San Juan 14:12 - Páez

¹² Isath we'we', adxna ũuste jxpa'gasa' adx na'wẽy mjĩiya' ãjatxna. Nawa txã'wẽçxáamée, adx mjĩinite jxthaakwe wala mjĩiya' ãjatxna, txã'wẽ ãjakahníiçxáa adxa' u'jweçthu Tata tasxna.

San Juan 14:12 Referans Kwoze

San Mateo 21:21

Jesusa' na'wẽk pas: —Isath we'we': Kuh jwed yajkxmée Dxusa' pasyujuna sũhwa'jçxá's yajkxçxa', adx vxitthu txã'wẽçxáamée, na'wẽ yũuya'wa ãjane'kwe: Naa vxiç wala ayjxu u'jçxa ĩkh walate tee khẽe jĩne'kwe, aça' kxtey yuuna.

San Marcos 16:17

Adxa's ũusuh jxuka yajkxna jxpa'gasa' na'wẽ yũuya' ãjãtxna: Adx pu'çxte', eçx luuku vxit-satxwa nasaa ũusuh kutxi'jitxna. Sa' yuwe fxiysajuwa we'wetxna.

Hechos 16:18

Maz enwa txã'wẽ yũute', nmehte' Pablo' kuçxçxa na'wẽk we'we txãa kna'sa ũuste u'psa eçxthẽ'ja's: —Jesukristo jxkaahni's nwẽese'jçxa, txãa kna'sa ũusuh mkaaseh jĩçpkaçxha', eçxthẽ'ja' kasejk.

Hechos 9:34

Aça' Pedro' na'jĩk: —Eneas, idxa's Jesukristo nuykatxhina. Aça' kiiteçxa iidx deeni's mkiis jĩçpkaçxha', txãa piçthẽ'ja' naa dudtey kiitek.

Hechos 19:12

Txã'wẽ yũuyã'the', Pablo ropa meeçxa' panxwelo kĩhçxáanawa jxũna u'jwe'tx ãça'sawe'sx jxa'dxkahn. Aça' txã's jxa'dxçxaçxáa kĩh weejuwa katxhi'tx, txã'wẽy eçxwa txãawe'sx ũusuh kaseje'tx.

Hechos 9:40

Txajũ' Pedro' jxukaysatx eka kutxi'jna'wa, peejxũkweçxa Dxus yakh puutx we'wena'wa uusá's thegçxa na'jĩnak we'we: —Tabita, mkiitewe jĩçpkaçxha', txãa uusá' thegçxa Pedro's uyna'wa kiiteçxa kaçxku.

Hechos 8:7

Txã'wẽ maazkuẽe nasawa katxhinitx neeyũ' txã'wẽ txãawe'sx ũuste eçx ewmeesa sus weyna kasehte. Sa' txã'wẽy ẽseya' ãjasamée vxite' çxida puuple u'juya' ãjasameewa katxhitx.

Hechos 5:15

Txãjũ' ãça'satx aadaste kutxi'jçxa Pedro skhẽuwa'jsutx khikhe', kxah Pedro psxũ'ju'niçxá'swa jxpa'gasa' katxhitxna sũhçxatx txã'wẽ yũ'.

Hechos 2:41

Aça' Pedro pta'sxni's nwẽese'jçxa yu'te ya'bautisãytxi. Txãa ente' tekh mil ãhtx Kristo's jxpa'ga.

Hechos 4:4

Nawa Pedrowe'sx pta'sxni's wẽse'jçxa Kristo's jxpa'gasa yu' seena' wala kuh yu'tx, piçthẽ'jçxáatx isani cinko miltxi yu'.

San Juan 16:7

Nawa isath pta'sxi': adx u'jmeete', i'kwe'sxtxi pu'çxwa'jsa' kĩhmeena. Nawa adx u'jçxa', txã's kaja'nja. Txãa pa'ga pejka u'jwa'j yuh ji'pthu, i'kwe'sxtxi pu'çxwa'jsa's kaajxa'.

Hechos 2:33

Sa' txãa Jesusíik Dxus pukate paçu ju'gte kãhpkaçx pe'jna u'jni yuu. Sa' kxte' Ney ũsya' neeyũuk txajx Espiritu's txã'sa' jxpa'gaçxak txãa Espiritu's kwe'sxtxi makwewa ũs. Aça' txã'si'kwe i'kwe'sxa' jxuka uyna wẽse'j.

San Juan 7:39

Jesusa' txã'jĩna we'weçxa', txã'sna yaakxsa' Dxus Espiritu's jxpa'gawa'ja'sku pta'sxna txã'jĩ'. Txãa ensu' txãa Dxus Espiritu' pa'jmeyku yu', Jesus yuu cielun tejkameyku yu' naa pa'ga.

San Juan 7:33

Aça' preesu'jya' kaahni's jiyuçxa', Jesusa' na'jĩnak we'we: —Adxna kaahsa tasxna sxawedna u'jya'wath na' i'kwe'sx yakh txaçxmeeçxáa pi'kxna ũsya'wath.

Romanos 15:19

Txã'wẽ yũunath Kristo yuwe ewte nvxiitwa'jsa's mtee mteewa pta'sxna jxã'j, Jerusalente takhçxa Ilíriko kiwete pa'phkaçx.

Hechos 6:7

Txajũ' Dxus yuwe' walaana u'kh, aça' Kristo's jxpa'gasawa Jerusalente seena' wala pehnak, txãa pa'ga kxtee judiuwe'sx sacerdote yuhwa Jesus kaapiya'jni's jxpa'gatx wala kuhsa.

Hechos 4:16

Sa' na'wẽtx puutx we'we: —¿Kĩh yũukxtha'w naa e'z piçthẽ'jwe'sxtxi'? Txãawe'sxa' naa ãça'sa's txã'wẽ nuykatxhini's maa maawa Jerusalentewe'sx jxuka jiita', aça' kwe'sxa' txã'wẽ nuykatxhimeeta' jĩya' ãjame'nja'w.

San Juan 14:28

U'jçxa ki' sxawedu'nja i'kwe'sx yakh ũsya' jĩni's wẽse'jyã'ji'kwe na', adxna isa wedxdxihçxa', weçxweçxa yaakine'kwe, txãa pa'gatey adxte jxthaakwesa adx Tata tasxna u'jweçthu naa pa'ga.

Hechos 10:46

txã'wẽ vxite yuweju we'wena Dxusa's tuuthe'jna ũste.

Hechos 4:33

Jesus jxkaahnisawe'sxa' jweeíiçxáatx ũukhmée pta'sxi' Jesus uuçxawa ki' ĩtxi yuuni's, aça' Dxusa' jxukaysatx wala pu'çxhi'k.

San Marcos 11:13

Sa' higwera-tasx wala yehçsa ũste uyçxa', thegya' u'kh yũn ji'phwáana sũhçxa. Nawa yũnmée eççxáak ji'ph yu', yũn en meek yu' naa pa'ga.

San Juan 4:37

Teeçxsa' uja'k, naapkaçxha' vxite' pkhakhe'k jĩni' isa yuja'.

San Juan 5:20

Txãa pa'gatey Tata' adxa's peeygãhçxa txãa kĩh mjĩiççxawa jxuka pta'sxi'k adxa's. Txãasa ãçxh uyi'kwe txãate jweeíiçxáa walasatx kaavxya'ja'jana, aça' txãatx uyçxa' i'kwe'sxa' kuh yajkxna neeyũune'kwe.