San Juan 13:18 - Páez

¹⁸ I'kwe'sx jxukaysa yuutxi' txã'jĩ'çmeeth. Jiith kimçxah adx txhitxhnisatewa. Nawa Dxus librute na'wẽ fxi'jni ũsa': Adx yakh ih ũ'saçxawa, adxa's ahçeçxa kiikhe'jya'wa' jĩna fxi'jni' kxtey yuukahnthu txã'jĩ'.

San Juan 13:18 Referans Kwoze

San Mateo 26:23

Aça' Jesusa' pta'sxku: —Maa txã'wẽ adx yakh ja'daçxah kuse's akhena plaatukhẽ txãa txã'wẽ adxa's açesawe'sx kusete dukhwa'jsa'.

San Juan 17:12

Adxa' naa kiwete txãawe'sx yakh ũsçxa', idx pu'çxte' jxpa'yakxthu jxpe'jna fxi'ze adxa's jxpe'khan ũsgu txãawe'sxtxi's. Aça' jxukaysa yu' vxitumeeta', naasáa teeçx vxituwa'jsane' yu' txãa yuuçxáak vxitu, Dxus librute pta'sxna fxi'jni' kxtey yuukahn.

San Marcos 14:20

Aça' Jesusa' pta'sxku: —Adx yakh u'jusa teeçxsa' maa txã'wẽ adx yakh ja'daçxah kuse's plaatukhẽ akhena txãa adxa's açesawe'sx kusete dukhwa'jsa'.

San Juan 13:26

Jesusa' na'jĩnak pta'sx: —Pana's tuupha'jçxa maana ũsu'nja txãa adxa's dukhwa'jsa' jĩçxa', pana's tuupha'jna'wa Simon nçxi'k Judas Iskariote'sku ũs.

San Juan 6:70

Txã'jĩte', Jesus we'weçxa': —Adxa' i'kwe'sx docesatx txhitxhçxa pa'yatewa, teeçxsa' eçxthẽ'j jĩia' jĩnak pta'sx.

San Juan 15:19

I'kwe'sxa' naa kiwetewe'sxwaça', nasa' wedxitxna, txãawe'sx pwe'sx ma'wẽta wedxi' txã'wẽy. Nawa adxa' i'kwe'sxtxi txhitxthu naa kiwejũ, txãa pa'gatx naa kiwetewe'sxa' i'kwe'sxtxi açe', naa kiwetewe'sxmée yã'ji'kwe naa pa'ga.

Hebreos 4:13

Dxus vxitnisa' kĩh yuhwa txajx dxi'pte paaçte uynimeete yu' neeyũumeetxna. Kĩjkĩhwa jxuka ãateçxaçxáa ũsta' kwe'sxtxi kastigãywa'jsa ũsa' txajx dxi'pte.

San Juan 15:16

I'kwe'sx khuẽ'y adxa's txhitxhmeei'kwe, wejxwa adxthu i'kwe'sxtxi txhitxh. Sa' i'kwe'sx mteewa u'jçxa Dxus dxi'pte selpiina fxi'zekahnthu neewe'we', aça' i'kwe'sx txã'wẽ Dxus dxi'pte selpiina u'juni' kxul yuumeena. Txã'wẽ yũusatxi' adx Tata' jxuka ũsuna kĩh pẽjxtewa, adxa's pi'kxçxa pẽjxte'.

San Mateo 10:36

Txã'wẽ adxna nwẽese'pha'ga peekx yattewe'sxíiçxáa yaaçeni fxi'zetxna.

Apocalipsis 2:23

Sa' txãa u'y luuçxtxi's ikhe'nja. Txã'wẽ yũute Dxus luuçxa' jxukaysa jiyutxna adxa' txãawe'sx ũus dxiiju yaakxni's jxuka jiyusatewa. Sa' i'kwe'sx teeçxsa na'wẽçxah kĩh yũusatewa, ka'tuwa txã'wẽy yu'nja.

San Juan 21:17

Tekh uswa ki' pẽjxku Jesusa': —Jonas nçxi'k Simon, ¿adxa's wedxi'gá'? Aça' Pedro' wala nxusku txã'wẽ tekh us ¿adxa's wedxi'gá'? jĩna pẽjxte'. Sa' na'jĩk: —Idxa' jxuka jiig adx idxa's wedxiçtewa jĩte', Jesusa' na'jĩnak neewe'we: —Txã'wẽçxa' adx piisxaatx jxpa'yakx miipe'j.

2 Corintios 4:5

Sa' kwe'sxtxi nwẽese'j jxthãasçxa pta'sxi'çmeetha'w, wejxwa kwe'sxtxi nwe'wesa Jesukristo yuuçxá's nwẽese'jwa'ja' jĩnaçxáatha'w pta'sxi', kwe'sxa' naasáa i'kwe'sxtxi selpiisaçxáatha'w, Jesusa's nwẽese'jsa.

San Mateo 26:21

Sa' ũ'na u'pçxa', na'wẽk we'we: —Isath we'we', i'kwe'sx yakh u'jusa teeçxsa' adxa's açesawe'sx kusete dukhya'wa' jĩte',

San Marcos 14:17

Jxuka çxhi'dxiçte', Jesuswa kxtee pa'kh txãa yakh u'jusawe'sx yakh.

San Marcos 14:18

Sa' mesate ũ'na u'pçxa', na'jĩk: —Isath we'we', ayte adx yakh ũ'na u'psa teeçxsa' adxa's açesawe'sx kusete dukhya'wa' jĩte',

San Lucas 22:21

Aça' ãçxha' adx yakh ũ'na u'pa' ay mesate txãa piçthẽ'ja' adxa's açesawe'sx kusete dukhya'wa'.

San Juan 13:21

Txã'jĩna jxã'jçxa', Jesusa' nxusnxus yajkxçxa ãatek we'we: —Isath txã'jĩ', i'kwe'sx yakh u'jusa teeçxsa' adxa's ahçeçxa ewmeesa kusete dukhya'wa' jĩk.

San Juan 13:22

Txajũ' kimna txã'jĩtewa jiyumeeçxa', dxi'p iisaçxáatx puutx thegu' txãawe'sx pwe'sx.

San Juan 15:25

Nawa txãawe'sx leyte na'wẽ fxi'jni ũsa': adxna ahçetx kĩhwa yuuwemeetewa jĩ'k txã' kxtey yuukahntxi txã'wẽ yũ'.

San Juan 18:32

Jesusa' ma'wẽ uuwa'jsaçxawa pta'sxku txãa pta'sxni' kxtey yuukahntxi txã'jĩna we'we.

San Juan 19:24

Aça' soldauwe'sxa' na'wẽtx puutx we'we: —Txã's sudeya'mée swerte kaja'nja'w kim jĩi neeyũutewa jiyuya'. Soldauwe'sx txã'wẽ yũuni' Dxus librute na'wẽ fxi'jni kxtey yuuk: Adx athni's txãawe'sx pwe'sx txu'dedetx swerte kaahçxa jĩna fxi'jni'.

San Juan 19:36

Nawa Dxus librute' na'wẽ fxi'jni': Iidx dxi'thtxi' teeçxçxáa yuhwa çxkahdemeetxna jĩni kxtey yuukahntxi txã'wẽ yũu.

Hechos 1:2

Txã' cielun u'jmey, piçthẽ'jwe'sxtxi txhitxhku jxkaajxa', sa' ma'wẽçxah yũuwa'ja'swa kaapiya'kh Dxus Espiritu pu'çxte.

Hechos 1:16

—Yakhthẽ'jwe'sx mjiyuwe: Judas ewmée yũuwa'ja's Davxida' fxi'kh Dxus Espiritu kaaũusuthe'jni's Dxus librute txã' kxtey yuuwa'jsa yuh yu'ne'. Txajíik Judasa' Jesusa's preesu'jwa'jsatx pe'jna kũhçxa dukh.