San Juan 14:28 - Páez

²⁸ U'jçxa ki' sxawedu'nja i'kwe'sx yakh ũsya' jĩni's wẽse'jyã'ji'kwe na', adxna isa wedxdxihçxa', weçxweçxa yaakine'kwe, txãa pa'gatey adxte jxthaakwesa adx Tata tasxna u'jweçthu naa pa'ga.

San Juan 14:28 Referans Kwoze

San Juan 14:18

I'kwe'sxçxáatx nvxihtxa'wameeth. Ki' sxawedu'nja i'kwe'sx yakh ũsya'.

San Juan 20:21

Txajũ' Jesusa' ki' we'weçxa na'jĩk: —Ũukhmée wẽtwẽtçxáa yajkxna meswe. Adx Tatawa ma'wẽga adxa's kaah txã'wẽy adxwa i'kwe'sxtxi kajaçthu.

San Juan 20:17

Txajũ' Jesusa' na'jĩk: —Adxa's jxa'dxnuwe, Tata tasxna u'jmeythu naa pa'ga. Wejxwa adx yakhthẽ'jwe'sxtxi pta'sxya' me'jwe na'jĩna: Adx Tata' i'kwe'sx Tataíiçxá', sa' adx Dxusa' i'kwe'sx Dxusíiçxá' txajx tasxna u'jweçthu jĩnak pta'sxkaah jĩne'kwe.

San Juan 13:16

Isath we'we', maawa selpisa' txajx patronte jxthaakwesame', aça' txã'wẽy kaahnisawa txã's kaahsate jxthaakwesame'.

1 Pedro 1:8

I'kwe'sx yafxju yu' Jesukristo's uymeeçxawa, peeygãhçxa nwẽese'je'i'kwe, sa' uymeeçxawa txã'sna yajkxçxa iiméh seena' wala ũuste weçxweçxa yaaki'i'kwe. Txã'wẽ ũuste iiméh seena' wala zhiçxkwe wẽtwẽt yaakxni's pta'sxya' ya'ãja'çme'.

1 Corintios 11:3

Nawa na'wẽsa'swa mjiyuwe: Kristo' Dxusa's nwẽese'jsa', aça' piçthẽ'jwe'sxa' Kristo's nwẽese'jwa'jsata', aça' u'ywe'sxa' nmi'tx nwẽese'jwa'jsata'.

San Juan 16:7

Nawa isath pta'sxi': adx u'jmeete', i'kwe'sxtxi pu'çxwa'jsa' kĩhmeena. Nawa adx u'jçxa', txã's kaja'nja. Txãa pa'ga pejka u'jwa'j yuh ji'pthu, i'kwe'sxtxi pu'çxwa'jsa's kaajxa'.

San Juan 14:12

Isath we'we', adxna ũuste jxpa'gasa' adx na'wẽy mjĩiya' ãjatxna. Nawa txã'wẽçxáamée, adx mjĩinite jxthaakwe wala mjĩiya' ãjatxna, txã'wẽ ãjakahníiçxáa adxa' u'jweçthu Tata tasxna.

San Juan 10:38

Nawa adx Tata mjĩi kaahnisatx yuh mjĩite', adx yu's jxpa'gameeçxawa, adx we'weniçxáatxwa miipa'gawe. Txã'wẽ yũuçxaçxáa jiyune'kwe, adx Tata' adx yakh ũsa', aça' adxa' Tata yakh ũstewa.

San Juan 5:18

Txã'jĩte', judiuwe'sxa' jweeíiçxáatx Jesusa's ikh wẽena kiite. Txã'wẽ ki'swa'ja' jĩna jxkaahni leyçxá's nwẽese'jmée adx Tata' Dxusa' jĩ'k na' txãawa Dxus na'wẽysath jĩ'ne' sũhçxatx txã'wẽ ikh wẽena kiite.

San Mateo 12:18

Adxna selpiwa'jsa naa piçthẽ'ja'sthu txhitxh. Txãasa peeygãhna weçxana ũsthu, Sa' adx Espiritu's ũsu'nja, Aça' adx ew yũuwa'ja's pta'sxina maa nasatxwa jxuka.

Apocalipsis 1:11

Txã' na'jĩ'k: —Kĩh yuhwa meetey adxa' ũsyã'th yu', sa' bagaçxtewa nes yuuwa'jsath. Aça' idx uyuuçgu txãatxi's eçte fxi'jçxa mkaah Dxus luuçx siete ahte pkhaakhena ũssa Asia kiwetewe'sxtxi, Efxeso, Esmirna, Pérgamo, Tiatira, Sardis, Fxiladelfxia, Laodicea txãa çxhabtewe'sxtxi jĩte',

San Juan 7:33

Aça' preesu'jya' kaahni's jiyuçxa', Jesusa' na'jĩnak we'we: —Adxna kaahsa tasxna sxawedna u'jya'wath na' i'kwe'sx yakh txaçxmeeçxáa pi'kxna ũsya'wath.