' na'jĩnak pta'sx: —I'kwe'sxa' uyya' ãjãsamée dxihwaça', yuuwesamée yuune'kwe. Nawa uyu'tha'w jĩ'i'kwe na', txãa pa'ga Dxus dxi'pte' yuuwesai'kwe jĩk.

Santiago 4:17

Maawa ew yũuwa'ja's jiiçxa ew yũumeeçxa', Dxus dxi'pte yuuwesa yuuna.

Hechos 17:30

Dxusa' nyafxíi ensuy yu' ma'jĩme' nasa' jiimeeçxa ma'wẽwa yũutewa. Nawa ãçxha' jxukaytxi jxkaaja'k pkaltxi nvxihtçxa Dxusa'sçxáa pakwekahn.

San Juan 12:48

Adxa's wa'lçxa adx pta'sxnitxi' kxtey yuumeete', txã'wẽ yũusatx ewmeete nvxiitwa'jsa ũsa': ãçxh na'wẽ adx pta'sxna we'we'th txãa pta'sxnisa íiçxáa ewmeete nvxiitwa'jsata' nmeh ente'.

1 Pedro 2:16

Dxus nwe'wenisa yã'jçxa', ew mfxi'zewe. Nawa nwe'wenisa yã'tha'w aça' kimwa ma'jĩmeena sũhçxa ewmée yũunuwe, wejxwa Dxus kusete selpisaatha'w sũhna ew yũuwa'jçxá's yajkxna mfxi'zewe.

Romanos 2:1

Txã'wẽ ewmée yũupa'ga Dxus kastigo's jxpa'gawa'j ji'phta' jĩna idxa' açewe'weçxawa, txãa nasa ewmeesa na'wẽ íiçxáag ewmée yũuna fxi'ze' makwe Dxusa's jiiçxawa.

San Lucas 12:46

Naapkaçxha' txajx patrona' sxaweduuna txã'wẽ yultumu' patron pa'jwa'ja's jiimeeçxa' ũythasmée ũsiyna. Sa' wala seena' kastigaĩna, nwẽesẽ'jsameewe'sxtxi ma'wẽ kastigaĩkx txã'wẽy.

San Juan 19:11

Jesusa' pasku: —Dxuspa'gameewaça', idxa' kĩjxa'yuhwa ãjawa'jsameeg adxa's. Nawa iidx kusete adxa's dukhsa' idxte jxthaakwe yuuwesa'.

San Juan 15:23

Adxna açesa' adx Tatanawa açesata'.

San Juan 15:24

Txãawe'sx ksxavxysu kim yuhwa vxit-ya' ãjanimeesa's adx kaavxya'ja'jmeewaça', yuuwemeesa yuutxna. Nawa makwe txã'wẽ adx ãjani's kaavxya'ja'the uyçxawa, adxna açe'tx. Aça' adxna açesayã'j yu' adx Tatanawa açesata'.

San Juan 16:9

Maawa adxa's jxpa'gaya' wa'lpa'ga txã'wẽ pkal yuuwesata'.